Буйр нуур
From Wikipedia, the free encyclopedia
Буйр нуур нь зүүн Монгол-Өвөр Монголын зааг дээр орших цэнгэг уст нуур. Зэргэлдээ орших Хөлөн буюу Далай нууртай хамт Хөлөн-Буйрын экологийн бүс нутагт хамрагдана. Тус нуурыг 2004 онд Рамсарын конвенцид олон улсын ач холбогдол бүхий ус намгархаг газрын жагсаалтад бүртгэжээ.
Буйр нуур | |
---|---|
Landsat-7 хиймэл дагуулаас авсан зураг. 2005 оны 8 сар. | |
Байршил | Халхгол сум, Дорнод аймаг, Монгол улс Хөлөнбуйр, Өвөр Монгол, Хятад |
Солбицол | 47°51′47″N 117°51′29″E |
Нуурт цутгах | Халх гол |
Нуураас гарах | Оршуун гол (Хөлөн нуур руу цутгана) |
Ай савд багтдаг орон | Монгол Улс Монгол Улс, Хятад |
Урт | 40 км |
Өргөн | 20 км |
Талбай | 610 км² |
Дундаж гүн | 6.5 м |
Хамгийн гүн цэг | 11 м |
Усны хэмжээ | 3.8 км³ |
Хөвөөний түвшин | 583 м |
Хөлдөх хугацаа | 11 сар - 5 сар |
Нуурын өмнөд эрэгт түрэлт давалгаагаар үүссэн 3-5 метр өндөр элсэн далан үргэлжилдэг ба завсарт нь жижиг нуур тогтож зарим нь үндсэн нууртайгаа холбогдоно. Зүүн ба хойд эрэгт өндөр дэнж байрлах ба тэр хавьд Халх гол цутгаж Оршуун гол урсаж гардаг тул эргийн дагуу бургас, нишингэ шигүү ургана.
Буйр нуурын усны түвшин жилийн доторхи хэлбэлзэл, унах хур тундас цутгал голын урсацаас шалтгаална. Илүүдэл усаа Оршуун голоор дамжуулан Хөлөн нуурт өгнө. Нуурын баруун өмнөд үзүүрээс Холбоо гэдэг бяцхан горхи урсаж Баян нуурт цутгадаг байсан боловч одоо зөвхөн хур тунадас элбэг жилд л урсацтай.
Буйр нуур маш цэнгэг устай нуурын тоонд ордог. Нуурын усанд гидрокарбонат, хлорид, натри, кальц зэрэг ион зонхилох тул гидрокарбонат-хлоридын ангид багтана.[1]