സദ

ഒരു ദക്ഷിണേന്ത്യൻ ചലച്ചിത്ര നടിയാണ് സദ എന്ന പേരിൽ പ്രശസ്തയായ സദാഫ് മുഹമ്മദ് സയദ്. അന്യൻ, ജയം, ഉന്നാലെ ഉന്നാലെ എന്നിവയാണ് ഇവർ അഭിനയിച്ച പ്രധാന തമിഴ് ചലച്ചിത്രങ്ങൾ. തേജ സംവിധാനം ചെയ്ത ജയം എന്ന തെലുങ്ക് ചിത്രത്തിലൂടെയാണ് സദ അഭിനയരംഗത്തേക്കു കടന്നുവരുന്നത്.

സദ
സദ 2008-ൽ ക്ലിക്ക് എന്ന ചിത്രത്തിന്റെ പ്രചരണത്തിനിടെ
ജനനം	സദാഫ് മുഹമ്മദ് സയ്ദ് [1] (1984-02-17) 17 ഫെബ്രുവരി 1984  (40 വയസ്സ്) മുംബൈ, ഇന്ത്യ
ദേശീയത	ഇന്ത്യൻ
മറ്റ് പേരുകൾ	സദാ
തൊഴിൽ	നടി, മോഡൽ
സജീവ കാലം	2002–മുതൽ

സ്വകാര്യ ജീവിതം

മഹാരാഷ്ട്രയിലെ രത്നഗിരിയിലുള്ള ഒരു മുസ്ലീം കുടുംബത്തിലാണ് സദയുടെ ജനനം.^[2] രത്നഗിരിയിലെ സേക്രഡ് ഹാർട്ട് കോൺവെന്റ് ഹൈസ്കൂളിലെ പഠനത്തിനു ശേഷം മുംബൈയിലേക്കു താമസം മാറിയ സമയത്താണ് ജയം എന്ന തെലുങ്ക് ചലച്ചിത്രത്തിൽ അഭിനയിക്കുവാനുള്ള അവസരം സദയെ തേടിയെത്തുന്നത്. തേജയുടെ സംവിധാനത്തിൽ കൗമാരക്കാരുടെ പ്രണയകഥ പറഞ്ഞ ഈ ചിത്രം ആ വർഷത്തെ ഏറ്റവും മികച്ച വരുമാനം നേടിയ ചലച്ചിത്രങ്ങളിലൊന്നായിരുന്നു. മുംബൈയിലും ഹൈദ്രാബാദിലുമുള്ള വസതികളിലാണ് സദ ഇപ്പോൾ താമസിക്കുന്നത്.

അഭിനയ ജീവിതം

ജയം എന്ന ചിത്രത്തിന്റെ വിജയത്തിനു ശേഷം അന്യൻ എന്ന തമിഴ് ചലച്ചിത്രത്തിൽ നായികയാകുവാൻ അവസരം ലഭിച്ചു. ശങ്കർ സംവിധാനം ചെയ്ത ഈ ചിത്രത്തിൽ വിക്രമിന്റെ നായികയായാണ് സദ അഭിനയിച്ചത്. ഈ ചിത്രവും മികച്ച വിജയം നേടി. അന്യൻ സിനിമയുടെ മികച്ച വിജയത്തിനു ശേഷം തമിഴിലും ഹിന്ദിയിലും കന്നഡയിലുമായി നിരവധി ചലച്ചിത്രങ്ങളിൽ സദ അഭിനയിച്ചു. കന്നഡ ചിത്രമായ മൊണാലിസ, ബോളിവുഡ് ചിത്രമായ ക്ലിക്ക് എന്നിവ ഏറെ ശ്രദ്ധിക്കപ്പെട്ടിരുന്നു. 2018-ൽ പുറത്തിറങ്ങിയ ടോർച്ച് ലൈറ്റ് എന്ന തമിഴ് സിനിമയിൽ ഒരു ലൈംഗികത്തൊഴിലാളിയായി സദ അഭിനയിച്ചു. ഈ ചിത്രത്തിന് എ സർട്ടിഫിക്കറ്റാണ് ലഭിച്ചത്.^[3] 2014-ൽ വിജയ് ടിവിയിൽ സംപ്രേഷണം ചെയ്തിരുന്ന ജോഡി നം. 1 എന്ന പരമ്പരയുടെ ഒമ്പതാം പതിപ്പിൽ വിധികർത്താവായും സദ പ്രത്യക്ഷപ്പെട്ടു. 2016-ൽ തെലുങ്ക് ടെലിവിഷൻ പരമ്പരായ ദീ ജൂനിയേഴ്സിലും സദ ഒരു വിധികർത്താവായിരുന്നു.

