![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fc/Tungnath_temple.jpg/640px-Tungnath_temple.jpg&w=640&q=50)
തുംഗനാഥ്
പഞ്ച കേദാര ക്ഷേത്രങ്ങളിലൊന്ന് / From Wikipedia, the free encyclopedia
ലോകത്ത് തന്നെ ഏറ്റവും ഉയരത്തിലിരിക്കുന്ന ശിവക്ഷേത്രമാണ് തുംഗനാഥ്. സമുദ്രനിരപ്പിൽ നിന്നും 3860 മീറ്റർ ഉയരത്തിലാണ് ഈ ക്ഷേത്രം സ്ഥിതിചെയ്യുന്നത്. ശിവക്ഷെത്രങ്ങളിൽ പ്രമുഖമായ പഞ്ചകേദാരങ്ങളിലും ഏറ്റവും ഉയരത്തിലുള്ളത് തുംഗനാഥ് ആണ്. തുംഗനാഥ് എന്ന വാക്കിന്റെ അർത്ഥവും ഏറ്റവും ഉയരത്തിലുള്ള ദേവൻ എന്നാണ്. ദേവഭൂമിയായി കരുതുന്ന ഉത്തരാഖണ്ഡ് സംസ്ഥാനത്തിൽ രുദ്രപ്രയാഗ് ജില്ലയിൽ ഉഖിമഠ് എന്ന ചരിത്രപ്രസിദ്ധമായ പ്രദേശത്തിനു സമീപമാണ് ഈ ക്ഷേത്രം. ചൊപ്ത എന്ന ചെറുഗ്രാമം വരെ മാത്രമേ വാഹനസൗകര്യം ലഭ്യമാകൂ. അവിടെ നിന്നും 4 കിമി കയറ്റം കയറിവേണം ഇവിടെ എത്താൻ. അളകനന്ദ- മന്ദാകിനീ നദികൾ തീർത്ത താഴ്വരകളീൽ ഏറ്റവും ഉയരമുള്ള ചാന്ദ്രശില കൊടുമുടിക്ക് (ഉയരം: 4040മീ) താഴെ ആണ് തുംഗനാഥക്ഷേത്രം സ്ഥിതിചെയ്യുന്നത്. ഈ ക്ഷേത്രത്തിന് 1000 കൊല്ലം പഴക്കം കരുതപ്പെടുന്നു. പഞ്ചകേദാരങ്ങളിൽ മൂന്നാമത്തെതായി കണക്കാക്കുന്ന ഇവിടം ശിവന്റെ കുളമ്പുകളുടെ രൂപത്തിലാണ് ലിംഗം ആരാധിക്കപ്പെടുന്നത്. മഹാഭാരതകാലഘട്ടത്തിൽ പാണ്ഡവരുമായി ബന്ധിപ്പിച്ച് ആണ് പഞ്ചകേദാരങ്ങളുടെ ഐതിഹ്യം പറയപ്പെടുന്നത്. [2][3]
തുംഗനാഥ് | |
---|---|
![]() | |
അടിസ്ഥാന വിവരങ്ങൾ | |
നിർദ്ദേശാങ്കം | 30°29′22″N 79°12′55″E[1] |
മതവിഭാഗം | ഹിന്ദുയിസം |
സംസ്ഥാനം | ഉത്തരാഖണ്ഡ് |
രാജ്യം | ഭാരതം |
വാസ്തുവിദ്യാ വിവരങ്ങൾ | |
വാസ്തുവിദ്യാ തരം | ഉത്തരേന്ത്യൻ വാസ്തുകല |
സ്ഥാപകൻ | പാണ്ഡവർ |
പൂർത്തിയാക്കിയ വർഷം | Unknown |
ഉയരം | 3,680 m (12,073 ft) |