![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6f/Sea_of_Japan_Map_en.png/640px-Sea_of_Japan_Map_en.png&w=640&q=50)
ജപ്പാൻ കടൽ
From Wikipedia, the free encyclopedia
ജാപനീസ് ദ്വീപസമൂഹം, സഖാലിൻ ദ്വീപ്, കൊറിയൻ ഉപദ്വീപ്, ഏഷ്യൻ വൻകരയിലെ റഷ്യ എന്നിവയാൽ ചുറ്റപ്പെട്ട് കിടക്കുന്ന കടലാണ് ജപ്പാൻ കടൽ (Sea of Japan). ജാപ്പനീസ് ദ്വീപസമൂഹം ഈ കടലിനെ ശാന്തസമുദ്രത്തിൽനിന്നും വേർതിരിക്കുന്നു. പസഫിക് സമുദ്രത്തിൽ നിന്ന് പൂർണ്ണമായി കെട്ടിയടയ്ക്കപ്പെട്ടു കിടക്കുന്നതിനാൽ മദ്ധ്യധരണ്യാഴിയെപ്പോലെ, വേലിയേറ്റവും വേലിയിറക്കവും വളരെ കുറവായി അനുഭവപ്പെടുന്ന ഒരു കടലാണിത്.[1] ഈ ഒറ്റപ്പെടൽ കടലിന്റെ ജന്തുജാല വൈവിധ്യത്തെയും ലവണത്വത്തെയും സ്വാധീനിക്കുന്നു. ഇവ രണ്ടും തുറന്ന സമുദ്രത്തേക്കാൾ താരമ്യേന ഇവിടെ കുറവാണ്. ഈ കടലിൽ കൂറ്റൻ ദ്വീപുകളോ ഉൾക്കടലുകളോ മുനമ്പുകളോ ഒന്നുംതന്നെയില്ല. സമീപസ്ഥമായ കടലുകളുമായും പസഫിക് മഹാ സമുദ്രവുമായും ബന്ധിപ്പിക്കുന്ന കടലിടുക്കിലൂടെ അകത്തേയ്ക്കും പുറത്തേയ്ക്കുമുള്ള ജലപ്രവാഹങ്ങളാണ് ഇതിന്റെ ജലത്തിൻറെ സംതുലിതാവസ്ഥ കൂടുതലായും നിർണ്ണയിക്കുന്നത്. ചുരുക്കം നദികൾ മാത്രം പതിക്കുന്ന ഈ കടലിലേക്ക് ഇവ നൽകുന്ന ജലത്തിന്റെ മൊത്തം സംഭാവന ഒരു ശതമാനത്തിനുള്ളിലായിരിക്കുകയും ചെയ്യുന്നു.
ജപ്പാൻ കടൽ | |||||||
![]() ജപ്പാൻ കടൽ ഭൂപടം | |||||||
Chinese name | |||||||
---|---|---|---|---|---|---|---|
Chinese | 日本海 | ||||||
| |||||||
Japanese name | |||||||
Kanji | 日本海 | ||||||
Hiragana | にほんかい | ||||||
| |||||||
North Korean name | |||||||
Chosŏn'gŭl | 조선동해 | ||||||
Hancha | 朝鮮東海 | ||||||
Literal meaning | East Sea of Korea | ||||||
| |||||||
South Korean name | |||||||
Hangul | 동해 | ||||||
Hanja | 東海 | ||||||
Literal meaning | East Sea | ||||||
| |||||||
Russian name | |||||||
Russian | Японское море | ||||||
Romanization | Yaponskoye more | ||||||
Manchu name | |||||||
Manchu | ᡩᡝᡵᡤᡳ ᠮᡝᡩᡝᡵᡳ dergi mederi |
കൂടിയ ജൈവ സമ്പുഷ്ടതയ്ക്ക് കാരണമാകുന്നതായ ഓക്സിജന്റെ ഉയർന്ന സാന്ദ്രത ഈ കടൽവെള്ളത്തിലുണ്ട്. അതിനാൽ ഈ മേഖലയിലെ പ്രധാന സാമ്പത്തിക പ്രവർത്തനം മത്സ്യബന്ധനമാണ്. രാഷ്ട്രീയ പ്രശ്നങ്ങൾ കാരണങ്ങളാൽ കടലിലുടനീളമുള്ള കയറ്റുമതിയുടെ തീവ്രത മിതമാണെങ്കിലും കിഴക്കൻ ഏഷ്യൻ സമ്പദ്വ്യവസ്ഥയുടെ വളർച്ചയുടെ ഫലമായി ഇത് ക്രമാനുഗതമായി വർദ്ധിച്ചുകൊണ്ടിരിക്കുന്നു.