ചലച്ചിത്രങ്ങൾ

വർഷം	ചലച്ചിത്രം	കഥാപാത്രം	ഭാഷ	Notes
2002	Jayam	Sujatha	തെലുങ്ക്	മികച്ച നടിക്കുള്ള ഫിലിം ഫെയർ പുരസ്കാരം – തെലുങ്ക്
2003	Praanam	Kathyayani/Uma	തെലുങ്ക്
2003	Naaga	തെലുങ്ക്
2003	Jayam	Sujatha	തമിഴ്
2004	Donga Dongadi	Vijji	തെലുങ്ക്
2004	Aethiree	Priya	തമിഴ്
2004	Monalisa	Monalisa/Spandana	കന്നഡ
2004	Leela Mahal Center	Anjali	തെലുങ്ക്
2004	Varnajaalam	Abhirami	തമിഴ്
2005	Avunannaa Kaadannaa	Aravinda	തെലുങ്ക്
2005	Anniyan	Nandini Krishna	തമിഴ്	നാമനിർദ്ദേശം – മികച്ച നടിക്കുള്ള ഫിലിം ഫെയർ പുരസ്കാരം – തമിഴ്
2005	Priyasakhi	Priya Santhanakrishnan	തമിഴ്
2006	Chukkallo Chandrudu	Shravani	തെലുങ്ക്
2006	Thirupathi	Priya	തമിഴ്
2006	Mohini 9886788888	Varsha	കന്നഡ
2006	Veerbhadra	Chandramukhi	തെലുങ്ക്
2007	Janmam		മലയാളം	അതിഥി വേഷം
2007	Unnale Unnale	Jhansi	തമിഴ്	നാമനിർദ്ദേശം – മികച്ച നടിക്കുള്ള ഫിലിം ഫെയർ പുരസ്കാരം – തമിഴ്
2007	Classmates	Raaji	തെലുങ്ക്
2007	Shankar Dada Zindabad	Sandhya	തെലുങ്ക്	അതിഥി വേഷം
2007	Takkari	Priya	തെലുങ്ക്
2008	Novel	Priya Nandini	മലയാളം	നാമനിർദ്ദേശം – മികച്ച നടിക്കുള്ള ഫിലിം ഫെയർ പുരസ്കാരം – മലയാളം
2009	Love Khichdi	Sandhya Iyengar	ഹിന്ദി
2009	A Aa E Ee	Ramya	തെലുങ്ക്
2010	Click	Sonia	ഹിന്ദി
2010	Huduga Hudugi	Maya	കന്നഡ	അതിഥി വേഷം
2010	Mylari	Anitha	കന്നഡ
2011	Mallikarjuna	കന്നഡ
2011	Puli Vesham	Ashwini	തമിഴ്
2011	Naan Aval Adhu	Ashwini	തമിഴ്	വൈകി
2012	Aarakshaka	Katherine	കന്നഡ
2012	Mythri	Mythri	തെലുങ്ക്
2013	Dasa Tirigindi	Sadha	തെലുങ്ക്
2014	Kelvi	Sadha	മലയാളം	അതിഥി വേഷം
2014	Yamaleela 2	Sadha	തെലുങ്ക്	അതിഥി വേഷം
2015	Eli	Julie	തമിഴ്
2016	Dil Toh Deewana Hai	Anamika	ഹിന്ദി
2016	Saat Uchakkey	Item Song	ഹിന്ദി
2018	Torch Light	Sadha	തമിഴ്

ടെലിവിഷൻ പരമ്പരകൾ

• ധീ ജൂനിയേഴ്സ്
• ജോഡി നമ്പർ വൺ

അവലംബം

1. "Sadha Height, Weight, Age, Affairs, Wiki & Facts". Stars Fact. Archived from the original on 2017-02-14. Retrieved 12 February 2017.
2. "Interview: Sadha". Behindwoods. Retrieved 21 January 2013.
3. "ടോർച്ച് ലൈറ്റ് ചിത്രത്തിന് എ സർട്ടിഫിക്കറ്റ് ലഭിച്ചതിന് കാരണം പറഞ്ഞ് നടി സദ..." Retrieved 2018-10-21.

പുറം കണ്ണികൾ

• ഇന്റർനെറ്റ് മൂവി ഡാറ്റാബേസിൽ നിന്ന് Sadha