മ്യൂറൽ ആർട്ട് മ്യൂസിയം
From Wikipedia, the free encyclopedia
കേരളത്തിൽ, ചുമർചിത്രകലയ്ക്കു വേണ്ടി സ്ഥാപിക്കപ്പെട്ട ഒരേയൊരു മ്യൂസിയമാണ് പാലക്കാട് ജില്ലയിലെ മ്യൂറൽ ആർട്ട് മ്യൂസിയം (Mural Art Museum). പാലക്കാട് ജില്ലയിലെ, കൊല്ലങ്കോട് കൊട്ടാരത്തിലെ ശ്രീമൂലം ചിത്രശാലയുടെ അനുബന്ധമായിട്ടാണ് 1938 ൽ ഇത് സ്ഥാപിക്കപ്പെട്ടത്. പിന്നീട് പുരാവസ്തു മ്യൂസിയമായി വികസിപ്പിക്കുകയും 2009 ൽ നവീകരിച്ച് പൊതുജനങ്ങൾക്കായി തുറന്നു നൽകുകയും ചെയ്തു[1][2][3][4] കേരളത്തിന്റെ വിവിധ ഭാഗങ്ങളിൽ നിന്നുള്ള ചുമർചിത്രകല, ക്ഷേത്ര മാതൃകകൾ, ഓല ഗ്രന്ഥങ്ങൾ, പ്രമുഖ വ്യക്തികളുടെ പൂർണ്ണകായ പ്രതിമകൾ തുടങ്ങിയവയും പൗരാണിക കാലത്തെ മൺപാത്രങ്ങൾ, നന്നങ്ങാടി, ശിലായുഗത്തിലെ ആയുധങ്ങൾ, സിന്ധു നദീതടത്തിൽ നിന്നും ഹാരപ്പയിൽ നിന്നും ഖനനം നടത്തിയെടുത്ത വസ്തുക്കൾ തുടങ്ങിയും ഇവിടെ പ്രദർശിപ്പിച്ചിട്ടുണ്ട്.