ഹംസ
From Wikipedia, the free encyclopedia
പ്രവാചകൻ മുഹമ്മദിന്റെ പിതൃവ്യനും പ്രമുഖ സ്വഹാബിമാരിൽ ഒരാളുമാണ് ഹംസ (Hamza). പൂർണ്ണ നാമം ഹംസ ഇബ്നു അബ്ദുൽ മുത്വലിബ് (Hamza ibn ‘Abdul-Muttalib / അറബി: حمزة بن عبد المطلب). (ജനനം AD.566 - മരണം AD.625) ആദ്യഘട്ടത്തിൽ ഇസ്ലാം സ്വീകരിച്ച വ്യക്തികളിൽ ഒരാളാണിദ്ദേഹം. ധീരത കൊണ്ടും പോരാട്ട വീര്യം കൊണ്ടും അല്ലാഹുവിന്റെ സിംഹം [1] (أسد الله) എന്ന വിശേഷണത്തിന് അർഹനായിരുന്നു. ഉഹ്ദ് യുദ്ധത്തിൽ രക്തസാക്ഷ്യം വരിച്ചതോടെ രക്തസാക്ഷികളുടെ നേതാവ് ("Chief of the Martyrs").[2] എന്ന വിശേഷണം പ്രവാചകൻ മുഹമ്മദ് ഇദ്ദേഹത്തിന് നൽകുകയുണ്ടായി.