From Wikipedia, the free encyclopedia
ഒരു ഇന്ത്യൻ ഛായാഗ്രാഹകനും സംവിധായകനുമാണ് വിപിൻ മോഹൻ. സ്വതന്ത്രഛായാഗ്രഹണം ആരംഭിച്ചത് കന്നഡ ചലച്ചിത്രങ്ങളിലൂടെയായിരുന്നു. സന്നാഹം എന്ന ചിത്രത്തിലൂടെ മലയാളത്തിൽ അരങ്ങേറി.[1] അപർണ്ണ എന്ന ചിത്രത്തിലൂടെ മികച്ച ബ്ലാക്ക് ആൻഡ് വൈറ്റ് ഛായാഗ്രഹണത്തിനുള്ള 1981-ലെ സംസ്ഥാന അവാർഡ് നേടി. മലയാളത്തിൽ നൂറില്പരം ചിത്രങ്ങൾക്കായി ക്യാമറ ചലിപ്പിച്ചു. നാടോടിക്കാറ്റ് (1987), കാക്കോത്തിക്കാവിലെ അപ്പൂപ്പൻതാടികൾ (1988), വരവേൽപ്പ് (1989), തലയണമന്ത്രം(1990), സന്ദേശം(1991) തുടങ്ങിയവ ശ്രദ്ധിക്കപ്പെട്ട ചിത്രങ്ങളാണ്. പട്ടണത്തിൽ സുന്ദരൻ എന്ന ചിത്രത്തിലൂടെ സംവിധായകനായി.
വിപിൻ മോഹൻ | |
|---|---|
 | |
| ദേശീയത | ഭാരതീയൻ |
| തൊഴിൽ(s) | ചലച്ചിത്രഛായാഗ്രഹണം, ചലച്ചിത്രസംവിധാനം |
| അറിയപ്പെടുന്നത് | ചലച്ചിത്രഛായാഗ്രാഹകൻ, ചലച്ചിത്രസംവിധായകൻ |
| ജീവിതപങ്കാളി | ഗിരിജ |
| കുട്ടികൾ | വിവേക്, മഞ്ജിമ |
നീലക്കുയിൽ(1954) എന്ന ചിത്രത്തിൽ ബാലതാരമായി അഭിനയിച്ചിരുന്നു. 2010-ൽ പുറത്തിറങ്ങിയ ബെസ്റ്റ് ആക്റ്റർ എന്ന ചിത്രത്തിൽ അതിഥിവേഷത്തിൽ ഒരു റിയാലിറ്റി ഷോയുടെ വിധികർത്താവായി അഭിനയിച്ചു.
1990-ൽ പുറത്തിറങ്ങിയ കനകച്ചിലങ്ക (1990 ചലച്ചിത്രം) എന്ന ചിത്രത്തിൽ സംഗീതസംവിധാനം നിർവഹിച്ചു.[2]
വിപിൻ മോഹൻ ഇപ്പോൾ തിരുവനന്തപുരത്ത് കവടിയാറിൽ താമസിക്കുന്നു. ഞാറ്റടി (1979) എന്ന ചിത്രത്തിൽ നായികയായി അഭിനയിച്ച[3] ഗിരിജയാണ് ഭാര്യ. മകൾ മഞ്ജിമയ്ക്ക് 'മധുരനൊമ്പരക്കാറ്റ്' എന്ന ചിത്രത്തിലെ അഭിനയത്തിന് ബാലതാരത്തിനുള്ള സംസ്ഥാന അവാർഡ് ലഭിച്ചു.[4] മകൻ വിവേക്. മരുമകൾ നീരജ.
Seamless Wikipedia browsing. On steroids.
