![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1f/Flag_of_Germany_%25281867%25E2%2580%25931918%2529.svg/langmn-640px-Flag_of_Germany_%25281867%25E2%2580%25931918%2529.svg.png&w=640&q=50)
Хойд Германы Холбоо
From Wikipedia, the free encyclopedia
Хойд Германы Холбоо гэдэг нь Пруссийн Хант Улсын удирдлага дор 1866 оноос 1871 оны хооронд Майны шугамаас умард хэсэгт байсан германы бүх улсуудын нэгдлийг нэрлэдэг. Энэ холбооны улс нь түүхийн хувьд бага германыг шийдлээс германы асуултын шийдэлд хүрч, дараа нь Австрийг хасаад, Пруссийн ноёрхол бүхий Эзэнт Улсыг байгуулахын өмнөх шат байсан юм. 1866 оны наймдугаар сард эхлээд цэргийн эвсэл болж байгуулагдсан хэдий ч 1867 оны долоодугаар сарын 1-ний үндсэн хуулиар улсын байгуулал бүхий шинж чанартай болов.
Хойд Германы Холбоо 1867–1871 | |||||
| |||||
| |||||
Үндсэн хууль | Хойд Германы Холбооны Үндсэн Хууль 1867 оны дөрөвдүгээр сарын 16[1] | ||||
Албан хэл | Герман | ||||
Нийслэл | Берлин | ||||
Холбооны президиум – 1867 оны 7 сарын 1-с |
Пруссийн хан Вилхелм I. | ||||
Засгийн газрын тэргүүн – 1867 оны 7 сарын 14 - 1871 оны 5 сарын 4 хүртэл |
Холбооны канцлер Отто фон Бисмарк | ||||
Мөнгөн тэмдэгт | нэгдсэн нэг мөнгөн дэвсгэрт байгаагүй | ||||
Байгуулагдсан – 1866 оны 8 сарын 18 – 1867 оны 7 сарын 1 |
Хойд Германы Холбооны гэрээ Холбооны үндсэн хууль | ||||
Цагийн бүс | нэгдсэн цагийн бүс байгаагүй | ||||
Газрын зураг | |||||
![]() |
Холбооны үндсэн хууль нь 1871 оны Хаант Улсын Үндсэн Хуультай дийлэнх нь ижил байсан ба үүнд: Хууль тогтоох ажлыг гүйцэтгэх газар нь Райхстаг, түүнийг сонгуулиар бүх ард түмэн сонгох, мөн түүнчлэн гишүүн улсуудын төлөөлөл (ихэнх нь херцогт улс) бүхий Холбооны Зөвлөл юм. Аливаа хуулийг батлах бол энэ хоёр байгууллага хоёулаа зөвшөөрч байж батлагдана. Холбооны төрийн тэргүүн нь пруссийн хан бөгөөд тэр Холбооны Ерөнхийлөгчийн Тамгын Газрыг тэргүүлнэ. Яамдыг хариуцах сайд нь Холбооны канцлер байв. Консерватив үзэлт пруссийн ерөнхий сайд Отто фон Бисмарк нь Хойд Германы Холбоог оршин тогтнох богинохон хугацаанд анхны ба цорын ганц канцлераар ажилласан хүн юм.
Райхстаг нь эдийн засаг, дэд бүтэц, эрх зүйн (үүний дотор өнөөгийн эрүүгийн хуулийн өмнөх хувилбар) чухал хуулиудыг шинэчлэн өөрчилсөн нь сүүлд германы нэгдэлд бэлтгэсэн бэлтгэл ажил байлаа. Зарим хууль 1871 оноос өмнө үйлчилж эхэлсэн ба үүний жишээнд германы гаалийн нийгэмлэгийн тухай хууль өмнөд германы улсуудад хэрэгжиж байв. Нийт төсвийн 95 хувийг зэвсэгт хүчний зардалд гарч байсан ч түүнийг парламентаар хянах хяналт нь сул хэвээр байсан байна.