റോബർട്ട് മെർട്ടിൻസ് ബേഡ്
From Wikipedia, the free encyclopedia
ബ്രിട്ടീഷ് ഇന്ത്യയിലെ ഒരു റെവന്യൂ ഉദ്യോഗസ്ഥനായിരുന്നു റോബർട്ട് മെർട്ടിൻസ് ബേഡ് (ഇംഗ്ലീഷ്: Robert Mertins Bird) (ജീവിതകാലം: 1788-1853[1]). വടക്കേ ഇന്ത്യയിലെ ഭൂനികുതിനിർണ്ണയത്തിന്റെ പിതാവ് എന്നറിയപ്പെടുന്നു.[2] വില്ല്യം ബെന്റിക്കിന്റെ ഒമ്പതാം ചട്ടപ്രകാരം മഹൽവാരി രീതിക്കനുയോജ്യമായി വടക്കുപടിഞ്ഞാറൻ പ്രവിശ്യകളിൽ ഭൂസർവേയും നികുതിനിർണ്ണയവും നടത്തി ശ്രദ്ധേയനായി. കടലാസിലെ കണക്കുകൾക്കു പകരം ഗ്രാമത്തിലെ മൊത്തം ഭൂമിയും കൃഷിചെയ്യുന്നതും ചെയ്യാത്തതും എല്ലാം അളന്നുതിട്ടപ്പെടുത്തി ഭൂമിയിലെ യഥാർത്ഥ ആദായം കണ്ടെത്തി അതിനനുസരിച്ചാണ് ബേഡ് നികുതി നിശ്ചയിച്ചിരുന്നത്.[1]
നിയമമേഖലയിലെ ഉദ്യോഗത്തിനാണ് 1808-ൽ ബേഡ് ഇന്ത്യയിലെത്തിയത്. കൽക്കത്തയിലെ സദ്ദർ കോടതിയിൽ പ്രവൃത്തിയാരംഭിക്കുകയും ചെയ്തു. 1829-ൽ ഗോരക്പൂർ ഡിവിഷനിലെ റെവന്യൂ കമ്മീഷണറായി. താമസിയാതെ ബംഗാളിലെ ഏറ്റവും കഴിവുറ്റ റെവന്യൂ ഉദ്യോഗസ്ഥൻ എന്ന പേരെടുത്തു. 1833-ൽ വടക്കുപടിഞ്ഞാറൻ പ്രവിശ്യകളിലെ ഭൂനികുതി തിട്ടപ്പെടുത്തുന്നതിന് പൂർണ്ണാധികാരങ്ങളോടെ ക്ഷണിക്കപ്പെട്ടു. 1841 അവസാനത്തോടെ ഈ ചുമതല പൂർത്തിയാക്കുവരെ അദ്ദേഹം ഇതിനായി യത്നിച്ചു. 1842-ൽ വിരമിക്കുകയും ശിഷ്ടജീവിതം ഇംഗ്ലണ്ടിൽ ചർച്ച് മിഷനറി സൊസൈറ്റിയുടെ സജീവാംഗമായി തുടരുകയും ചെയ്തു.[1] ബേഡിനുശേഷം വടക്കുപടിഞ്ഞാറൻ പ്രവിശ്യകളിലെ സർവേ ചുമതല, ജെയിംസ് തോമാസൺ ആയിരുന്നു ഏറ്റെടുത്തത്.[3]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
