എസ്. ഷങ്കർ

തമിഴ് ചലച്ചിത്രസംവിധായകനും നിർമ്മാതാവുമാണ് എസ്. ഷങ്കർ (യഥാർത്ഥ പേര് : ഷങ്കർ ഷൺമുഖം ; ജനനം:1963 ഓഗസ്റ്റ് 17). ഇന്ത്യൻചലച്ചിത്രരംഗത്തെ ഏറ്റവും ചെലവുകൂടിയ ചിത്രങ്ങൾ സംവിധാനം ചെയ്തതിലൂടെ പ്രസിദ്ധനായ ഇദ്ദേഹം ഇന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന സംവിധായകരിൽ ഒരാളാണ്.^[1][2] 1993-ൽ പുറത്തിറങ്ങിയ ജെന്റിൽമാൻ എന്ന ചിത്രമാണ് ആദ്യമായി സംവിധാനം ചെയ്തത്. ഈ ചിത്രത്തിലൂടെ മികച്ച സംവിധായകനുള്ള ഫിലിംഫെയർ പുരസ്കാരവും തമിഴ്നാട് സർക്കാരിന്റെ ചലച്ചിത്രപുരസ്കാരവും സ്വന്തമാക്കി. 2007-ൽ എം.ജി.ആർ. സർവകലാശാല ഇദ്ദേഹത്തെ ഡോക്ടറേറ്റ് നൽകി ആദരിച്ചു. ഇദ്ദേഹം സംവിധാനം ചെയ്ത പ്രധാനചലച്ചിത്രങ്ങളാണ് ഇന്ത്യൻ (1996), ജീൻസ് (1998), മുതൽവൻ (1999), ബോയ്സ് (2003), അന്യൻ (2005), ശിവാജി (2007), എന്തിരൻ (2010), നൻപൻ (2012), ഐ (2015), 2.0 (2018) എന്നിവ. ഇന്ത്യൻ, ജീൻസ് എന്നീ ചിത്രങ്ങളെ മികച്ച വിദേശഭാഷാചിത്രത്തിനുള്ള അക്കാദമി അവാർഡിനായി പരിഗണിച്ചിരുന്നു.

ഷങ്കർ
ജനനം	ഷങ്കർ ഷൺമുഖം (1963-08-17) 17 ഓഗസ്റ്റ് 1963  (61 വയസ്സ്) കുംഭകോണം, തമിഴ്നാട്, ഇന്ത്യ
തൊഴിൽ(s)	ചലച്ചിത്ര സംവിധായകൻ, നിർമ്മാതാവ്, തിരക്കഥാകൃത്ത്
സജീവ കാലം	1993–തുടരുന്നു
ജീവിതപങ്കാളി	ഈശ്വരി
കുട്ടികൾ	3

ആദ്യകാലജീവിതം

1963 ഓഗസ്റ്റ് 17-ന് തമിഴ്നാട്ടിലെ സേലത്താണ് ഷങ്കർ ജനിച്ചത്. ഷൺമുഖവും മുത്തുലക്ഷ്മിയുമാണ് മാതാപിതാക്കൾ. സെൻട്രൽ പോളിടെൿനിക് കോളേജിൽ നിന്ന് മെക്കാനിക്കൽ എൻജിനിയറിങ്ങിൽഡിപ്ലോമ നേടിയശേഷമാണ് ചലച്ചിത്രരംഗത്തേക്കു കടന്നുവന്നത്.^[3] ഭാര്യയുടെ പേര് ഈശ്വരി. ഒരു ആൺകുട്ടിയും രണ്ടു പെൺകുട്ടികളുമുണ്ട്.

