ഇന്ത്യയിലെ ഹരിയാന സംസ്ഥാനത്തിലെ ഒരു നഗരമാണ് അംബാല. പഞ്ചാബ് സംസ്ഥാനാതിർത്തിയോടു ചേർന്ന് കിടക്കുന്ന ഈ നഗരത്തിന് രണ്ട് പ്രധാന നഗരഭാഗങ്ങളുണ്ട്. അംബാല സിറ്റിയും അംബാല കന്റോൺമെന്റും. ഈ രണ്ട് നഗര ഭാഗങ്ങളും തമ്മിൽ മൂന്നു കിലോമീറ്ററോളം ദൂര വ്യത്യാസമുള്ളതിനാൽ അംബാലയെ ഒരു ഇരട്ടനഗരമായും കണക്കാക്കുന്നു. ഇന്ത്യയുടെ കരസേനയുടെയും വ്യോമസേനയുടെയും വലിയ സാന്നിധ്യം ഈ നഗരത്തിലുണ്ട്.