Sit Arkeoloġiku ta’ Paphos
sit arkeoloġiku f’Ċipru / From Wikipedia, the free encyclopedia
Is-Sit Arkeoloġiku ta’ Paphos, magħruf ukoll bħala l-Park Arkeoloġiku ta’ Kato Pafos, fih il-biċċa l-kbira tal-belt Griega u Rumana antika u importanti ta’ Paphos u jinsab fil-Lbiċ ta’ Ċipru. Is-sit arkeoloġiku tħejja biex ikun aċċessibbli għal żjarat turistiċi fi ħdan is-sezzjoni ta’ Nea Paphos (‘Paphos Ġdida’) tal-belt kostali, għalkemm l-iskavi għadhom għaddejjin.[1]
Is-siti u l-monumenti ta’ Paphos imorru lura għall-Preistorja sal-Medju Evu. Fost l-iktar fdalijiet sinifikanti li ġew skoperti sa issa hemm erba’ vilel Rumani kbar u elaborati: il-Villa ta’ Dijoniżju, il-Villa ta’ Aion, il-Villa ta’ Teżew, u l-Villa ta’ Orfeo.[2] L-erba’ vilel huma pavimentati bil-mużajk li baqa’ ppreservat tajjeb ħafna, speċjalment fil-Villa ta’ Orfeo. Barra minn hekk, mill-iskavi ħarġu agora, asklipieion, bażilika, odeion, teatru Ellenistiku-Ruman, u nekropoli magħrufa bħala “l-Oqbra tar-Rejiet”.[3]
Is-sit arkeoloġiku ta’ Paphos tniżżel fil-lista tas-Siti ta’ Wirt Dinji tal-UNESCO fl-1980.[4]