![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/92/Electronicvotingmachinewithbucu.jpg/640px-Electronicvotingmachinewithbucu.jpg&w=640&q=50)
വോട്ടിംഗ് യന്ത്രം
From Wikipedia, the free encyclopedia
സമ്മതിദാനം (വോട്ട്) രേഖപ്പെടുത്തുന്നതിന് ബാലറ്റ് പേപ്പറിനു പകരമുള്ള ഒരു ഇലക്ട്രോണിക് സംവിധാനമാണ് ഇ.വി.എം ( E.V.M-ഇലക്ട്രോണിക് വോട്ടിങ്ങ് മഷീൻ). കൺട്രോൾ യൂണിറ്റ്, ബാലറ്റ് യൂണിറ്റ് എന്നീ രണ്ട് ഭാഗങ്ങളും, ആർക്കാണോ സമ്മതിദാനം രേഖപ്പെടുത്തിയത്, ആ ആൾക്കു തന്നെയാണു വോട്ട് ലഭിച്ചിട്ടുള്ളത് എന്ന് ഉറപ്പുവരുത്തുന്നതിനായി VVPAT ഏന്ന ഒരു ഉപകരണം കൂടി കൂട്ടിച്ചേർത്തതാണ് വോട്ടിങ്ങ് യന്ത്രം. ബാലറ്റ് യൂണിറ്റും, കൺട്രോൾ യൂണിറ്റും വി.വി.പാറ്റ് യന്ത്രത്തോടു ബന്ധിപ്പിച്ചാണ് പ്രവർത്തനസജ്ജമാക്കുന്നത്. കൺട്രോൾ യൂണിറ്റിലും, വി.വിപാറ്റ് യന്ത്രത്തിലും ഉള്ള ബാറ്ററി ഉപയോഗിച്ചാണ് ഇതിന്റെ പ്രവർത്തനം. മുൻപ് ബാലറ്റ് പേപ്പർ നൽകിയിരുന്നതിനു സമാനമായി ഇപ്പോൾ പ്രിസൈഡിങ്ങ് ഓഫീസർ അല്ലെങ്കിൽ ഒന്നാം പോളിങ്ങ് ഉദ്യോഗസ്ഥൻ നിയന്ത്രണ യൂണിറ്റിലെ ബാലറ്റ് എന്ന ബട്ടൺ അമർത്തിയാണ് ഒരു തവണ സമ്മതിദാനം രേഖപ്പെടുത്താനുള്ള അനുവാദം സമ്മതിദായകനു നൽകുന്നത്.[1]
![Thumb image](http://upload.wikimedia.org/wikipedia/commons/thumb/9/92/Electronicvotingmachinewithbucu.jpg/640px-Electronicvotingmachinewithbucu.jpg)
![Thumb image](http://upload.wikimedia.org/wikipedia/commons/thumb/b/b8/Evminboxes.jpg/640px-Evminboxes.jpg)