ശിവനസമുദ്ര വെള്ളച്ചാട്ടം
From Wikipedia, the free encyclopedia
കർണാടകയിലെ മാണ്ഡ്യജില്ലയുടേയും ചാമരാജനഗര ജില്ലയുടേയും അതിർത്തിയിലായി സ്ഥിതിചെയ്യുന്ന ശിവനസമുദ്ര വെള്ളച്ചാട്ടം (Kannada: ಶಿವನಸಮುದ್ರ) ഇന്ത്യയിലെ ഏറ്റവും വലിയ വെള്ളച്ചാട്ടങ്ങളിൽ രണ്ടാമത്തെ വെള്ളച്ചാട്ടമാണ്. ശിവനസമുദ്ര എന്ന കൊച്ചു പട്ടണം മാണ്ഡ്യജില്ലയിലാണുള്ളത്. ഡക്കാൻ സമതലങ്ങൾ പിന്നിട്ട് ഒഴുകുന്ന കാവേരീ നദി ഈ സ്ഥലത്തു വെച്ച് രണ്ട് ശാഖകളായി പിരിഞ്ഞ് ഒഴുകുന്നു. ഈ ശാഖകൾക്കിടയിൽ രൂപപ്പെട്ട കരഭാഗമാണ് ഈ ദ്വീപ്. ലോകത്തിലെ ഏറ്റവും വലിയ വെള്ളച്ചാട്ടങ്ങളിൽ പതിനാറാമത്തെ വെള്ളച്ചാട്ടമാണ് ശിവനസമുദ്ര[1]. ഗഗനചുക്കിയെന്നും ഭാരാചുക്കിയെന്നും അറിയപ്പെടുന്ന രണ്ടു വെള്ളച്ചാട്ടങ്ങൾ ചേർന്നതാണ് ശിവസമുദ്ര വെള്ളച്ചാട്ടം. കുടക് ജില്ലയിലെ തലക്കാവേരിയിൽ നിന്നും ഉദ്ഭവിച്ച് ഹസൻ, മൈസൂർ, മാണ്ഡ്യ വഴി ഒഴുക്കുന്ന പ്രസിദ്ധമായ കാവേരി നദീതടത്തിൽ ആണ് ശിവനസമുദ്ര സ്ഥിതി ചെയ്യുന്നു. ഏഷ്യയിലെ തന്നെ ആദ്യത്തെ സംരംഭമായ ഹൈഡ്രോ ഇലക്ട്രിക് പവർ സ്റ്റേഷൻ സ്ഥിതിചെയ്യുന്നത് ഇവിടെയാണ്. ശിവനസമുദ്രവെള്ളച്ചാട്ടം ബ്ലഫ് (Bluff) എന്നും അറിയപ്പെടുന്നു.
ശിവനസമുദ്ര വെള്ളച്ചാട്ടം (Shivanasamudra Falls) | |
---|---|
Location | Mandya District, കർണ്ണാടക, ഇന്ത്യ |
Coordinates | 12.294°N 77.168°E / 12.294; 77.168 |
Type | Segmented |
Total height | 98 metres (322 ft) |
Number of drops | Gaganachukki, Bharachukki |
Watercourse | കാവേരി നദി |
Average flow rate | 934 cubic metres/s (33,000 cubic ft/s) |