വിനീത് ശ്രീനിവാസൻ

മലയാള സിനിമയിലെ യുവഗായകനും അഭിനേതാവും സംവിധായകനുമാണ് വിനീത് ശ്രീനിവാസൻ. ചലച്ചിത്രനടൻ ശ്രീനിവാസന്റെ മകനാണ്. കണ്ണൂർ ജില്ലയിലെ കൂത്തുപറമ്പ് സ്വദേശിയാണ്.

വിനീത് ശ്രീനിവാസൻ
പശ്ചാത്തല വിവരങ്ങൾ
ജനനം	(1984-10-01) ഒക്ടോബർ 1, 1984  (40 വയസ്സ്)
തൊഴിൽ(കൾ)	ചലച്ചിത്ര പിന്നണിഗായകൻ, ചലച്ചിത്രനടൻ, ചലച്ചിത്രസംവിധായകൻ
വർഷങ്ങളായി സജീവം	2003–ഇതുവരെ

ജീവിതരേഖ

1984 ഒക്ടോബർ 1ന് ഉത്തര മലബാറിലെ തലശ്ശേരിയിൽ നടൻ ശ്രീനിവാസന്റെയും വിമലയുടെയും മൂത്തമകനായി വിനീത് ജനിച്ചു. അദ്ദേഹത്തിന്റെ അനുജൻ ധ്യാനും ഇപ്പോൾ അറിയപ്പെടുന്ന നടനാണ്. കൂത്ത

നിർമ്മലഗിരി റാണി ജയ് ഹയർസെക്കൻഡറി സ്കൂളിൽ ഹൈസ്കൂൾ വിദ്യാഭ്യാസം നേടിയ ശേഷംചെന്നൈ കെ.ജി.ജി. കോളേജിൽ നിന്നും മെക്കാനിക്കൽ എൻജിനീയറിംഗ് ബിരുദം നേടി. 2003-ൽ കിളിച്ചുണ്ടൻ മാമ്പഴം എന്ന സിനിമയിലെ കസവിന്റെ തട്ടമിട്ട് എന്നതാണ് ആദ്യ ചലച്ചിത്രഗാനം^{[അവലംബം ആവശ്യമാണ്]}. തുടർന്ന് നിരവധി സിനിമകളിൽ പാടി. 2005-ൽ പുറത്തിറങ്ങിയ ഉദയനാണു താരം എന്ന ചിത്രത്തിൽ സ്വന്തം പിതാവ് അഭിനയിച്ച നൃത്ത രംഗത്തിനുവേണ്ടി പാടിയ കരളേ കരളിന്റെ കരളേ എന്ന ഗാനം ഏറെ ശ്രദ്ധേയമായി^{[അവലംബം ആവശ്യമാണ്]}. ഓമനപ്പുഴ കടപ്പുറത്ത് (ചാന്തുപൊട്ട്), എന്റെ ഖൽബിലെ (ക്ലാസ്മേറ്റ്സ്) എന്നീ ഗാനങ്ങൾ വിനീതിനെ കൂടുതൽ ജനപ്രിയനാക്കി. മലയാളി എന്ന മ്യൂസിക് ബാൻഡിലും അംഗമാണ്.

2008ൽ പുറത്തിറങ്ങിയ സൈക്കിൾ എന്ന ചിത്രത്തിലെ നായകവേഷത്തിലൂടെയാണ് വിനീത് ചലച്ചിത്രാഭിനയരംഗത്ത് അരങ്ങേറ്റം കുറിച്ചത്. വിനീത് സംവിധാനം ചെയ്ത ആദ്യ ചലച്ചിത്രമാണ് 2010-ൽ പുറത്തിറങ്ങിയ മലർവാടി ആർട്സ് ക്ലബ്.ജന്മനാടായ തലശ്ശേരിയുടെ പശ്ചാത്തലത്തിൽ വിനീത് തിരക്കഥയോരുക്കി സംവിധാനം ചെയ്ത രണ്ടാമത്തെ ചിത്രം തട്ടത്തിൻ മറയത്ത് ഏറെ ശ്രദ്ധിക്കപ്പെടുകയും മികച്ച വിജയം നേടുകയും ചെയ്തു.^[1][2][3]

2012 ഒക്ടോബർ 18-ന് പയ്യന്നൂർ സ്വദേശി നാരായണന്റെയും ഉഷയുടെയും മകളായ ദിവ്യയെ കണ്ണൂരിൽ വെച്ച് വിവാഹം ചെയ്തു^[4].

