![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e0/Bosque_Encantado%252C_Parque_nacional_de_Garajonay%252C_La_Gomera%252C_Espa%25C3%25B1a%252C_2012-12-14%252C_DD_19.jpg/640px-Bosque_Encantado%252C_Parque_nacional_de_Garajonay%252C_La_Gomera%252C_Espa%25C3%25B1a%252C_2012-12-14%252C_DD_19.jpg&w=640&q=50)
Park Nazzjonali ta' Garajonay
park nazzjonali ta' Spanja fil-gżira ta' La Gomera, waħda mill-Gżejjer Kanarji / From Wikipedia, the free encyclopedia
Il-Park Nazzjonali ta' Garajonay (bl-Ispanjol: Parque nacional de Garajonay, ippronunzjata [ˈpaɾke naθjoˈnal de ɣaɾaxoˈnaj]) jinsab fiċ-ċentru u fit-Tramuntana tal-gżira ta' La Gomera, waħda mill-Gżejjer Kanarji (Spanja). Ġie ddikjarat bħala park nazzjonali fl-1981 u bħala Sit ta' Wirt Dinji tal-UNESCO fl-1986.[1] Jokkupa erja ta' 40 km2 u huwa estiż f'kull waħda mis-sitt muniċipalitajiet tal-gżira.
![Thumb image](http://upload.wikimedia.org/wikipedia/commons/thumb/e/e0/Bosque_Encantado%2C_Parque_nacional_de_Garajonay%2C_La_Gomera%2C_Espa%C3%B1a%2C_2012-12-14%2C_DD_19.jpg/640px-Bosque_Encantado%2C_Parque_nacional_de_Garajonay%2C_La_Gomera%2C_Espa%C3%B1a%2C_2012-12-14%2C_DD_19.jpg)
Kważi 450,000 turist iżiru l-park kull sena. Hemm akkomodazzjoni għat-turisti ftit 'il barra mill-konfini tal-park.[2]
Il-park issejjaħ għall-formazzjoni tal-blat ta' Garajonay, l-ogħla punt tal-gżira f'1,487 metru. Jinkludi wkoll promontorju żgħir b'altitudni ta' 790-1,400 metru 'l fuq mil-livell tal-baħar. Karatteristiċi tal-park nazzjonali jinkludu l-blat enormi fil-gżira. Dawn huma eks vulkani b'għamliet li ġew imsawra mill-erożjoni. Uħud, bħall-"Fortaleza" (fortizza bl-Ispanjol) kienu jitqiesu bħala sagri mill-abitanti lokali tal-gżira, kif ukoll bħala refuġji ideali meta kienu jiġu attakkati.[3] Il-park fih network kbir ta' 18-il mogħdija għall-mixi, u t-trekking huwa waħda mill-attivitajiet turistiċi ewlenin fil-gżira.