പ്രാചീന ഗ്രീക്ക് നാഗരികത
From Wikipedia, the free encyclopedia
മിനോയൻ,മൈസീനിയൻ നാഗരികതകൾക്കും ഇരുണ്ടയുഗത്തിനും ശേഷം കൊറിന്തിലെ റോമൻ പടയോട്ടം വരെയുള്ള ഗ്രീസിന്റെ ചരിത്രവും ജനജീവിതവുമാണ് പ്രാചീന ഗ്രീക്ക് (യവന) നാഗരികത എന്നറിയപ്പെടുന്നത്. ആധുനിക യൂറോപ്യൻ സംസ്കാരത്തിന് അടിത്തറ പാകിയത് പ്രാചീന ഗ്രീക്ക് സംസ്കാരമാണ്. ലോകത്തെ തന്നെ ഏറ്റവും മഹത്തരമെന്നു വിശേഷിപ്പിക്കപ്പെടുന്ന ഈ നാഗരികത നവോത്ഥാന കാലഘട്ടത്തിലെ കല, സാഹിത്യം, ഭാഷ, തത്ത്വചിന്ത, ശാസ്ത്രം, വിദ്യാഭ്യാസം തുടങ്ങിയവയുടെ വളർച്ചയ്ക്ക് നിരവധി സംഭാവനകൾ നൽകി.