![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/15/Qareh_kelissa.jpg/640px-Qareh_kelissa.jpg&w=640&q=50)
Kumplessi Monastiċi Armeni tal-Iran
monasteri u kappella Armeni fl-Iran / From Wikipedia, the free encyclopedia
Il-Kumplessi Monastiċi Armeni tal-Iran huwa Sit ta' Wirt Dinji tal-UNESCO li jinsab fil-provinċji tal-Punent tal-Ażerbajġan u tal-Lvant tal-Ażerbajġan fl-Iran. Is-sit huwa magħmul minn tliet gruppi ta' knejjes Armeni li ġew stabbiliti bejn is-sekli 7 u 16 W.K.
![Thumb image](http://upload.wikimedia.org/wikipedia/commons/thumb/1/15/Qareh_kelissa.jpg/320px-Qareh_kelissa.jpg)
Il-binjiet tal-Monasteru ta' San Taddew, tal-Monasteru ta' San Stiefnu, u tal-Kappella ta' Dzordzor sarulhom bosta rinnovazzjonijiet. Dawn is-siti tniżżlu fil-lista tas-Siti ta' Wirt Dinji tal-UNESCO fit-32 sessjoni tal-Kumitat tal-Wirt Dinji fit-8 ta' Lulju 2008.[1] It-tliet siti jinsabu f'erja totali ta' 129 ettaru (320 akru) u tniżżlu taħt il-kriterji tal-għażla tal-UNESCO (ii), (iii) u (vi) għall-valur universali straordinarju tagħhom biex joħorġu fid-dieher it-tradizzjonijiet arkitettoniċi u dekorattivi Armeni, bħala ċentri ewlenin għad-diffużjoni tal-kultura Armena fir-reġjun, u bħala postijiet ta' pellegrinaġġ tal-appostlu San Taddew u ta' San Stiefnu, figuri ewlenin fit-tradizzjonijiet reliġjużi Armeni. Dawn jirrappreżentaw l-aħħar fdalijiet tal-kultura Armena antika fil-periferija tax-Xlokk. Il-kumplessi jinsabu fi stat tajjeb ta' preservazzjoni.