![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e5/Circle_of_William_Scrots_Edward_VI_of_England.jpg/640px-Circle_of_William_Scrots_Edward_VI_of_England.jpg&w=640&q=50)
എഡ്വേർഡ് ആറാമൻ
From Wikipedia, the free encyclopedia
1547 ജനുവരി 28 മുതൽ അദ്ദേഹത്തിന്റെ മരണം വരെ ഇംഗ്ലണ്ടിലെയും അയർലന്റിലെയും രാജാവായിരുന്നു എഡ്വേർഡ് ആറാമൻ( Edward VI ജനനം:12 ഒക്ടോബർ 1537 മരണം: 6 ജൂലൈ 1553) 1547 ഫെബ്രുവരി ഇരുപതാം തീയതി, ഒമ്പത് വയസ്സ് മാത്രം പ്രായമായിരുന്നപ്പോൾ, ഇംഗ്ലീഷ് രാജാവായി കിരീടധാരണം നടത്തി. [1]
എഡ്വേർഡ് ആറാമൻ Edward VI | |
---|---|
![]() | |
Portrait by circle of William Scrots, c. 1550 | |
ഭരണകാലം | 28 January 1547 – 6 July 1553 |
കിരീടധാരണം | 20 February 1547 |
മുൻഗാമി | Henry VIII |
പിൻഗാമി | Jane (disputed) or Mary I |
Regents | See
|
രാജവംശം | Tudor |
പിതാവ് | Henry VIII of England |
മാതാവ് | Jane Seymour |
ഒപ്പ് | ![]() |
മതം | Protestant |
ഹെന്റി എട്ടാമന്റെയും ജേയ്ൻ സെയ്മോറിന്റെയും പുത്രനായിരുന്ന അദ്ദേഹം പ്രൊട്ടസ്റ്റന്റ് ആയി വളർത്തപ്പെട്ട ആദ്യ ബ്രിട്ടീഷ് രാജാവായിരുന്നു,അദ്ദേഹത്തിന് പ്രായപൂർത്തിയാവാതിരുന്നതിനാൽ റീജൻസി കൗൺസിൽ ആണ് ഭരണം നടത്തിയത്. റീജൻസി കൗൺസിലിന്റെ നേതൃത്വം ആദ്യം അമ്മാവനായ സോമർസെറ്റിലെ ഡ്യൂക് എഡ്വേർഡ് സെയ്മോർ (1547–1549), വാർവിക്കിലെ ഏൾ ആയിരുന്ന ജോൺ ഡഡ്ലി (1550–1553), ഡ്യൂക് ഒഫ് നോർത്തംബർലാന്റ് എന്നിവർക്കായിരുന്നു
എഡ്വേർഡിന്റെ ഭരണകാലത്തിൽ രാജ്യത്ത് സാമ്പത്തിക പ്രശ്നങ്ങളും സാമൂഹിക അരക്ഷിതാവസ്ഥയും നടമാടി, 1549-ൽ കലാപങ്ങളും വിപ്ലവശ്രമങ്ങളും പൊട്ടിപ്പുറപ്പെട്ടു. സ്കോട്ലന്റുമായി വളരെ ചെലവേറിയ ഒരു യുദ്ധം നടന്നു, ആദ്യം വിജയിച്ചെങ്കിലും സൈന്യത്തെ സ്കോട്ലന്റിൽനിന്നും പിന്നീട് പിൻവലിക്കേണ്ടി വന്നു. എഡ്വേർഡിന്റെ ഭരണകാലത്തിലാണ് ചർച്ച് ഒഫ് ഇംഗ്ലണ്ട് പ്രൊട്ടസ്റ്റന്റായത്.
1553 ഫെബ്രുവരിയിൽ എഡ്വേർഡ് അസുഖബാധിതനാവുകയും ആ വർഷം തന്നെ ജൂലൈ ആറാം തീയതി മരണപ്പെടുകയും ചെയ്തു, ക്ഷയരോഗം ആണ് അദ്ദേഹത്തെ ബാധിച്ചതെന്ന് കരുതപ്പെടുന്നു. അസുഖം ഗുരുതരമാണെന്ന് കണ്ടപ്പോൾ രാജ്യം കത്തോലിക്ക വിശ്വാസത്തിലേക്ക് തിരികെ പോകാതിരിക്കാനുള്ള പദ്ധതികൾ റീജൻസി കൗൺസിൽ ആവിഷ്കരിച്ചു, എഡ്വേർഡ് തന്റെ പിൻഗാമിയായി നിർദ്ദേശിച്ചത് കസിൻ ആയിരുന്ന ലേഡി ജെയ്ൻ ഗ്രേയെ ആയിരുന്നു. അർദ്ധ സഹോദരിമാരായിരുന്ന മേരി and എലിസബത്ത് എന്നിവരെ തഴഞ്ഞാണ് ഈ തീരുമാനം എടുത്തത്. ഒൻപത് ദിവസം മാത്രം നീണ്ടുനിന്ന ഭരണാത്തിനുശേഷം ജെയ്ൻ ഗ്രേയെ പുറത്താക്കി മേരി ഇംഗ്ലണ്ടിലെ രാജ്ഞിയായി.