ക്രിമിയ
കരിങ്കടലിന്റെ വടക്കൻ തീരത്തുള്ളതും ഉക്രൈനിന്റെ ഭാഗമായതുമായ ഒരു ഉപദ്വീപാണ് ക്രിമിയ / From Wikipedia, the free encyclopedia
കരിങ്കടലിന്റെ വടക്കൻ തീരത്തുള്ളതും ഉക്രൈനിന്റെ ഭാഗമായതുമായ ഒരു ഉപദ്വീപാണ് ക്രിമിയ (/kraɪˈmiːə/). ഓട്ടോണോമസ് റിപ്പബ്ലിക് ഓഫ് ക്രിമിയ (Автономна Республіка Крим, Avtonomna Respublika Krym; Автономная Республика Крым, Avtonomnaya Respublika Krym; Qırım Muhtar Cumhuriyeti, Къырым Мухтар Джумхуриети) ആണ് ഈ ഉപദ്വീപിന്റെ ഭൂരിഭാഗവും കയ്യാളുന്നത്.[5][6][7] 2014 മാർച്ച് 18 ന് ക്രിമിയ സ്വാതന്ത്ര്യം പ്രഖ്യാപിച്ചു. [8]
ഈ ലേഖനം ഒരു സമകാലിക സംഭവുമായി ബന്ധപ്പെട്ടതാണ്. . സംഭവത്തിന്റെ പുരോഗതിയനുസരിച്ച് ഈ ലേഖനത്തിലെ വിവരങ്ങൾ അടിക്കടി മാറിക്കൊണ്ടിരിക്കാം. |
ഓട്ടോണോമസ് റിപ്പബ്ലിക് ഓഫ് ക്രിമിയ
| |
---|---|
ദേശീയ ഗാനം: Нивы и горы твои волшебны, Родина (Russian) Nivy I gory tvoi volshebny, Rodina (transliteration) മാതൃദേശമേ, നിന്റെ കൃഷിയിടങ്ങളും പർവ്വതങ്ങളും മാന്ത്രികമാണ് | |
ക്രിമിയയുടെ സ്ഥാനം (ചുവപ്പ്) ഉക്രൈൻ (വെളുപ്പ്) രാജ്യവുമായി താരതമ്യത്തിന്. | |
തലസ്ഥാനം and largest city | സിംഫെറോപോൾ |
ഔദ്യോഗിക ഭാഷകൾ | ഉക്രൈനിയൻ |
അംഗീകരിച്ച പ്രാദേശിക ഭാഷകൾ |
|
വംശീയ വിഭാഗങ്ങൾ (2001) |
|
ഭരണസമ്പ്രദായം | സ്വയംഭരണ റിപ്പബ്ലിക് |
• പ്രസിഡന്റിന്റെ പ്രതിനിധി | വിക്ടർ പ്ലാകിഡ[1][2] |
• പ്രധാനമന്ത്രി | അനതോളി മോഹ്യോളിയോവ്[3] |
വോളോഡൈമൈർ കോൺസ്റ്റാൻഡിനോവ്[4] | |
നിയമനിർമ്മാണസഭ | വെർഖോവ്ന റാഡ |
സ്വയംഭരണം from the റഷ്യൻ സാമ്രാജ്യം / സോവിയറ്റ് യൂണിയൻ | |
• പ്രഖ്യാപിക്കപ്പെട്ടു | 1921 ഒക്റ്റോബർ 18 |
• നിർത്തലാക്കപ്പെട്ടു | 1945 ജൂൺ 30 |
• പുനസ്ഥാപിച്ചുb | 1992 ഫെബ്രുവരി 12 |
• ഭരണഘടന | 1998 ഒക്റ്റോബർ 21 |
• ആകെ വിസ്തീർണ്ണം | 26,100 km2 (10,100 sq mi) (148-ആമത്) |
• 2007 estimate | 1,973,185 (148ആമത്) |
• 2001 census | 2,033,700 |
• ജനസാന്ദ്രത | 75.6/km2 (195.8/sq mi) (116th) |
നാണയവ്യവസ്ഥ | ഉക്രൈനിയൻ ഹ്രൈവ്നിയ (UAH) |
സമയമേഖല | UTC+2 (EET) |
UTC+3 (EEST) | |
