തൃശ്ശൂർ ജില്ലയിലെ മുനിസിപ്പൽ കോർപ്പറേഷൻ From Wikipedia, the free encyclopedia
കേരളത്തിലെ ആറ് കോർപ്പറേഷനുകളിൽ ഒന്നാണ് തൃശ്ശൂർ കോർപ്പറേഷൻ. തൃശൂർ കോർപ്പറേഷന്റെ വിസ്തൃതി 101.42 ചതുരശ്രകിലോമീറ്റർ ആണ്. 2000 ഒക്ടോബർ 1-നാണ് കോർപ്പറേഷൻ രൂപം കൊണ്ടത്[1].
തൃശ്ശൂർ കോർപ്പറേഷൻ | |
---|---|
വിഭാഗം | |
തരം | |
നേതൃത്വം | |
എം.കെ. വർഗ്ഗീസ് | |
സഭ കൂടുന്ന ഇടം | |
മുൻസിപ്പൽ കോർപ്പറേഷൻ കെട്ടിടം, തൃശ്ശൂർ | |
വെബ്സൈറ്റ് | |
corporationofthrissur |
കേരളത്തിലെ മറ്റ് കോർപ്പറേഷനുകൾ തിരുവനന്തപുരം, കൊല്ലം, കൊച്ചി, കോഴിക്കോട്, കണ്ണൂർ എന്നിവയാണ്.
ആദ്യകാലത്ത് ഒരു താലൂക്ക് ആസ്ഥാനം മാത്രമായിരുന്ന തൃശ്ശൂർ പിന്നീട് കൊച്ചി രാജ്യത്തിന്റെ വടക്കൻ മേഖലയുടെ ആസ്ഥാനമായി. 1921-ലാണ് തൃശ്ശൂർ മുനിസിപ്പാലിറ്റി രൂപം കൊണ്ടത്. അതിനുമുമ്പ് ഒരു അർബൻ കൗൺസിൽ ഇവിടെ രൂപം കൊണ്ടിരുന്നു. 1967-ൽ കൊച്ചി കോർപ്പറേഷൻ രൂപവത്കരിച്ചശേഷമാണ് ജനസാന്ദ്രത കൂടിയ പട്ടണങ്ങളായ തൃശ്ശൂരും കൊല്ലവും കോർപ്പറേഷനുകളാക്കണമെന്ന ആവശ്യം ഉയർന്നുവന്നത്. 1998 ജൂലൈ 15-ന് പുറത്തിറക്കിയ പ്രത്യേക അറിയിപ്പിൽ തൃശ്ശൂർ, കൊല്ലം മുനിസിപ്പാലിറ്റികളെ കോർപ്പറേഷനുകളാക്കി ഉയർത്താൻ തീരുമാനിയ്ക്കുകയുണ്ടായി. തൃശ്ശൂർ മുനിസിപ്പാലിറ്റിയ്ക്കൊപ്പം അയ്യന്തോൾ, വിൽവട്ടം, ഒല്ലൂക്കര, കൂർക്കഞ്ചേരി, ഒല്ലൂർ പഞ്ചായത്തുകൾ പൂർണ്ണമായും നടത്തറ, കോലഴി പഞ്ചായത്തുകൾ ഭാഗികമായും കൂട്ടിച്ചേർത്താണ് കോർപ്പറേഷൻ രൂപം കൊണ്ടത്. 2000-ൽ നടന്ന തിരഞ്ഞെടുപ്പിനുശേഷം കോൺഗ്രസ് നേതാവായ ജോസ് കാട്ടൂക്കാരൻ കോർപ്പറേഷന്റെ ആദ്യ മേയറായി. മുൻ കോൺഗ്രസ് നേതാവും ഇടതുപക്ഷ വിമതനുമായ എം.കെ. വർഗ്ഗീസാണ് ഇപ്പോഴത്തെ തൃശ്ശൂർ മേയർ[2].
തൃശ്ശൂരിന്റെ മേയർമാർ | |||
---|---|---|---|
ഭരണത്തിലെത്തിയ വർഷം | ഭരണം ഒഴിഞ്ഞ വർഷം | മേയറുടെ പേര് | പാർട്ടി |
2000 | 2004 | ജോസ് കാട്ടൂക്കാരൻ | ഇന്ത്യൻ നാഷണൽ കോൺഗ്രസ് |
2004 | 2005 | കെ. രാധാകൃഷ്ണൻ | ഇന്ത്യൻ നാഷണൽ കോൺഗ്രസ് |
2005 | 2010 | ആർ. ബിന്ദു | കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്) |
2010 | 2013 | ഐ.പി. പോൾ | ഇന്ത്യൻ നാഷണൽ കോൺഗ്രസ് |
2013 | 2015 | രാജൻ പല്ലൻ | ഇന്ത്യൻ നാഷണൽ കോൺഗ്രസ് |
2015 | 2018 | അജിത ജയരാജൻ | കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്) |
2018 | 2020 | അജിത വിജയൻ | കമ്മ്യൂണിസ്റ്റ് പാർട്ടി ഓഫ് ഇന്ത്യ |
2020 | 2020 | അജിത ജയരാജൻ | കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്) |
2020 | തുടരുന്നു | എം.കെ. വർഗ്ഗീസ് | ഇടതുപക്ഷ വിമതൻ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.