മുള
From Wikipedia, the free encyclopedia
പുല്ലിന്റെ വംശത്തിലെ ഏറ്റവും വലിയ ചെടിയാണ് മുള. ഇതൊരു ഏകപുഷ്പിയാണ്. ഇതിലെ ഏറ്റവും വലിയ ഇനമായ ഭീമൻ മുളകൾക്ക് 80 അടിയോളം ഉയരമുണ്ടാകും[1].ഇതിൽ ചില ഇനങ്ങൾ എല്ലാ വർഷവും പുഷ്പിക്കുമെങ്കിലും ചിലവ ആയുസ്സിൽ ഒരിക്കൽ മാത്രമേ പുഷ്പിക്കാറുള്ളൂ[2]. ഇളംപച്ച നിറത്തിലുള്ള ഇവയുടെ പൂക്കൾ വളരെ ചെറുതാണ്. മുളയുടെ ഫലത്തിന് ഗോതമ്പുമണിയോടാണ് കൂടുതൽ സാദൃശ്യം. പൂക്കുന്നതിനും രണ്ടുവർഷം മുമ്പ് തന്നെ മൂലകാണ്ഡത്തിന്റെ പ്രവർത്തനം നിലയ്ക്കുകയും തന്മൂലം പുതു മുളകൾ നാമ്പിടാതിരിക്കുകയും ചെയ്യും. സാധാരണ ഒരു മുളയ്ക്ക് 80 മീറ്റർ വരെ നീളവും 100 കിലോവരെ ഭാരവും കാണപ്പെടുന്നു[3].
വസ്തുതകൾ മുള ബാംബൂസെ വർഗ്ഗം, ശാസ്ത്രീയ വർഗ്ഗീകരണം ...
മുള ബാംബൂസെ വർഗ്ഗം | |
---|---|
ഇല്ലിമുള പീച്ചി വന ഗവേഷണ കേന്ദ്രത്തിന്റെ (KFRI) ഫീൽഡ് റിസർച്ച് സെന്ററായ (FRC ) വേലുപ്പാടം ബാംബൂ സെറ്റത്തിൽ നിന്നും | |
ശാസ്ത്രീയ വർഗ്ഗീകരണം | |
കിങ്ഡം: | |
(unranked): | |
(unranked): | |
(unranked): | Commelinids |
Order: | |
Family: | |
Subfamily: | Bambusoideae |
Supertribe: | Bambusodae |
Tribe: | Bambuseae Kunth ex Dumort. |
Subtribes | |
See the full Taxonomy of the Bambuseae. | |
Diversity | |
[[Taxonomy of the Bambuseae|Around 92 genera and 5,000 species]] |
അടയ്ക്കുക
കൊല്ലം ജില്ലയിലെ പട്ടാഴിയിലെ ഒരു മുള ഗിന്നസ് വേൾഡ് റെക്കോർഡിൽ ലോകത്തിലെ ഏറ്റവും നീളം കൂടിയ മുള എന്ന സ്ഥാനം നേടിയിരുന്നു[4].