Киев
From Wikipedia, the free encyclopedia
Киев (Украин: Київ [ˈkɪjɪu̯]) нь Украин улсын нийслэл бөгөөд хамгийн том хот нь юм. Днепр мөрний эрэг дээр, тус улсын хойд хэсэгт оршино.
Киев | |||
Київ/Kyjiw | |||
Ерөнхий мэдээлэл | |||
---|---|---|---|
Муж: | Киев хот | ||
Район: | Тойроггүй хот | ||
д.т.д: | 179 м | ||
Нутаг дэвсгэр: | 847.66 км² | ||
Хүн ам: | 2,952,294 (2019 оны 5-р сарын 1) | ||
Хүн амын нягтрал: | 3,483 оршин суугч км² тутамд | ||
Шуудангийн дугаар: | 01xxx-04xxx | ||
Утасны код: | +380 44 | ||
Газар зүйн байршил: | 50° 27′ У, 30° 30′ Д50.4530.5179 | ||
КОАТУУ: | 8000000000 | ||
Засаг захиргааны гишүүнчлэл: | 10 район | ||
Засаг дарга: | Виталий Кличко | ||
Хаяг: | Вул. Хрещатик 36 01044 м. Київ | ||
Цахим хуудас: | https://kyivcity.gov.ua/ | ||
Статистикийн мэдээлэл | |||
|
Киев хот нь Зүүн Европын аж үйлдвэр, шинжлэх ухаан, боловсрол, соёлын чухал төв билээ. Түүх дурсгалын газар олонтой тус хотын дэд бүтэц өндөр хөгжсөн байдаг.
Украины домог ёсоор Кий, Щек, Хорив, Либидь хэмээх ах дүү дөрөв Киев хотыг үндэслэсэн гэдэг бөгөөд том ах Кийгийн нэрээс хотын нэр үүдэлтэй. 5-р зуунд байгуулагдсан тус хот нь Зүүн Славын улс төр, соёлын төв, Киевийн Русийн нийслэл болон хөгжиж байсан бөгөөд 1240 онд Монголчуудын довтолгооны улмаас хот бүрэн сүйдсэнээр нөлөөгөө алджээ. Хожим Литовын Их Вант Улс, Польш, Оросын харьяанд орж байв. 19-р зуунд Орос оронд өрнөсөн аж үйлдвэрийн хувьсгалын нөлөөгөөр хот дахин эрчимтэй хөгжжээ. 1934 оноос Зөвлөлт Социалист Бүгд Найрамдах Украин Улсын нийслэл болсон тус хот Дэлхийн хоёрдугаар дайны улмаас үлэмж сүйдсэн ч хурдацтай сэргээн босгож, Зөвлөлт Холбоот Улсдаа Москва, Ленинградын дараа орох том хот нь болж чаджээ. 1991 онд ЗХУ задрахад тусгаар тогтносон Украин улсын нийслэл болсон билээ.