![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5b/Leuchtstofflampen-chtaube050409.jpg/640px-Leuchtstofflampen-chtaube050409.jpg&w=640&q=50)
ഫ്ലൂറസന്റ് വിളക്ക്
From Wikipedia, the free encyclopedia
വൈദ്യുതകാന്തികവർണ്ണരാജിയിലെ ഏതെങ്കിലും തരം രശ്മിയെ ദൃശ്യപ്രകാശം ആക്കി മാറ്റാനുള്ള രാസവസ്തുക്കളുടെ കഴിവ്[1] ഉപയോഗപ്പെടുത്തി നിർമ്മിക്കുന്ന വൈദ്യുത വിളക്കാണ് ഫ്ലൂറസന്റ് വിളക്ക്. ഇൻകാൻഡസന്റ് വിളക്കുകളേക്കാളും ക്ഷമത ഫ്ലൂറസന്റ് വിളക്കുകൾക്കുണ്ട്. റ്റ്യൂബ് ലൈറ്റ്, സി.എഫ്.എൽ. തുടങ്ങിയവ സാധാരണങ്ങളായ ഫ്ലൂറസന്റ് വിളക്കുകൾ ആണ്. ഇൻകാൻഡസന്റ് വിളക്കുകളെ പോലെ താപം കൊണ്ട് ജ്വലിക്കുന്നതു മൂലമല്ല ഫ്ലൂറസന്റ് വിളക്കുകൾ പ്രകാശം പുറപ്പെടുവിക്കുന്നത്. സോഡിയം വേപ്പർ വിളക്കുകളേയും, നിയോൺ വിളക്കുകളേയും പോലെ ഫ്ലൂറസന്റ് വിളക്കും ഡിസ്ചാർജ് വിളക്കാണ്. താഴ്ന്ന മർദ്ദത്തിൽ മെർകുറിവാതകത്തെ വിദ്യുത്കാന്തികതരംഗങ്ങളാൽ ഉത്തേജിപ്പിക്കുമ്പോൾ ഉണ്ടാകുന്ന പ്രകാശം ഉപയോഗപ്പെടുത്തുന്ന ആലക്തികദീപങ്ങളാണിവ.
![Thumb image](http://upload.wikimedia.org/wikipedia/commons/thumb/5/5b/Leuchtstofflampen-chtaube050409.jpg/640px-Leuchtstofflampen-chtaube050409.jpg)
ഇൻകാൻഡസന്റ് വിളക്ക് കണ്ടുപിടിച്ച എഡിസൺ തന്നെയാണ് ഫ്ലൂറസന്റ് വിളക്കിന്റെയും ഉപജ്ഞാതാവ്. 1896-ൽ ആയിരുന്നു അത്. എങ്കിലും പ്രവർത്തനക്ഷമമായ ഒരു ഫ്ലൂറസന്റ് വിളക്കുണ്ടാകാൻ 1939 വരെ കാത്തിരിക്കേണ്ടി വന്നു.[2]ളെ ഫ്ലൂറസെന്റ് റ്റ്യൂബുകൾ എന്നു പറയുന്നു. ഉത്തേജിപ്പിക്കപ്പെട്ട മെർകുറിവാതകം റ്റ്യൂബിനകവശത്ത് തേച്ചിട്ടുള്ള ഫോസ്ഫോറുകളുമായി പ്രതിപ്രവർത്തിച്ച് ദൃശ്യതലത്തിലുള്ള വെളിച്ചം ഉണ്ടാക്കുന്നു.
കച്ചവടാടിസ്ഥാനത്തിൽ ഇത്തരം വിളക്കുകൾ നിർമ്മിക്കൻ മുന്നിട്ടിറങ്ങിയവരിൽ മുൻപന്തിയിൽ നിന്നവരിൽ ചിലർ തോമസ് ആൾവാ എഡിസണും(1896) പീറ്റർ കൂപ്പർ ഹെവിറ്റും(1903) ആണ്.