![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/48/SXSW_2019_8_-_Lupita_Nyong%2527o_%252846611809024%2529_%2528cropped%2529.jpg/640px-SXSW_2019_8_-_Lupita_Nyong%2527o_%252846611809024%2529_%2528cropped%2529.jpg&w=640&q=50)
ലുപിത യോങ്ഗോ
From Wikipedia, the free encyclopedia
ഒരു കെനിയൻ അഭിനേത്രിയും സംവിധായികയുമാണ് ‘‘’ലുപിത അമോണ്ടി യോങ്ഗോ’’’(ജനനം: 1 മാർച്ച് 1983). 2013-ൽ പുറത്തിറങ്ങിയ 12 ഇയേഴ്സ് എ സ്ലേവ് (ചലച്ചിത്രം) എന്ന ചിത്രത്തിലെ അഭിനയത്തിന് മികച്ച സഹനടിക്കുള്ള അക്കാഡമി അവാർഡ്[3], സ്ക്രീൻ ആക്റ്റേഴ്സ് ഗിൽഡ് അവാർഡ്, ക്രിട്ടിക്സ് ചോയ്സ് അവാർഡ് എന്നിവ കരസ്ഥമാക്കി. ഓസ്കാർ പുരസ്കാരം സ്വീകരിച്ചുകൊണ്ട് ലുപിത യോങ്ഗോ നടത്തിയ സൗന്ദര്യത്തെപ്പറ്റിയുള്ള പ്രസംഗം ലോകശ്രദ്ധ ആകർഷിക്കുകയുണ്ടായി. കെനിയയിലെ രാഷ്ട്രീയക്കാരനായ പീറ്റർ അൻയങ് 'നിയോങ്’ഓ മകളായ ലുപ്പിറ്റ, മെക്സിക്കോ സിറ്റിയിൽ ജനിച്ചു. അദ്ദേഹം അക്കാലത്ത് മെക്സിക്കോയിൽ ഒരു അധ്യാപകനായി ജോലി ചെയ്തുവരികയായിരുന്നു. ഒന്നാം വയസ്സിൽ കെനിയയിലേക്ക് മടങ്ങിയ ലുപ്പിറ്റ തന്റെ കോളജ് വിദ്യാഭ്യാസം അമേരിക്കയിലെ ഹാംഷെയർ കോളേജിലാണ് പൂർത്തിയാക്കിയത്.
ലുപിത യോങ്ഗോ | |
---|---|
![]() ലുപിത യോങ്ഗോ, 2019 | |
ജനനം | ലുപിത അമോണ്ടി യോങ്ഗോ [1] (1983-03-01) 1 മാർച്ച് 1983 (41 വയസ്സ്) മെക്സിക്കോ സിറ്റി, മെക്സിക്കോ |
പൗരത്വം | കെനിയൻ , മെക്സിക്കൻ[2] |
കലാലയം | ഹാംപ്ഷെയർ കോളേജ് യേൽ സ്കൂൾ ഓഫ് ഡ്രാമ (MFA) വിറ്റിയർ കോളേജ് |
തൊഴിൽ | നടി, സംവിധായിക |
സജീവ കാലം | 2004–തുടരുന്നു |
മാതാപിതാക്ക(ൾ) | പീറ്റർ യോങ്ഗോ’’’ (അച്ഛൻ) ഡൊറോത്തി യോങ്ഗോ’’’ (അമ്മ) |
ഒരു നിർമ്മാണ സഹായിയായാണ് ഹോളിവുഡിൽ ലുപ്പിറ്റ തന്റെ ജീവിതം ആരംഭിച്ചത്. 2008-ൽ, ഈസ്റ്റ് റിവർ എന്ന ഷോർട്ട് ഫിലിമിലൂടെ അഭിനയരംഗത്ത് അരങ്ങേറ്റം ചെയ്തശേഷം ഷൂഗ (2009-2012) എന്ന ടെലിവിഷൻ സീരിയലിൽ അഭിനയിച്ചു. 2009-ൽ ഇൻ മൈ ജീൻസ് എന്ന ഡോക്യുമെന്ററിയുടെ രചനയും, സംവിധാനവും, നിർമ്മാണവും നിർവഹിച്ചു. പിന്നീട് യേൽ സ്കൂൾ ഓഫ് ഡ്രാമയിൽ നിന്ന് മാസ്റ്റർ ബിരുദം നേടി. ബിരുദം നേടിയ ശേഷം, സ്റ്റീവ് മക്ക്വീനിന്റെ ചരിത്രനാടകമായ '12 ഇയർസ് എ സ്ലേവ്' എന്ന ചിത്രത്തിൽ പാറ്റ്സി എന്ന വേഷം അവതരിപ്പിച്ചു. ഈ വേഷത്തിന് മികച്ച സഹനടിക്കുള്ള അക്കാഡമി അവാർഡും അടക്കം നിരവധി അവാർഡുകൾ കരസ്ഥമാക്കി. അക്കാദമി അവാർഡ് നേടുന്ന ആദ്യ കെനിയക്കാരിയും മെക്സിക്കോക്കാരിയുമാണ് ലുപ്പിറ്റ ന്യോങ്’ഒ.
സ്റ്റാർ വാർസ് സീക്വൽ പരമ്പരയിൽ മാസ് കനാത്ത എന്ന കഥാപാത്രത്തെ മോഷൻ ക്യാപ്ചർ സാങ്കേതികവിദ്യ ഉപയോഗിച്ച് അവതരിപ്പിച്ചു. 2018 ൽ ബ്ലാക്ക് പാന്തർ എന്ന മാർവെൽ സിനിമാറ്റിക് യൂണിവേർസ് സൂപ്പർഹീറോ ചിത്രത്തിൽ നകിയ എന്ന വേഷം ലുപ്പിറ്റ അവതരിപ്പിച്ചു.