കോളിംഗ് കോഡ് | +380d |
ഇൻ്റർനെറ്റ് ഡൊമൈൻ | crimea.uac |
|
ക്രിമിയ ചരിത്രത്തിൽ പലവട്ടം കീഴടക്കപ്പെടുകയും അധിനിവേശത്തിലായിരിക്കുകയും ചെയ്തിട്ടുണ്ട്. സിമ്മേറിയനുകൾ, ഗ്രീക്കുകാർ, സ്കൈത്തിയനുകൾ, ഗോത്തുകൾ, ഹൂണുകൾ, ബൾഗാറുകൾ, ഖസാറുകൾ, കീവൻ റൂസ് രാജ്യം, ബൈസന്റൈൻ ഗ്രീക്കുകൾ, കിപ്ചാക്കുകൾ, ഓട്ടോമാൻ തുർക്കികൾ, ഗോൾഡൻ ഹോർഡ് ടാട്ടാറുകൾ, മംഗോളുകൾ എന്നിവരെല്ലാം ക്രിമിയ നിയന്ത്രിച്ചിട്ടുണ്ടെന്ന് ചരിത്രം പറയുന്നു. 13-ആം നൂറ്റാണ്ടിൽ വെനീസുകാർ ജെനോവന്മാർ എന്നിവർ ഈ രാജ്യം ഭാഗികമായി നിയന്ത്രിച്ചിട്ടുണ്ട്. പതിനഞ്ചാം നൂറ്റാണ്ടുമുതൽ പതിനെട്ടാം നൂറ്റാണ്ടുവരെ ക്രിമിയൻ ഖാനേറ്റ്, ഓട്ടോമാൻ സാമ്രാജ്യം എന്നിവരായിരുന്നു ഈ പ്രദേശം നിയന്ത്രിച്ചിരുന്നത്. 18-ആം നൂറ്റാണ്ടു മുതൽ 20-ആം നൂറ്റാണ്ടുവരെ ഭരണം റഷ്യൻ സാമ്രാജ്യത്തിന്റെ കൈവശമെത്തി. രണ്ടാം ലോകമഹായുദ്ധസമയത്ത് നാസി ജർമനി ക്രിമിയയുടെ നിയന്ത്രണം പിടിച്ചെടുക്കുകയുണ്ടായി. ഇരുപതാം നൂറ്റാണ്ടിന്റെ ഭൂരിഭാഗം സമയത്തും റഷ്യൻ സോവിയറ്റ് ഫെഡറേറ്റീവ് സോഷ്യലിസ്റ്റ് റിപ്പബ്ലിക്, പിന്നീട് ഉക്രൈനിയൻ സോവിയറ്റ് സോഷ്യലിസ്റ്റ് റിപ്പബ്ലിക് (സോവിയറ്റ് യൂണിയനകത്ത്) എന്നിവയായിരുന്നു ഇവിടെ ഭരണം നടത്തിയിരുന്നത്.
ഇപ്പോൾ ക്രിമിയ ഉക്രൈനിനകത്തുള്ള ഒരു സ്വയംഭരണാവകാശമുള്ള പാർലമെന്ററി റിപ്പബ്ലിക്കാണ്.[5] ക്രിമിയൻ ഭരണഘടന, ക്രിമിയയിലെ നിയമങ്ങൾ എന്നിവയനുസരിച്ചാണ് ഇവിടെ ഭരണം നടക്കുന്നത്. സിംഫെറോപോൾ ആണ് തലസ്ഥാനവും ഭരണകേന്ദ്രവും. 26200 ചതുരശ്ര കിലോമീറ്റർ വിസ്തീർണ്ണമുള്ള ക്രിമിയയിലെ ജനസംഖ്യ 2007-ലെ കണക്കനുസരിച്ച് 1,973,185 ആയിരുന്നു. മദ്ധ്യകാലത്ത്, ക്രിമിയൻ ഖാനേറ്റ് നിലവിൽ വന്നശേഷമാണ് ക്രിമിയൻ ടാടാറുകൾ എന്ന ജനവിഭാഗം ഉരുത്തിരിഞ്ഞുണ്ടായത്. 2001-ലെ സെൻസസ് അനുസരിച്ച് ഇവർ ക്രിമിയയിലെ ജനസംഖ്യയുടെ 12.1% വരും.[9] ജോസഫ് സ്റ്റാലിൻ ക്രിമിയൻ ടാടാറുകളെ മദ്ധ്യേഷയിലേയ്ക്ക് ബലമായി നീക്കുകയുണ്ടായി. സോവിയറ്റ് യൂണിയൻ തകർന്നശേഷം ഇവർ ഈ പ്രദേശത്തേയ്ക്ക് മടങ്ങിവരാൻ തുടങ്ങി.[10] 2001-ലെ സെൻസസ് അനുസരിച്ച് ക്രിമിയയിലെ ജനങ്ങളിൽ 58.5% ആൾക്കാരും റഷ്യക്കാരും 24.4% ഉക്രൈനിയൻ വംശജരുമായിരുന്നു.[11]