From Wikipedia, the free encyclopedia
ഒരു സ്കോട്ടിഷ് നോവലിസ്റ്റും കവിയും സഞ്ചാര സാഹിത്യകാരനും ഇംഗ്ലീഷ് സാഹിത്യത്തിലെ നിയോ-റൊമാന്റിസിസത്തിന്റെ (നവകാല്പ്പനികത) ഒരു മുഖ്യ പ്രോക്താവുമായിരുന്നു ആർ.എൽ.സ്റ്റീവൻസൺ എന്ന ചുരുക്ക പേരിലറിയപ്പെടുന്ന റോബർട്ട് ലൂയിസ് സ്റ്റീവൻസൺ (നവംബർ 13, 1850 – ഡിസംബർ 3, 1894). ജോർജ്ജ് ലൂയിസ് ബോർഹസ്, ഏണസ്റ്റ് ഹെമിങ്വേ, റുഡ്യാർഡ് കിപ്ലിങ്ങ്, വ്ലാഡിമിർ നബക്കോവ് തുടങ്ങിയ പല എഴുത്തുകാരുടെയും ആരാധനാപാത്രമായിരുന്നു റോബർട്ട് ലൂയിസ് സ്റ്റീവൻസൺ. [1] മിക്ക ആധുനിക സാഹിത്യകാരന്മാരും ആർ.എൽ. സ്റ്റീവൻസണെ അപ്രധാനം എന്നു കരുതി. എന്നാൽ അദ്ദേഹത്തിന്റെ ജനപ്രിയത അന്നുവരെയുള്ള സാഹിത്യത്തിന്റെ ഇടുങ്ങിയ നിർവ്വചനങ്ങളിൽ ഒതുങ്ങി നിന്നില്ല. അടുത്ത കാലത്താണ് വിമർശകർ സ്റ്റീവൻസണിന്റെ ജനപ്രിയതയ്ക്ക് ഉള്ളിലെ അക്ഷരങ്ങളെ തിരഞ്ഞ് അദ്ദേഹത്തെ പാശ്ചാത്യ സാഹിത്യ ശൃംഗങ്ങളിൽ പ്രതിഷ്ഠിക്കാൻ തുടങ്ങിയത്.
റോബർട്ട് ലൂയിസ് സ്റ്റീവൻസൺ | |
---|---|
![]() Robert Louis Stevenson in 1893 by Henry Walter Barnett | |
ജനനം | റോബർട്ട് ലൂയി സ്റ്റീവൻസൺ 13 നവംബർ 1850 Edinburgh, Scotland |
മരണം | 3 ഡിസംബർ 1894 44) Vailima, Samoan Islands | (പ്രായം
തൊഴിൽ | നോവലിസ്റ്റ്, കവി, സഞ്ചാരസാഹിത്യകാരൻ |
ദേശീയത | സ്കോട്ടിഷ് |
പൗരത്വം | United Kingdom |
വിദ്യാഭ്യാസം | 1857 Mr. Henderson's School, Edinburgh 1857 Private tutors 1859 Return to Mr. Henderson's School 1861 Edinburgh Academy 1863 Boarding school in Isleworth, Middlesex 1864 Robert Thomson's School, Edinburgh 1867 University of Edinburgh |
Period | വിക്ടോറിയൻ കാലം |
ശ്രദ്ധേയമായ രചന(കൾ) | Treasure Island A Child's Garden of Verses Kidnapped Strange Case of Dr Jekyll and Mr Hyde |
പങ്കാളി | Fanny Van de Grift Osbourne |
കുട്ടികൾ | Isobel Osbourne Strong (stepdaughter) Lloyd Osbourne (stepson) |
ബന്ധുക്കൾ | father: Thomas Stevenson mother: Margaret Isabella Balfour |
കുട്ടികളുടെ പ്രിയ എഴുത്തുകാരനായ റോബർട്ട് ലൂയിസ് സ്റ്റീവൻസൺ 1850-ല് എഡിന്ബറോയിലാണ് ജനിച്ചത്. ഒരു എഞ്ചിനീയർ കുടുംബത്തിൽ പിറന്ന അദ്ദേഹത്തിന് മതിയായ ആരോഗ്യം ഇല്ലായ്മ മൂലം എഞ്ചിനീയറാകാൻ കഴിഞ്ഞില്ല. എന്നാൽ ഉദ്വേഗജനകമായ കഥകൾ മെനയുന്നതിൽ മനസ്സ് സദാ വ്യാപൃതമായിരുന്നു. പായ്ക്കപ്പലുകളിലും പത്തേമാരികളിലും കയറി അസാധാരണമായ സ്ഥലങ്ങളിലേക്ക് കണ്ടു പിടിത്തങ്ങൾ ലക്ഷ്യമാക്കിയുള്ള ധീര സാഹസിക കഥകൾ ചമയ്കൂന്നതിൽ പ്രഗല്ഭനായിരുന്നു. തന്റെ ഭാര്യയുടെ ആദ്യ വിവാഹത്തിലുള്ള മകനെ രസിപ്പിക്കാൻ വേണ്ടി പറഞ്ഞു തുടങ്ങിയ കഥയാണ് ലോകത്തെമ്പാടുമുള്ള കുട്ടികൾക്ക് പ്രിയങ്കരമായ 'ട്രഷർ ഐലൻഡ്' എന്ന കഥാ പുസ്തകമായി പരിണമിച്ചത്. കിഡ്നാപ്ഡ്, ബ്ലാക്ക് ആരോ തുടങ്ങിയ അദ്ദേഹത്തിന്റെ ബാല സാഹിത്യ കൃതികളും പ്രസിദ്ധമാണ്.
1886-ൽ എഴുതിയ "ഡോക്ടർ ജെക്കിളിന്റേയും മിസ്റ്റർ ഹൈഡിന്റേയും വിചിത്രമായ കഥ" (The Strange Case of Dr.Jekyll and Mr. Hyde എന്ന ലഘുനോവൽ സ്റ്റീവൻസന്റെ വിപുലമായ പ്രശസ്തിയുടെ മുഖ്യ ആധാരങ്ങളിൽ ഒന്നാണ്. സാഹിത്യത്തിൽ വിഭക്ത സ്വഭാവത്തിന്റെ ഏറ്റവും പ്രശസ്തമായ ചിത്രീകരണമാണ് അതെന്ന് പറയാം. "ജെക്കിൾ ആന്റെ ഹൈഡ്" എന്ന് ധാർമ്മികമായി സ്ഥിരതയില്ലാത്ത വ്യക്തിത്ത്വങ്ങളെ പരാമർശിച്ച് പറയാറുണ്ട്.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.