![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1b/GirolamoSavonarola.jpg/640px-GirolamoSavonarola.jpg&w=640&q=50)
സവനരോള
From Wikipedia, the free encyclopedia
പതിനഞ്ചാം നൂറ്റാണ്ടിന്റെ രണ്ടാം പകുതിയിൽ (ജനനം: 1452 സെപ്തംബർ 21; മരണം 1498 മേയ് 23)[1] ഇറ്റലിയിൽ ജീവിച്ചിരുന്ന ഒരു ഡോമിനിക്കൻ സന്യാസിയും, മതപ്രഭാഷകനും, പരിഷ്കർത്താവുമായിരുന്നു ഗിരൊലാമോ സവനരോള. മത, സാമൂഹ്യ, രാഷ്ട്രീയ മേഖലകളിൽ നിലവിലിരുന്ന അഴിമതിയുടേയും, ദരിദ്രജനങ്ങളെ ചൂഷണം ചെയ്തുകൊണ്ടുള്ള ഉപരിവർഗ്ഗത്തിന്റെ ഭോഗലോലുപതയുടേയും നിശിതവിമർശകനായിരുന്ന അദ്ദേഹം, പൗരോഹിത്യത്തിൽ, പ്രത്യേകിച്ച് സഭാഭരണത്തിൽ കടന്നുകൂടിയ അധാർമ്മികതക്കുനേരേ വിരൽചൂണ്ടി. 1494 മുതൽ 1498 വരെ അദ്ദേഹം, ഔദ്യോഗിക സ്ഥാനമൊന്നും ഇല്ലാതെയാണെങ്കിലും, ഇറ്റലിയിൽ ഫ്ലോറൻസിന്റെ ഭരണത്തിൽ നിർണ്ണയകമായ പങ്കുവഹിച്ചു. യൂറോപ്യൻ സംസ്കാരത്തിന്റെ ചരിത്രത്തിൽ "നവോത്ഥാനം" എന്നറിയപ്പെടുന്ന സാംസ്കാരിക-ബൗദ്ധിക മുന്നേറ്റത്തെ ശത്രുതയോടെ വീക്ഷിച്ച സവനരോള, പുസ്തകങ്ങളെ തീയിലെരിച്ചതിന്റേയും, സഭ്യതാരഹിമെന്ന് കരുതിയ കലാസൃഷ്ടികളെ നശിപ്പിച്ചതിന്റേയും പേരിലും സ്മരിക്കപ്പെടുന്നു. അദ്ദേഹത്തിന്റെ മുഖ്യശത്രുവായിരുന്നത്, 1492 മുതൽ 1503 വരേ അലക്സാണ്ടർ ആറാമൻ എന്ന പേരിൽ മാർപ്പാപ്പയായിരുന്ന റോഡ്രിഗോ ബോർജിയാ ആണ്. 1498-ൽ വധശിക്ഷയ്ക്ക് വിധിക്കപ്പെട്ട സവനരോളയെ, മുഖ്യ അനുയായികളിൽ രണ്ടുപേർക്കൊപ്പം പരസ്യമായി തൂക്കിലേറ്റി മൃതദേഹം തീയിലെരിച്ചു.[2]
![Thumb image](http://upload.wikimedia.org/wikipedia/commons/thumb/1/1b/GirolamoSavonarola.jpg/320px-GirolamoSavonarola.jpg)