അണുനാശിനി
From Wikipedia, the free encyclopedia
സൂക്ഷ്മാണുക്കളെ നശിപ്പിക്കുന്നതിനേ നിർവ്വീര്യമാക്കുന്നതിനോ വേണ്ടി ഉപയോഗിക്കുന്ന പദാർത്ഥങ്ങളാണ് അണുനാശിനികൾ. സാനിറ്റൈസറുകൾ അണുനാശിനികളായി ഉപയോഗിക്കുന്നു.[1] ഒരേസമയം വൃത്തിയാക്കുകയും അണുവിമുക്തമാക്കുകയും ചെയ്യുന്ന പദാർത്ഥങ്ങളാണ് സാനിറ്റൈസറുകൾ.[2] അണുനാശിനി സാനിറ്റൈസറുകളേക്കാൾ കൂടുതൽ അണുക്കളെ കൊല്ലുന്നു. [3] എങ്കിലും, അണുനാശിനി എല്ലാ സൂക്ഷ്മാണുക്കളെയും, പ്രത്യേകിച്ച് പ്രതിരോധശേഷിയുള്ള ബാക്ടീരിയ സ്പോറുകളെ നശിപ്പിക്കണമെന്നില്ല. ഇത് സ്റ്റെറിലേസേഷൻ നടത്തുന്നതിന് തുല്യമല്ല. ശരീരത്തിലെ സൂക്ഷ്മാണുക്കളെ നശിപ്പിക്കുന്ന ആൻറിബയോട്ടിക്കുകൾ, ജീവനുള്ള കലകളിലെ സൂക്ഷ്മാണുക്കളെ നശിപ്പിക്കുന്ന ആന്റിസെപ്റ്റിക്സ് തുടങ്ങിയ ആന്റിമൈക്രോബിയൽ ഏജന്റുകളിൽ നിന്ന് അണുനാശിനി വ്യത്യസ്തമാണ്. അണുനാശിനികൾ ബയോസൈഡുകളിൽ നിന്ന് വ്യത്യസ്തമാണ്. സൂക്ഷ്മാണുക്കളെ മാത്രമല്ല എല്ലാത്തരം ജീവൽകോശങ്ങളേങ്ങളേയും നശിപ്പിക്കാൻ ഉദ്ദേശിച്ചുള്ളതാണ് ബയോസൈഡുകൾ. സൂക്ഷ്മാണുക്കളുടെ കോശഭിത്തി നശിപ്പിക്കുകയോ അവയുടെ ഉപാപചയ പ്രവർത്തനങ്ങളിൽ ഇടപെടുകയോ ചെയ്താണ് അണുനാശിനി പ്രവർത്തിക്കുന്നത്.
![Thumb image](http://upload.wikimedia.org/wikipedia/commons/4/4e/Disinfection_with_mop.jpg)
![Thumb image](http://upload.wikimedia.org/wikipedia/commons/thumb/1/10/Resistance_of_Microbes_to_Disinfectants.png/640px-Resistance_of_Microbes_to_Disinfectants.png)
ഒരേസമയം വൃത്തിയാക്കുകയും അണുവിമുക്തമാക്കുകയും ചെയ്യുന്നതിന് സാനിറ്റൈസറുകൾ ഫലപ്രദമാണ്. [2] അണുനാശിനി സാനിറ്റൈസറുകളേക്കാൾ കൂടുതൽ വേഗത്തിലും ഫലപ്രദമായും അണുക്കളെ നശിപ്പിക്കുന്നു. [4] പകർച്ചവ്യാധികളെ കൊല്ലാൻ ആശുപത്രികൾ, അടുക്കളകൾ, കുളിമുറി എന്നിവയിൽ അണുനാശിനി പതിവായി ഉപയോഗിക്കുന്നു.
അണുനാശിനികളോട് ബാക്ടീരിയൽ എൻഡോസ്പോറുകൾ കൂടുതൽ പ്രതിരോധിക്കും, ചിലയിനം ഫംഗസ്, വൈറസ്, ബാക്ടീരിയ എന്നിവയ്ക്കും ഇവയോട് പ്രതിരോധമുണ്ട്.
![Thumb image](http://upload.wikimedia.org/wikipedia/commons/thumb/e/e1/DISINFECTANT_PIC.svg/320px-DISINFECTANT_PIC.svg.png)