അഭിനയിച്ച ചിത്രങ്ങൾ

നമ്പർ	വർഷം	ചിത്രം	കഥാപാത്രം
1	2008	സൈക്കിൾ	റോയ്
2	2009	മകന്റെ അച്ഛൻ	മനു
3	2011	ട്രാഫിക്	റെയ്ഹാൻ
4	2011	ചാപ്പാ കുരിശ്	അൻസാരി
5	2012	പത്മശ്രീ ഭരത് ഡോക്ടർ സരോജ് കുമാർ	ശ്യാം
6	2014	ഓം ശാന്തി ഓശാന	ഡോ. പ്രസാദ് വർക്കി
7	2014	ഓർമ്മയുണ്ടോ ഈ മുഖം	ഗൗതം
8	2015	ഒരു വടക്കൻ സെൽഫി	ജാക്ക് ട്രാക്കർ
9	2015	ഒരു സെക്കൻഡ് ക്ലാസ് യാത്ര	നന്ദു
10	2015	കുഞ്ഞിരാമായണം	കുഞ്ഞിരാമൻ
11	2016	ജേക്കബിന്റെ സ്വർഗ്ഗരാജ്യം	യൂസഫ് ഷാ
12	2016	ഒരു മുത്തശ്ശി ഗദ	സക്കറിയ (ചെറുപ്പകാലം)
13	2017	എബി	എബി
14	2017	ആന അലറലോടലറൽ	ഹാഷിം

സംവിധാനം ചെയ്ത ചിത്രങ്ങൾ

വർഷം	ചിത്രം	അഭിനേതാക്കൾ	കുറിപ്പുകൾ
2010	മലർവാടി ആർട്സ് ക്ലബ്	നിവിൻ പോളി, മാളവിക വേൽസ്, ഭഗത് മാനുവൽ, അപൂർവ്വ ബോസ്	വിനീതിന്റെ ആദ്യ സംവിധായക സംരംഭം
2012	തട്ടത്തിൻ മറയത്ത്	നിവിൻ പോളി, ഇഷ തൽവാർ, ശ്രീനിവാസൻ, അജു വർഗ്ഗീസ്, ഭഗത് മാനുവൽ, അപർണ നായർ	മികച്ച സംവിധായകൻ (നാമനിർദ്ദേശം) സിമ്മ അവാർഡ് മികച്ച പിന്നണിഗായകൻ - നാമനിർദ്ദേശം സിമ്മ അവാർഡ്
2013	തിര	ശോഭന, ധ്യാൻ ശ്രീനിവാസൻ
2016	ജേക്കബിന്റെ സ്വർഗ്ഗരാജ്യം	നിവിൻ പോളി, രഞ്ജി പണിക്കർ
2022	ഹൃദയം	പ്രണവ് മോഹൻലാൽ , കല്യാണി പ്രിയദർശൻ , ദർശന രാജേന്ദ്രൻ
2024	വർഷങ്ങൾക്ക് ശേഷം	പ്രണവ് മോഹൻലാൽ,ധ്യാൻ ശ്രീനിവാസൻ,അജു വർഗീസ്,കല്യാണി പ്രിയദർശൻ,ബേസിൽ ജോസഫ് ,	ഷൂട്ടിംഗ് നടന്നുകൊണ്ടിരിക്കുന്നു'

അവലംബം

1. തട്ടത്തിൻ മറയത്ത്-മികച്ച പ്രതികരണം^{[പ്രവർത്തിക്കാത്ത കണ്ണി]}
2. പുതു തലമുറയുടെ സിനിമ^{[പ്രവർത്തിക്കാത്ത കണ്ണി]}
3. കാഴ്ചയുടെ പൊൻകസവുതട്ടം^{[പ്രവർത്തിക്കാത്ത കണ്ണി]}
4. "ആർക്കൈവ് പകർപ്പ്". Archived from the original on 2012-10-18. Retrieved 2012-10-18.

ഇതും കാണുക

• വിനീത് ശ്രീനിവാസൻ

പുറമേയ്ക്കുള്ള കണ്ണികൾ

ഇന്റർനെറ്റ് മൂവി ഡാറ്റാബേസിൽ നിന്ന് വിനീത് ശ്രീനിവാസൻ