From Wikipedia, the free encyclopedia
मृत्युदंड हा एखाद्या व्यक्तीला गुन्हा सिद्ध झाल्यानंतर न्यायसंस्थेकडून सुनवला जाणारा सर्वात कठोर शिक्षेचा प्रकार आहे. ऐतिहासिक काळांपासून जवळजवळ सर्व समाज व्यवस्थांमध्ये विविध प्रकारे मृत्युदंडाची शिक्षा सुनावली गेली आहे. मृत्युदंडाची अंमलबजावणी करण्याचे अनेक मार्ग आहेत. २०१० साली फाशी, शिरच्छेद, विद्युत खुर्ची, गोळीबार, विषारी वायू व प्राणघातक इंजेक्शन हे मृत्युदंडाचे प्रकार वापरात होते.
सध्या जगातील ५८ देशांच्या न्यायसंस्थांमध्ये मृत्युदंडाची तरतूद आहे तर एकूण ९५ देशांनी मृत्युदंडावर बंदी घातली आहे. युरोपियन संघाच्या सर्व सदस्य देशांमध्ये मृत्यूदंडास मनाई आहे.[1] २००७ साली संयुक्त राष्ट्रे आम सभेने जगातील सर्व राष्ट्रांनी मृत्युदंड शिक्षेवर स्थगिती आणावी असा प्रस्ताव सादर केला होता, परंतु चीन, भारत, अमेरिकेची संयुक्त संस्थाने व इंडोनेशिया ह्या जगातील चार सर्वाधिक लोकसंख्येच्या देशांसह अनेक देशांनी ह्या प्रस्तावाला विरोध दर्शवला.[2][3][4] भारतामध्ये मृत्युदंडाची शिक्षा अत्यंत क्वचित सुनावली जाते. भारतात १९९५ सालापासून आजवर केवळ दोन गुन्हेगाराला (धनंजय चॅटर्जी) आणि (अजमल कसब -२०१२) यांना मृत्युदंड दिला गेला आहे.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.