ഭീകരവാഴ്ച
From Wikipedia, the free encyclopedia
ഫ്രാൻസിന്റെ ചരിത്രത്തിൽ 1793 സപ്റ്റമ്പർ മുതൽ 1794 ജൂലൈ വരെയുള്ള രക്തരൂക്ഷിതമായ കാലഘട്ടത്തെയാണ് ചരിത്രകാരന്മാർ ഭീകരവാഴ്ച(Reign of Terror ഫ്രഞ്ച് : la Terreur) എന്ന് വിശേഷിപ്പിക്കുന്നത്. ജനാധിപത്യത്തെ സംരക്ഷിക്കാനുളള വ്യഗ്രതയിൽ, അത്തരമൊരു വ്യവസ്ഥക്ക് എതിരായേക്കാമെന്നു സംശയിക്കപ്പെട്ട രാജകുടുംബാംഗങ്ങളും പ്രഭുകുടുംബാംഗങ്ങളും മാത്രമല്ല ഉന്നതാധികാരികളും, സൈന്യാധിപന്മാരും സാധാരണ ഉദ്യോഗസ്ഥരുമടക്കം അനേകം പേർ വധിക്കപ്പെട്ടു. ഭീകരവാഴ്ചയുടെ തുടക്കത്തിലാണ് 1793 ഒക്റ്റോബർ 16-ന് മേരി ആന്റൊനൈറ്റ് പരസ്യമായി ഗില്ലോട്ടിന് ഇരയാക്കപ്പെട്ടത്. പ്രത്യക്ഷമായ അരാജകത്വവും അരക്ഷിതാവസ്ഥയും മുതലെടുത്ത് പലരും വ്യക്തിവൈരാഗ്യങ്ങൾ തീർക്കാനും മുതിർന്നു.[1]