ഇൻ ദ മൂഡ് ഫോർ ലൗ
From Wikipedia, the free encyclopedia
വിഖ്യാത ഹോങ്കോങ് ചലച്ചിത്ര സംവിധായകനായ വോങ്ങ് കാർ വായ് രചനയും സംവിധാനവും നിർവഹിച്ച് 2000-ൽ പുറത്തിറങ്ങിയ കാന്റോനീസ് ചലച്ചിത്രമാണ് ഇൻ ദ മൂഡ് ഫോർ ലൗ (ചൈനീസ്: 花樣年華; കാന്റോണിഷ് Fa yeung nin wa (Fā yeuhng nìhn wàh). ടോണി ലിയാങ്ങ്, മാഗി ചെയുങ്ങ് എന്നിവർ പ്രധാന വേഷങ്ങൾ അവതരിപ്പിച്ചിരിക്കുന്ന ചിത്രം 2000-ലെ കാൻസ് അന്താരാഷ്ട്ര ചലച്ചിത്രമേളയിൽ മൽസര വിഭാഗത്തിൽ പ്രദർശിപ്പിക്കുകയും ഗോൾഡൻ പാം പുരസ്ക്കാരത്തിന് നാമനിർദ്ദേശം ചെയ്യപ്പെടുകയും ചെയ്തു.[1][2] അറുപതുകളിലെ ഹോങ്കോങ് നഗരത്തിൽ വിവാഹിതരും, അയൽവാസികളും, എന്നാൽ ഏകാന്തരുമായ ഒരു സ്തീയും പുരുഷനും തമ്മിലുള്ള ബന്ധമാണ് സംഗീത പ്രധാന്യമുള്ള ചിത്രത്തിന്റെ ഇതിവൃത്തം. 1960-കളിലെ ഹോങ്കോങ് നഗരത്തിന്റെ പശ്ചാത്തലത്തിൽ വോങ്ങ് കാർ വായ് ഒരുക്കിയ ചലച്ചിത്ര ത്രയത്തിലെ രണ്ടാമത് ചിത്രമാണിത്.[3] ഈ ചലച്ചിത്ര ത്രയത്തിലെ ആദ്യ ചിത്രം "ഡെയ്സ് ഓഫ് ബീയിങ്ങ് വൈൽഡ്" 1991-ലും അവസാന ചിത്രം 2046 2004-ലും പുറത്തിറങ്ങി.
ഇൻ ദ മൂഡ് ഫോർ ലൗ | |
---|---|
സംവിധാനം | വോങ്ങ് കാർ വായ് |
നിർമ്മാണം | വോങ്ങ് കാർ വായ് |
രചന | വോങ്ങ് കാർ വായ് |
അഭിനേതാക്കൾ | ടോണി ലിയാങ്ങ് മാഗി ചെയുങ്ങ് |
സംഗീതം | ഷിഗേരു ഉമേബയാഷി Michael Galasso |
ഛായാഗ്രഹണം | Christopher Doyle Pin Bing Lee |
ചിത്രസംയോജനം | William Chang |
വിതരണം | USA Films (US) |
റിലീസിങ് തീയതി | സെപ്റ്റംബർ 29, 2000 (2000-09-29) (HK) February 2, 2001 (US) |
രാജ്യം | HKG ഹോങ്കോങ് |
ഭാഷ | കാന്റോനീസ് |
സമയദൈർഘ്യം | 98 മിനിറ്റ് 94 മിനിറ്റ് (പോളണ്ട്) |
ആകെ | $12,854,953 (worldwide) |