കൈനകരി ഗ്രാമപഞ്ചായത്ത്
ആലപ്പുഴ ജില്ലയിലെ ഗ്രാമ പഞ്ചായത്ത് / From Wikipedia, the free encyclopedia
ആലപ്പുഴ ജില്ലയുടെ ആസ്ഥാനമായ ആലപ്പുഴ പട്ടണത്തിൽനിന്ന് എട്ടു കിലോമീറ്റർ കിഴക്കുഭാഗത്തായി പമ്പയാറിന്റെ വേമ്പനാട്ടുകായലിന്റേയും വശങ്ങളിലായി സ്ഥിതിചെയ്യുന്ന ഒരു ഗ്രാമമാണ്, കൈനകരി. സഹസ്രാബ്ദങ്ങൾക്കുമുമ്പ്, കടൽ ഉൾവലിഞ്ഞ്, കരയായിത്തീർന്ന പ്രദേശമാണിതെന്ന് പറയപ്പെടുന്നു. ആലപ്പുഴ ജില്ലയിൽ കുട്ടനാട് താലൂക്കിൽ സ്ഥിതിചെയ്യുന്ന, പുഞ്ചവയലുകൾനിറഞ്ഞ ഈ ഗ്രാമത്തിന്റെ പിറവിയെപ്പറ്റിപ്പറയുന്ന പുരാണങ്ങളേറെയുണ്ട്. പൂർണ്ണമായും പമ്പാനദി।പമ്പയാൽ ചുറ്റപ്പെട്ടുകിടക്കുന്ന ചെറുതുരുത്തുകളുടെ ഒരു സമാഹാരമാണു കൈനകരി. ജലാശയങ്ങൾക്കുചുറ്റും ബണ്ടുനിർമ്മിച്ച്, വെള്ളംവറ്റിച്ചുകൃഷിചെയ്യുന്ന കുട്ടനാടൻശൈലിയാണു കൈനകരിയിലും പിന്തുടരുന്നത്. ഈ പ്രദേശത്തിന്റെ ആകെ വിസ്തൃതിയുടെ 59.87 ശതമാനവും ജലാശയങ്ങളാണ്. വേമ്പനാട് കായലും പമ്പാനദിയുമാണ് പ്രധാനജലാശയങ്ങൾ. നിരവധി ചെറുതോടുകളും ചെറുതടാകങ്ങളും ഈ ഗ്രാമത്തിന്റെ പ്രത്യേകതയാണ്. കായൽനിലങ്ങളിലെ ചെളിമണ്ണു വളക്കൂറുള്ളതാണ്. പുരാതനങ്ങളായ ക്ഷേത്രങ്ങളും ക്രൈസ്തവദേവാലയങ്ങളും ഈ പഞ്ചായത്തിലുണ്ട്.
ഈ ലേഖനം വിക്കിപീഡിയ ശൈലി അനുസരിച്ച് വിക്കിവൽക്കരിക്കേണ്ടതുണ്ട്. ഉചിതമായ അന്തർവിക്കി കണ്ണികൾ ചേർത്തും, ലേഖനത്തിന്റെ ലേ ഔട്ട് നന്നാക്കിയും ദയവായി ലേഖനത്തെ മെച്ചപ്പെടുത്താൻ സഹായിക്കൂ. |