അരേസീ
From Wikipedia, the free encyclopedia
സപുഷ്പികളിലെ ഏകബീജപത്ര സസ്യങ്ങളിൽപ്പെട്ട ഒരു സസ്യകുടുംബമാണ് അരേസീ (Araceae). 107 ജനുസുകളിലായി 3700 -ലേറെ സ്പീഷിസുകൾ ഈ കുടുംബത്തിലുണ്ട്. ജീവനോടെയുള്ള അരേസീ കുടുംബത്തിലെ സസ്യങ്ങളുടെ ഏറ്റവും വലിയ ശേഖരങ്ങൾ മിസ്സൗറീ സസ്യോദ്യാനത്തിലും.[2] മ്യൂനിച്ച് സസ്യോദ്യാനത്തിലും ആണുള്ളത്. ഈ സസ്യകുടുംബത്തെപ്പറ്റി ഗവേഷണങ്ങളിൽ ഏർപ്പെട്ട ജോസഫ് ബൊഗ്നറുടെ ശ്രമഫലമായിട്ടാണിവ ഉണ്ടായത്.
അരേസീ | |
---|---|
ചേമ്പിന്റെ പൂവ് | |
ശാസ്ത്രീയ വർഗ്ഗീകരണം | |
കിങ്ഡം: | |
(unranked): | |
(unranked): | |
Order: | Alismatales |
Family: | Araceae |
Genera | |
|
ആന്തൂറിയം, ചേമ്പ്, ചേന എന്നിവ അരേസിയിലെ അംഗങ്ങളാണ്.
അരേസിയിലെ മിക്ക സ്പീഷിസുകളും കിഴങ്ങുണ്ടാവുന്നവയാണ്. ഇവയിൽ വിഷമായ കാൽസ്യം ഓക്സലേറ്റ് അടങ്ങിയിട്ടുണ്ട്. പല സ്പീഷിസുകളുടെ ഇലയുടെ രൂപത്തിൽ വലിയ വ്യത്യാസങ്ങൾ കാണാം. സ്പെയ്ഡിക്സ് എന്ന രൂപത്തിൽ ആണ് ഇവയുടെ പൂക്കുലകളുടെ ആകൃതി. ഈ കുടുംബത്തിലെ പല ചെടികളും ചൂട് ഉൽപ്പാദിപ്പിക്കുന്നവയാണ്. ചുറ്റുപാടുമുള്ള താപം തീരെക്കുറഞ്ഞിരിക്കുമ്പോൾ പോലും ഇവയിലെ പൂക്കളുടെ ചൂട് 45 ഡിഗി സെന്റിഗ്രേഡ് വരെ ഉയരാം. പരാഗണം നടത്താൻ പ്രാണികളെ ആകർഷിക്കാനാണ് മിക്കവാറും ഈ ഗുണം ഉപയോഗപ്പെടുന്നത്. പകരം ഈ പ്രാണികൾക്ക് ചൂട് കിട്ടും.മറ്റൊരു കാരണം തണുപ്പിനാൽ കോശങ്ങൾക്ക് കേടുപാടുകൾ പാറ്റാതിരിക്കലാണ്. മറ്റു ചില സ്പീഷിസുകൾക്ക് ആവട്ടെ ചീഞ്ഞ നാറ്റമാണ്, ഇതും പരാഗണം നടത്തുന്ന പ്രാണികളെ ആകർഷിക്കാനാണ്.