അബിഗൈൽ ബ്രെസ്ലിൻ
അമേരിക്കൻ ചലചിത്ര നടി / From Wikipedia, the free encyclopedia
അബിഗൈൽ കാത്ലീൻ ബ്രെസ്ലിൻ (ജനനം: ഏപ്രിൽ 14, 1996)[1] ഒരു അമേരിക്കൻ അഭിനേത്രിയും ഗായികയുമാണ്. മൂന്നു വയസുള്ളപ്പോൾ, തന്റെ ആദ്യ വാണിജ്യ പരസ്യത്തിൽ പ്രത്യക്ഷപ്പെട്ട അവർ "സൈൻസ്" (2002) എന്ന ആദ്യ ചിത്രത്തിൽ കേവലം അഞ്ച് വയസ്സുള്ളപ്പോഴാണ് പ്രത്യക്ഷപ്പെട്ടത്.[2] റൈസിംഗ് ഹെലൻ (2004), മികച്ച സഹനടിക്കുള്ള അക്കാദമി അവാർഡ് നാമനിർദ്ദേശം[3] ലഭിച്ച ലിറ്റിൽ മിസ് സൺഷൈൻ (2006), നോ റിസർവ്വേഷൻസ് (2007), നിംസ് ഐലൻറ് (2008), ഡെഫനീറ്റ്ലി മെയ്ബീ (2008), മൈ സിസ്റ്റേർസ് കീപ്പർ (2009), സോംബീലാൻറ് (2009), റാൻഗോ (2001), ആഗസ്റ്റ്: ഒസാജ് കൌണ്ടി (2013) എന്നിവ അവരുടെ മറ്റു പ്രധാനചിത്രങ്ങളിൽ ഉൾപ്പെടുന്നു. 2015 ൽ ഫോക്സ് ബ്രോഡ്കാസ്റ്റിംഗ് കമ്പനിയുടെ ഹൊറർ കോമഡിയായ സ്ക്രീം ക്വീൻസ് എന്ന ടെലിവിഷൻ പരമ്പരയിലൂടെ ആദ്യമായി ഒരു പരമ്പരയിൽ ഒരു സ്ഥിരവേഷത്തിൽ പ്രത്യക്ഷപ്പെട്ടു.
വസ്തുതകൾ അബിഗൈൽ ബ്രെസ്ലിൻ, ജനനം ...
അബിഗൈൽ ബ്രെസ്ലിൻ | |
---|---|
ജനനം | Abigail Kathleen Breslin (1996-04-14) ഏപ്രിൽ 14, 1996 (28 വയസ്സ്) New York City, New York, U.S. |
തൊഴിൽ | Actress, singer |
സജീവ കാലം | 2002–present |
ബന്ധുക്കൾ | Spencer Breslin (brother) |
അടയ്ക്കുക