മാരാർ
കേരളത്തിലെ ക്ഷേത്ര സംഗീതജ്ഞർ / From Wikipedia, the free encyclopedia
അമ്പലവാസികളിൽ പെടുന്ന ഒരു ജാതിയാണ് മാരാർ. ക്ഷേത്ര അടിയന്തര വാദ്യോപകരണപ്രയോഗമാണ് കുലത്തൊഴിൽ.
ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
പാണി, കോണി, നടുമുറ്റം, തിരുമുറ്റം, സോപാനം തുടങ്ങിയ സ്ഥലങ്ങളിൽ മുൻഗണന ഉള്ളതുകൊണ്ടാണ് മാരാർ എന്ന സ്ഥാനത്തിൽ ഇവർ അറിയപ്പെടുന്നത്. അമ്പലത്തിൽ പാണികൊട്ടാനും കലശത്തിനു കോണിചെയ്യാനും അമ്പലങ്ങളിലെ നടുമുറ്റവും തിരുമുറ്റവും അടിച്ചു തെളിക്കാനും സോപാനപ്പടിയുടെ അരികെ നിന്ന് ഇടയ്ക്ക കൊട്ടിപ്പാടാനും മാരാർക്കാണ് അവകാശം. ഈ ആറ് സ്ഥാനങ്ങളിൽ മാരാർക്ക് മാത്രമാണ് അവകാശം ഉള്ളത്. കൂടാതെ കഴകം ചെയ്യുന്നവരും, ക്ഷേത്ര അവകാശികൾ ആയിട്ടുള്ളവരുമുണ്ട്. ഇവർ മരുമക്കത്തായികളായിരുന്നു.
മാരാർ സ്ത്രീകളുടെ പേരിനൊപ്പം മാരാസ്യാർ, അമ്മ എന്നീ സ്ഥാനപ്പേരുകൾ ഉപയോഗിയ്ക്കാറുണ്ട്. ഇവരുടെ ഗൃഹത്തിന് മാരാത്ത് എന്നാണ് പറയാറ്. മറ്റുള്ള അമ്പലവാസി സമുദായങ്ങളെ പോലെ ഇവർക്കും നമ്പൂതിരിമാരുമായി സംബന്ധം ഉണ്ടായിരുന്നു.
മാരാർ സമുദായത്തിന്റെ അവകാശങ്ങൾക്കുവേണ്ടി രൂപവത്കരിയ്ക്കപ്പെട്ട സംഘടനയാണ് അഖിലകേരള മാരാർ ക്ഷേമസഭ.