Пёньян

Пёньян
Уур амьсгалын диаграмм
	Температур °C, Тунадас мм
	Эх сурвалж:

Пёньян
	rahmenlos
Солонгос үсэг:	평양직할시
Ханз үсэг:	сол. 平壤直轄市
Маккьюна-Райшауэр:	Пёньян Чихалси
Солонгос хэлний шинэ хөрвүүлэг:	Пёньянг Жихалси
Ерөнхий мэдээлэл
Газар нутаг:	2,653 км²
Хүн ам:	3,038,000 (мэдээ: Тавдугаар сар 2018)
Хүн амын нягтрал:	1,145 хүн км² тутамд
Захиргааны гишүүд:	18 хотын дүүрэг;; 1 орон нутгийн тойрог
Захиргааны төв:	Пёньян
	rahmenlos

Пёньян (солонгосоор 평양, «тэгш газар», → Пёнъя́н, урьд Пхенья́н ) — Бүгд Найрамдах Ардчилсан Солонгос Ард Улс (БНАСАУ)-ын нийслэл хот.

Quick Facts Пёньян, Ерөнхий мэдээлэл ...

Close

Пёнъян хот Умард Солонгос орныхоо баруун хэсэгт Тэдун мөрний эрэгт байрладаг улсынхаа хамгийн том, ганц саятан хот нь юм. 1946 онд Өмнөд Пёнъань аймгийн харьяанаас салан дэвшиж улсын хот болсон. Энэ нь улсын доор шууд захирагддаг, аймагтай эн тэнцүү эрхт нэгж гэсэн үг. Бүрэн хэлвэл Шууд захирагдах Пёнъян хот ([пёнъян чикалши]) гэнэ. Бодит байдалд хот, хөдөө аль алиныг багтаасан 3,194 км² талбайт Пёнъян нутагт 2008 оны байдлаар 3,255,388 хүн оршин сууж байна.^[1]

Нэр

Хотын нэрийг монголоор зөв бичиж дуудах эсэх тухай ярьцгаах болсон. Солонгосоор 《평양》 (пёнг-янг) гэж бичээд [пён^ъ я́н^ъ] гэж хэлдэг. Энэ хоёр үеийг кирилл бичгээр [ъ] тэмдэг жийрэглэн холбож Пёнъян гэж бичнэ. Үүнээс жаахан будилж Пёнян, Пёньян, Пён-Ян гэсэн нь ч байна. Орост түрэлтийг [х] үсгээр галигласан нь XX зууны Монголд тэр хэвээр Пхеньян гэж бичигдээд нэг үе нэмж [пэ-хэ-ньяан] маягаар гажин дуудагджээ.^[2] Монгол бичгээр харин ᠫᠶᠣᠩᠶᠠᠩ (pyongyang) [пён яан] гэх нь маргаангүй юм.^[3]

Газар зүй

Уур амьсгал

Quick Facts Пёньян, Уур амьсгалын диаграмм ...

Close

Температур, хур тунадасны олон жилийн дундаж (1971–2000 он)

	1-р сар	2-р сар	3-р сар	4-р сар	5-р сар	6-р сар	7-р сар	8-р сар	9-р сар	10-р сар	11-р сар	12-р сар
Маx. Температур (°C)	−0.8	2.4	8.9	17.1	22.6	26.7	28.6	28.9	24.7	18.2	9.4	1.7	Ø	15.8
Мин. Температур (°C)	−10.7	−7.8	−1.8	4.9	10.9	16.5	20.7	20.5	14.3	6.7	−0.3	−7.2	Ø	5.6

Тунадас (мм)	12.2	11.0	24.7	49.9	72.2	90.3	275.2	212.8	100.2	39.9	34.9	16.5	Σ	939.8

Нартай цаг (h/d)	5.8	6.5	7.0	7.8	8.4	7.5	5.6	6.2	7.2	7.1	5.6	5.2	Ø	6.7

Бороотой өдөр (d)	5.2	4.2	5.1	6.7	8.1	8.7	14.4	11.0	7.2	6.1	7.3	5.9	Σ	89.9

Агаарын чийгшил (%)	74	71	66	63	66	70	80	78	74	72	72	73	Ø	71.6

Хур тунадас

Эх сурвалж: ^[6]^[7]

Түүх

Пёнъян 25 - 220 онд байгуулагдсан.^[8]

Пхеньяны тулалдаан

Үндсэн өгүүлэл: Пхеньяны тулалдаан

Хятад-Японы анхдугаар дайны хүрээнд хуурай газар дээр явагдсан хоёр дахь том тулалдаан юм. 1894 оны 9 сарын 15-нд Солонгосын Пхеньянд Мэйжигийн Япон болон Манж Чин гүрний хооронд болжээ.

Хятадын Бэйянгийн Армийн 13,000 - 15,000 орчим цэрэг бүхий хүч Пхеньянд 1894 оны 8 сарын 4-нд ирж, эртний хотын хана хэрмийг засварлаж, өөрсдийн хүний тоо, хамгаалалтдаа найдан суув.

Маршал Ямагата Аритомогийн удирдлага доорх Японы Эзэн Хааны Армийн 1-р бүлэглэлийн 10,000 цэрэг бүхий (цэргийн тоо баталгаатай бус) арми нь дэслэгч генерал Нозү Мичицүрагийн удирдсан 5-р дивиз (Хирошима), дэслэгч генерал Кацүра Тароогийн удирдсан 3-р дивиз (Нагоя)-ээс бүрдэж байв. Японы цэргийн хүч Чемульпо (одоогийн Инчон)-д 1894 оны 6 сарын 12-нд ямар ч эсэргүүцэлгүйгээр бууж чаджээ. 7 сарын 29-нд Сёнгхваны тулалдаанаар бага зэрэг урагшилж чадсан 1-р арми хойд зүг рүү Пхеньяныг чиглэн маршлав. Ингэх замдаа Пусан, Вонсанд буусан десанттайгаа нийлж чаджээ.

Хятадын тал 2000 хүнээ алдаж, 4000 орчим цэрэг шархадсан бол Япончууд дөнгөж 102 хүнээ алдаж, 433 хүн шархадсан бөгөөд 33 цэрэг сураггүй болсон аж.

1894 оны 9 сарын 16-ны өглөө гэхэд Японы хүч Пхеньяныг бүрэн эзэлж авсан байна.