ചീഫ് സെക്രട്ടറി (ഇന്ത്യ)
From Wikipedia, the free encyclopedia
ചീഫ് സെക്രട്ടറി സംസ്ഥാന സർക്കാരിന്റെ ഏറ്റവും ഉയർന്ന എക്സിക്യൂട്ടീവ് ഉദ്യോഗസ്ഥനും ഏറ്റവും മുതിർന്ന സർക്കാർ ഉദ്യോഗസ്ഥനുമാണ്.[3] സംസ്ഥാന സിവിൽ സർവീസ് ബോർഡ്, സംസ്ഥാന സെക്രട്ടേറിയറ്റ്, സംസ്ഥാന കേഡർ ഇന്ത്യൻ അഡ്മിനിസ്ട്രേറ്റീവ് സർവീസ്, സംസ്ഥാന സർക്കാരിന്റെ നിയമങ്ങൾക്ക് കീഴിലുള്ള എല്ലാ സിവിൽ സർവീസുകൾ തുടങ്ങി എല്ലാത്തിന്റെയും എക്സ് ഒഫീഷ്യോ തലവനാണ് ചീഫ് സെക്രട്ടറി. സംസ്ഥാന ഭരണത്തിന്റെ എല്ലാ കാര്യങ്ങളിലും മുഖ്യമന്ത്രിയുടെ പ്രധാന ഉപദേശകനായി ചീഫ് സെക്രട്ടറി പ്രവർത്തിക്കുന്നു. സംസ്ഥാനത്തിന്റെ ഭരണപരമായ കാര്യങ്ങളിൽ മുഖ്യമന്ത്രിയുടെ മുഖ്യ ഉപദേശകനായി പ്രവർത്തിക്കുന്നു.
സംസ്ഥാന ചീഫ് സെക്രട്ടറി
| |
---|---|
![]() | |
![]() | |
നിയമിക്കുന്നത് | സംസ്ഥാന മന്ത്രിസഭ |
കാലാവധി | നിശ്ചിത കാലാവധി നിശ്ചയിച്ചിട്ടില്ലെങ്കിലും കാലാവധി നീട്ടാവുന്നതാണ്. സംസ്ഥാന ക്യാബിനറ്റ് എപ്പോൾ വേണമെങ്കിലും മറ്റൊരാളെ നിയമിക്കാം. |
മുൻഗാമി | 23rd (ഇന്ത്യൻ മുൻഗണനാ ക്രമം or പ്രോട്ടോകോൾ പ്രകാരം) |
ശമ്പളം | ₹2,25,000 (US$3,500) പ്രതിമാസം[1][2] |
ഇന്ത്യൻ അഡ്മിനിസ്ട്രേറ്റീവ് സർവീസിലെ ഉദ്യോഗസ്ഥനാണ് ചീഫ് സെക്രട്ടറി. സംസ്ഥാന ഭരണത്തിലെ ഏറ്റവും മുതിർന്ന കേഡർ തസ്തികയാണ് ചീഫ് സെക്രട്ടറി, ഇന്ത്യൻ മുൻഗണനാ ക്രമത്തിൽ അഥവാ പ്രോട്ടോകോൾ പ്രകാരം 23-ാം സ്ഥാനത്താണ്. ചീഫ് സെക്രട്ടറി സംസ്ഥാന മന്ത്രിസഭയുടെ (ക്യാബിനറ്റ്) എക്സ് ഒഫീഷ്യോ സെക്രട്ടറിയായി പ്രവർത്തിക്കുന്നു, അതിനാൽ "സെക്രട്ടറി ടു ക്യാബിനറ്റ്" അഥവാ മന്ത്രിസഭയുടെ സെക്രട്ടറി എന്ന് വിളിക്കപ്പെടുന്നു. ഈ തസ്തികയുടെ പദവി കേന്ദ്ര സർക്കാരിന്റെ സെക്രട്ടറിയുടെ പദവിക്ക് തുല്യമാണ്.