![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1e/Lakshmimittal22082006.jpg/640px-Lakshmimittal22082006.jpg&w=640&q=50)
Лакшми Миттал
From Wikipedia, the free encyclopedia
Лакшми Нивас Миттал (Англи: Lakshmi Niwas Mittal, 1950 оны 6 сарын 15-нд төрсөн)[6] нь Энэтхэгийн гангийн магнат юм. Тэрээр ган үйлдвэрлэгч дэлхийн хамгийн том компани болох АрсеролМиттал компанийн ерөнхий захирал бөгөөд гүйцэтгэх захирал юм. Миттал тус компанийн 41 хувийг эзэмшихээс гадна хөлбөмбөгийн Куинз Парк Рейнжерс багийн хувьцааны 34 хувийг эзэмшдэг.
Лакшми Миттал | |
---|---|
![]() | |
Төрсөн | 1950 оны 6 сарын 15 (1950-06-15) (74 настай) Энэтхэг, Ражастан, Садулпур |
Яс үндэс | Марвари |
Үндэстэн | Энэтхэг |
Аль хотын суугуул | Их Британи, Лондон |
Төгссөн сургууль | Калькутта дахь Сент-Завьерийн Коллеж (Худалдааны бакалавр)[1] |
Ажил | АрселорМиттал компанийн ерөнхий захирал & CEO Голдман Сакс компанийн захирал Каррик Лимитед компанийн эзэмшигч[2] Куинз Парк Рейнжерс багийн хамтран эзэмшигч |
Юугаараа алдаршсан | Гангийн хаан[3] Гангийн жанжин |
Хөрөнгө | ▲ US$ 20.7 тэрбум (2012)[4] |
Шүтлэг | Hinduism |
Хүүхэд | Ваниша Миттал Адитя Миттал |
Шагнал | Падма Вибушан (2008)[5] |
Цахим сүлжээ Лакшми Н. Миттал |
Миттал нь Энэтхэг, Азийн, мөн Их Британи дахь тэргүүн баян[7], Европын 2 дахь баян хүн[8] бөгөөд одоогоор US$20.7 тэрбумын хөрөнгөөрөө дэлхийн 6 дахь баян хувь хүнд тооцогдож байна. Тэрбээр Форбс сэтгүүлийн "Дэлхийн хамгийн хүчирхэг хүмүүс"-ийн жагсаалтын 44-д бичигдэж байгаа юм. Түүний охин Ваниша Митталын хуримын ёслол түүхэнд хамгийн үнэтэй хуримуудын 2-рт бичигддэг аж[9][10].
Миттал Голдман Сакс компанийн хараат бус захирал, Голдман Сакс Медиа/Фильм IP Групп, Европын Агаараас Хамгаалах, Сансрын Компани,[11] Дэлхийн Гангийн Холбоо, Казахстан дахь Гадаадын Хөрөнгө Оруулалтын Зөвлөл, Өмнөд Африкийн Олон Улсын Хөрөнгө Оруулалтын Зөвлөл, Украйны Сайд нарын Танхимын Хөрөнгө Оруулагчдын Зөвлөл, Дэлхийн Эдийн Засгийн Чуулганы Олон Улсын Бизнесийн Зөвлөл, Дэлхийн Гангийн Холбооны Гүйцэтгэх Хороо, Мозамбикийн Ерөнхийлөгчийн Олон Улсын Зөвлөхүүдийн Зөвлөл, Олон Улсын Төмөр, Гангийн Хүрээлэнгийн Гүйцэтгэх Хороодын Захирлуудын Зөвлөлийн гишүүний сонгуультай[12].