ലോഗ്മാർ ചാർട്ട്
From Wikipedia, the free encyclopedia
വിഷ്വൽ അക്വിറ്റി കണക്കാക്കാൻ നേത്രരോഗവിദഗ്ദ്ധർ, ഒപ്റ്റോമെട്രിസ്റ്റുകൾ, കാഴ്ച ശാസ്ത്രജ്ഞർ എന്നിവർ ഉപയോഗിക്കുന്ന ഒരു കാഴ്ച പരിശോധന ചാർട്ട് ആണ് ലോഗ്മാർ ചാർട്ട്. ഇത് ബെയ്ലി-ലോവി ചാർട്ട് [1] അല്ലെങ്കിൽ ഇടിഡിആർഎസ് ചാർട്ട് (ഏർളി ട്രീറ്റ്മെൻറ് ഡയബറ്റിക് റെറ്റിനോപ്പതി സ്റ്റഡി) എന്നീ പേരുകളിലും അറിയപ്പെടുന്നു.[2] ഈ ചാർട്ട് 1976 ൽ നാഷണൽ വിഷൻ റിസർച്ച് ഇൻസ്റ്റിറ്റ്യൂട്ട് ഓഫ് ഓസ്ട്രേലിയ വികസിപ്പിച്ചെടുത്തതാണ്. മറ്റ് ചാർട്ടുകളേക്കാൾ (ഉദാ. സ്നെല്ലെൻ ചാർട്ട്) കൂടുതൽ കൃത്യതയോടെ കാഴ്ച ശക്തി കണക്കാക്കാനായാണ് ഇത് രൂപകൽപ്പന ചെയ്തത് എന്നതിനാൽ കാഴ്ചയുമായി ബന്ധപ്പെട്ട ഗവേഷണ വിഷയങ്ങളിലൊക്കെ ലോഗ്മാർ ചാർട്ട് ആണ് ശുപാർശ ചെയ്യുന്നത്. [3] [4]
ലോഗ്മാർ ചാർട്ട് | |
---|---|
Medical diagnostics | |
![]() ലോഗ്മാർ ചാർട്ട് | |
Purpose | കാഴ്ച ശക്തി പരിശോധനയ്ക്ക് ഉപയോഗിക്കുന്നു |
ലോഗ്മാർ ചാർട്ട് ഉപയോഗിക്കുമ്പോൾ, ചാർട്ടിന്റെ പേര് സൂചിപ്പിക്കുന്നത് പോലെ, ലോഗരിതം(Log) ഓഫ് മിനിമം(M) ആംഗിൾ(A) ഓഫ് റസലൂഷനെ(R) പരാമർശിച്ചുകൊണ്ട് വിഷ്വൽ അക്വിറ്റി രേഖപ്പെടുത്തുന്നു. വളരെ ചെറിയ അളവായ 1 മിനിറ്റ് വിഷ്വൽ ആംഗിൾ അപഗ്രഥിക്കാൻ കഴിയുന്ന നിരീക്ഷകന്റെ ലോഗ്മാർ സ്കോർ 0 ആയിരിക്കും (1 ന്റെ അടിസ്ഥാന -10 ലോഗരിതം 0 ആയതിനാൽ); അതുപോലെ 2 മിനിറ്റ് വിഷ്വൽ ആംഗിൾ (അതായത്, കുറഞ്ഞ കാഴ്ച ശക്തി) സ്കോർ ചെയ്യാൻ കഴിയുന്ന ഒരു നിരീക്ഷകന്റെ ലോഗ്മാർ സ്കോർ 0.3 ആവും (കാരണം, 2 ന്റെ അടിസ്ഥാന -10 ലോഗരിതം ഏകദേശം 0.3 ന് അടുത്താണ്), ഇതേരീതിയിൽ കാഴ്ച രേഖപ്പെടുത്തുന്നു.