![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/ml/thumb/b/ba/Indian_Railway.svg/langml-640px-Indian_Railway.svg.png&w=640&q=50)
ഇന്ത്യൻ റെയിൽവേ
ഇന്ത്യയിലെ റെയിൽ ഗതാഗതം കൈകാര്യം ചെയ്യുന്ന സ്ഥാപനം. / From Wikipedia, the free encyclopedia
റെയിൽവേ മന്ത്രാലയത്താൽ നടത്തപ്പെടുന്ന ഇന്ത്യയുടെ ദേശീയ റെയിൽവേ ശൃംഖലയാണ് ഇന്ത്യൻ റെയിൽവേ. ഇന്ത്യയിലെ റെയിൽവേ ഗതാഗതം ഇന്ത്യൻ റെയിൽവേ എന്നറിയപ്പെടുന്നു. ലോകത്തിലെ തന്നെ ഏറ്റവും തിരക്കേറിയതും വിപുലവുമായ തീവണ്ടിപ്പാതാശൃംഖലകളിലൊന്നാണ് ഇന്ത്യൻറെയിൽവേ. ഏകദേശം 5000 കോടി യാത്രക്കാരും, 650 ദശലക്ഷം ടൺ ചരക്കും ഓരോ വർഷവും ഇന്ത്യൻ റെയിൽപ്പാതകളിലൂടെ നീങ്ങുന്നുണ്ട്. എല്ലാ പ്രധാനസംസ്ഥാനങ്ങളിലൂടെയും റെയിൽവേ നിലനിൽക്കുന്നു. മാത്രമല്ല 16 ലക്ഷത്തിൽ കൂടുതൽപേർക്ക് തൊഴിൽ നൽകുന്ന ഒരു സ്ഥാപനവും കൂടിയാണ് ഇന്ത്യൻ റെയിൽവേ. ഇന്ത്യയിലെ റെയിൽ ഗതാഗതം പൂർണ്ണമായും പൊതുമേഖലയിലാണ്. ഇന്ത്യൻ റെയിൽവേയിലെ മൊത്തം തീവണ്ടിപ്പാതയുടെ നീളം 63,940 കിലോമീറ്ററോളം വരും. കേന്ദ്ര റെയിൽവേ മന്ത്രി, ഉദ്യോഗസ്ഥ സമിതിയായ റെയിൽവേ ബോർഡ്, പ്രാദേശിക സോണുകൾ എന്നിവരാണ് ഇന്ത്യൻ റെയിൽവേ നിയന്ത്രിക്കുന്നത് . ഇന്ത്യക്കാരുടെ യാത്ര, സാമ്പത്തിക വികസനം ,നഗരവത്കരണം,ചരക്ക് കടത്തൽ, ഗൃഹാതുരത,മാനുഷിക ബന്ധങ്ങൾ എന്നിവയിലെല്ലാം റെയിൽവേയ്ക്ക് പ്രാധാന്യമുണ്ട്
ഇന്ത്യൻ റെയിൽവേ | |
---|---|
![]() | |
തലസ്ഥാനം | ന്യൂഡൽഹി |
റെയിൽവേ മന്ത്രി | അശ്വിനി വൈഷ്ണവ് |
നീളം | 63,140 കിലോമീറ്റർ |
ആരംഭം | 1853 |
ഗേജ് | ബ്രോഡ് ഗേജ്, മീറ്റർ ഗേജ്, നാരോ ഗേജ് |
വരുമാനം | ₹ 467850 കോടി |
വെബ് സൈറ്റ് | http://www.indianrailways.gov.in |
![Thumb image](http://upload.wikimedia.org/wikipedia/commons/thumb/a/a2/Railway_network_map_of_India_-_Schematic.svg/640px-Railway_network_map_of_India_-_Schematic.svg.png)
ബ്രിട്ടീഷുകാരാണ് ഇന്ത്യയിൽ റെയിവേ സംവിധാനം ആദ്യമായി കൊണ്ടുവന്നത്.