![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3a/Ashant_architecture.jpg/640px-Ashant_architecture.jpg&w=640&q=50)
Binjiet Tradizzjonali tal-Asante
kollezzjoni ta' 10 binjiet tradizzjonali tal-poplu Asante fil-Ghana / From Wikipedia, the free encyclopedia
Il-Binjiet Tradizzjonali tal-Asante huma kollezzjoni ta' 10 binjiet mibnija b'mod tradizzjonali fi żmien l-Imperu ta' Ashanti fl-inħawi ta' qrib Kumasi, il-Ghana. Dawn il-binjiet kienu jintużaw bħala santwarji matul is-sekli 18 u 19, matul l-epoka tad-deheb tal-Imperu ta' Ashanti. Bil-waqgħa tal-imperu matul l-okkupazzjoni Brittanika taż-żona mill-1806 sal-1901, il-biċċa l-kbira tal-binjiet tradizzjonali tal-Asante ta' dak iż-żmien inqerdu. Fost binjiet oħra, il-mawżolew irjali nqered minn Robert Baden-Powell fl-1895. L-għaxar binjiet tradizzjonali li għad fadal huma l-aħħar fdalijiet tal-istorja u tal-kultura tal-poplu Asante u tniżżlu fil-lista tas-Siti ta' Wirt Dinji tal-UNESCO fl-1980.[1]
![Thumb image](http://upload.wikimedia.org/wikipedia/commons/thumb/3/3a/Ashant_architecture.jpg/320px-Ashant_architecture.jpg)