![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4c/Dg800.jpg/640px-Dg800.jpg&w=640&q=50)
ഗ്ലൈഡർ
From Wikipedia, the free encyclopedia
വായുവിനേക്കാൾ ഭാരം കൂടിയതും എൻജിൻ ഊർജ്ജം ഉപയോഗിക്കാതെ പറത്തുന്നതുമായ ആകാശനൗകകളെ ഗ്ലൈഡർ അഥവാ സെയ്ൽപ്ലെയ്ൻ [1][2]എന്നു പറയുന്നു.വിമാനത്തെപ്പോലെ തന്നെ വായുവിൽ പറക്കാൻ സാധിക്കുന്ന വ്യോമയാന ഉപകരണമാണ് ഗ്ലൈഡർ. എന്നാൽ വിമാനങ്ങളെപ്പോലെ ഇവയ്ക്ക് എഞ്ചിൻ ഇല്ല. വായുഗതി എയറോ ഡൈനാമിക് ശക്തിയുടെ ഫലമായാണ് ഇവയ്ക്ക് ആകാശത്ത് പറക്കാൻ സാധിക്കുന്നത്. ആധുനിക വിമാനങ്ങളുമായി രൂപത്തിലും ഭാവത്തിലും ഇവയ്ക്ക് സാമ്യമുണ്ടെങ്കിലും ഭാരം തീരെ കുറവായത് ഗ്ലൈഡറിനെ വേറിട്ടു നിർത്തുന്നു. ആകാശത്തിൽ ഒരു ശബ്ദവും പുറപ്പെടുവിക്കാതെ പക്ഷിയെപ്പോലെ പറക്കുന്ന ഗ്ലൈഡറുകൾ ഇപ്പോൾ ഒരു വിനോദോപാധിയായാണ് കൂടുതലും ഉപയോഗിച്ചുവരുന്നത്. ആധുനിക വിമാനങ്ങളുടെ രൂപീകരണത്തിൽ ഒരു പരിധിവരെ സഹായിച്ച ഗ്ലൈഡർ ആദ്യമായി നിർമ്മിച്ചത് വാായുഗതി ശാസ്ത്രശാഖയുടെ പിതാവായി കരുതപ്പെടുന്ന ബ്രിട്ടീഷുകാരനായ സർ ജോർജ്ജ് കെയ്ലിയാണ്.
![Thumb image](http://upload.wikimedia.org/wikipedia/commons/thumb/4/4c/Dg800.jpg/640px-Dg800.jpg)
![Thumb image](http://upload.wikimedia.org/wikipedia/commons/thumb/4/4c/Dg800.jpg/640px-Dg800.jpg)