![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7c/Cologne060620-3.jpg/640px-Cologne060620-3.jpg&w=640&q=50)
Grupp B tat-Tazza tad-Dinja tal-Futbol 2006
From Wikipedia, the free encyclopedia
Grupp B tat-Tazza tad-Dinja tal-Futbol 2006 li saret fil-Ġermanja, kien jikkonsisti minn erba' timijiet. Il-logħob minn dan il-grupp sar bejn l-10 ta' Ġunju 2006 u l-20 ta' Ġunju. L-Ingilterra rebħu l-grupp, u avvanzaw għat-tieni rawnd, flimkien mal-Iżvezja. Il-Paragwaj u d-debuttanti tat-Trinidad u Tobago naqsu li javanzaw.
![]() Ingilterra |
![]() Paragwaj |
![]() Żvezja |
![]() Trinidad u Tobago |
---|---|---|---|
Kwalifikat | Kwalifikat |
![Thumb image](http://upload.wikimedia.org/wikipedia/commons/thumb/7/7c/Cologne060620-3.jpg/640px-Cologne060620-3.jpg)
![Thumb image](http://upload.wikimedia.org/wikipedia/commons/thumb/1/18/FIFA_World_Cup_2006_-_SWE_vs._PAR.jpg/640px-FIFA_World_Cup_2006_-_SWE_vs._PAR.jpg)
Artiklu prinċipali: Tazza tad-Dinja tal-Futbol 2006.
Fl-ewwel partita, is-selezzjoni Ingliża rebħet lill-Paragwaj minn free kick dirett ta' David Beckham li ħabat ma' Carlos Gamarra. Minkejja li dan il-gowl ġie skurjat kmieni fil-partita, matul din il-partita ftit ġraw azzjonijiet denji ta' nota hekk kif l-Ingilterra żammew lill-Paragwaj, fejn dawn tal-aħħar naqqsu li jdawwru r-riżultat, f'logħba medjokri. Sussegwentament, l-Iżvezja spiċċaw pari ta' mingħajr gowls mad-debuttanti tat-Trinidad u Tobago. It-tim Ewropew għamel sforz qawwi biex jiskorja, imma l-forma tajba tal-gowlkiper Shaka Hislop ippermettiet biex tati dan l-ewwel punt lil din l-iskwadra nazzjonali fl-ewwel parteċipazzjoni f'kampjonat mondjali.
L-Ingilterra, fil-logħba ta' wara, affaċċjaw lis-selezzjoni mill-Karibew, fejn id-difiża tagħhom reġgħet wettqet prestazzjoni tajba. Madanakollu, Peter Crouch u Steven Gerrard qabel tmiem il-partita, skurjaw il-gowls tar-rebħa, fejn b'hekk kisbu l-kwalifikazzjoni. Fil-partita l-oħra, bejn l-Iżvezja u l-Paragwaj, iż-żewġ timijiet għal darb'oħra wettqu l-istess żbalji tal-partita li kellhom qabel. Meta deher li l-partita kienet se tispiċċa f'pari, Fredrik Ljungberg skorja l-gowl tar-rebħa għat-tim tiegħu fid-89 minuta, biex b'hekk elimina mill-kampjonat lill-Paragwaj.
Fl-aħħar logħba tal-fażi tal-gruppi, l-Ingilterra affaċċjat lill-Iżvezja waqt li fl-istess ħin it-Trinidad u Tobago pruvaw jiksbu pożizzjoni tajba biex jispiċċaw l-avventura tagħhom fuq nota pożittiva kontra l-Paragwaj. Is-Sud-Amerikani, però, irnexxielhom jiksbu rebħa li b'hekk tathom l-ewwel punti f'din l-edizzjoni, wara rebħa ta' 2–0 kontra t-tim mill-Karibew. Il-partita l-oħra kienet waħda deċiżiva għall-ewwel post tal-grupp. L-Ingilterra marru fil-vantaġġ b'gowl ta' Joe Cole, imma ftit wara l-bidu tat-tieni taqsima Marcus Allbäck (li kien daħal f'post Zlatan Ibrahimović li kien weġġa') kiseb il-pari, fejn dan kien l-2,000 gowl fl-istorja tal-kampjonat. Ħames minuti mit-tmiem, Steven Gerrard reġa' ta l-vantaġġ lill-Ingilterra, però Henrik Larsson reġa' ġieb kollox indaqs.