Өмнөд Холбооны тойрог

Өмнөд Холбооны тойрог (Орос: Ю́жный федера́льный о́круг) нь Оросын Холбооны Улсыг бүрдүүлэгч 7 Холбооны тойргуудын нэг юм. Анх Хойд Кавказын Холбооны тойрог гэсэн нэрээр байгуулагдсан ч тус Холбооны тойргийн бүрэлдэхүүнд орсон Халимаг, Астрахань муж, Волгоград мужууд нь Хойд Кавказад багтдаггүй тул мөн оныхоо 6 сарын 21-нээс одоогийнхоо нэрээр нэрлэгдэх болсон байна. Тус улсын баруун өмнөд хэсэгт, Украин, Казахстаны хооронд оршино. Хойд хэсэг нь Понтик-Каспийн тал, өмнөд хэсэг нь Хойд Кавказ. 589,200 км² нутагт 2002 оны тооллогоор 22,907,141 хүн оршин сууж байв (Нягтшил: 38.9/км²). Саяас дээш хүн амтай Донын Ростов, Волгоград зэрэг том хотууд бий.

Южный федеральный округ (Орос) Өмнөд Холбооны тойрог
ОХУ дахь Өмнөд Холбооны тойргийн байршил
Төрийн дуулал: байхгүй
Засаг захиргааны төв	Донын Ростов
Байгуулагдсан	2000 оны 5 сарын 13
Статус Холбооны субъектууд Эдийн засгийн бүсүүд	Холбооны тойрог 13 багтана 2 багтана
Код
Нутаг дэвсгэр
Нутаг дэвсгэр - Холбооны тойрог	589,200 км²
Хүн ам (2002 оны хүн амын тооллого)
Хүн ам - Хүн амын эрэмбэ - Нягтшил - Хотын - Хөдөөний	22,907,141 хүн 38.9 хүн / км²
Албан ёсны хэл	орос бусад
Засгийн газар
Ерөнхийлөгчийн элч	Владимир Устинов
Албан ёсны цахим сүлжээ
http://www.ufo.gov.ru/

Одоогийн Ерөнхийлөгчийн элчээр ОХУ-ын Хууль зүйн сайд асан Владимир Устинов ажиллаж байна.

Эрт цагт тус бүс нутагт скифчүүд оршин сууж байв. Мөн хазарууд оршин суудаг байсан бөгөөд Астрахань нь хазар хэлээр Рас Тархан гэж нэрлэгддэг байжээ. Дон мөрөн, Ижил мөрний өмнөд адаг, Кубань голууд урсана.

Өмнөд Холбооны тойргийг бүрдүүлэгч субъектуудыг засаг захиргааны төвүүдийн нь хамт дор жагсаав. Бүгд Найрамдах Улсуудыг одоор тэмдэглэсэн болно.

1. Адыгей^* : Майкоп
2. Астрахань муж : Астрахань
3. Чечень^*: Грозный
4. Дагестан^* : Махачкала
5. Ингушет^* : Магас
6. Кабардино-Балкар^* : Нальчик
7. Халимаг^* : Элиста
8. Карачай-Черкес^* : Черкесск
9. Краснодарын хязгаар : Краснодар
10. Умард Осети^* : Владикавказ
11. Ставрополийн хязгаар : Ставрополь
12. Ростов муж : Донын Ростов
13. Волгоград муж : Волгоград

Ерөнхийлөгчийн элч нар

• Виктор Казанцев (2000 оын 5 сарын 18 – 2004 оны 3 сарын 9)
• Владимир Яковлев (2004 оны 3 сарын 9 – 2004 оын 9 сарын 13)
• Дмитрий Козак (2004 оын 9 сарын 13 - 2007 оны 9 сарын 24)
• Григорий Рапота (2007 оны 9 сарын 24 - 2008 оны 5 сарын 12)
• Владимир Устинов (2008 оны 5 сарын 12 - )

Цахим холбоос

• Оросын Холбооны Кадастрын Төв - ОХУ-ын газрын зураг - орос хэлээр
• https://web.archive.org/web/20040404184031/http://baikaland.tripod.com/russia/yufo.html англи хэлээр
• Өмнөд Холбооны тойрог англи хэлээр
• Оросын өмнөд хэсгийн мэдээ, үйл явдлууд англи хэлээр