ചലച്ചിത്രജീവിതം

എസ്.എ. ചന്ദ്രശേഖർ, പവിത്രൻ എന്നീ ചലച്ചിത്രസംവിധായകരുടെ സഹായി എന്ന നിലയിലാണ് ഷങ്കറിന്റെ ചലച്ചിത്രജീവിതം ആരംഭിക്കുന്നത്.^[3] 1993-ൽ ജെന്റിൽമാൻ എന്ന ചിത്രത്തിലൂടെ സ്വതന്ത്രസംവിധായകനായി. അന്നുവരെ നിർമ്മിക്കപ്പെട്ടിട്ടുള്ളതിൽവച്ച് ഏറ്റവും ചെലവുകൂടിയ ചിത്രമായിരുന്നു അത്. അർജുൻ നായകവേഷത്തിലെത്തിയ ഈ ചിത്രം വൻവിജയം നേടി.^[4] ഷങ്കറിന്റെ ഈ ചിത്രത്തിലും പിന്നീടുള്ള ആറ് ചിത്രങ്ങളിലും സംഗീതസംവിധായകൻ എ.ആർ. റഹ്മാൻആയിരുന്നു.

പ്രഭുദേവ നായകനായ കാതലൻ (1994) ആണ് ശങ്കർ സംവിധാനം ചെയ്ത രണ്ടാമത്തെ ചലച്ചിത്രം. ഈ ചിത്രവും ബോക്സ് ഓഫീസ് വിജയമായി. 1996-ൽ കമലഹാസനെ നായകനാക്കി ഇന്ത്യൻ എന്ന ചലച്ചിത്രം സംവിധാനം ചെയ്തു. നിരൂപകപ്രശംസയോടൊപ്പം മികച്ച വരുമാനവും ചിത്രം സ്വന്തമാക്കി. ഈ ചിത്രത്തെ മികച്ച വിദേശഭാഷാചിത്രത്തിനുള്ള അക്കാദമി അവാർഡിനായി പരിഗണിക്കുകയുണ്ടായി. 1998-ൽ ഐശ്വര്യ റായ്, പ്രശാന്ത് എന്നിവരെ നായികാനായകന്മാരാക്കി ശങ്കർ അണിയിച്ചൊരുക്കിയ ജീൻസ് എന്ന ചലച്ചിത്രവും വൻവിജയം നേടിയിരുന്നു. ഇരുപത് കോടി രൂപാ മുതൽമുടക്കിൽ നിർമ്മിച്ച ഈ ചിത്രം അക്കാലത്തെ ഏറ്റവും ചിലവേറിയ ഇന്ത്യൻ ചലച്ചിത്രമായിരുന്നു.

1999-ൽ അർജുൻ നായകനായ മുതൽവൻ എന്ന ചിത്രത്തിന്റെ സംവിധാനവും നിർമ്മാണവും ഷങ്കർ നിർവ്വഹിച്ചു. വലിയ ലാഭം നേടിയ ഈ ചിത്രം നായക് എന്ന പേരിൽ ഷങ്കർ തന്നെ ഹിന്ദിയിലേക്ക് റീമേക്ക് ചെയ്തു. അദ്ദേഹത്തിന്റെ ആദ്യ ബോളിവുഡ് ചിത്രവും ഇതുതന്നെ. 2003-ൽ സംവിധാനം ചെയ്ത ബോയ്സ് എന്ന ചലച്ചിത്രം ഒരു പരാജയമായിരുന്നു. അതിനുശേഷം വിക്രമിനെ നായകനാക്കി സംവിധാനം ചെയ്ത അന്യൻ എന്ന ചലച്ചിത്രം ബോക്സ് ഓഫീസ് ഹിറ്റായി. ഏറെ നിരൂപകശ്രദ്ധ നേടിയ ഈ ചലച്ചിത്രം ഏറ്റവും കൂടുതൽ വരുമാനം നേടിയ തമിഴ് ചലച്ചിത്രങ്ങളിലൊന്നാണ്.

അറുപത് കോടി രൂപാ മുതൽമുടക്കിൽ രജനികാന്തിനെ നായകനാക്കി ഷങ്കർ സംവിധാനം ചെയ്ത് 2007-ൽ പുറത്തിറങ്ങിയ ശിവാജി എന്ന ചലച്ചിത്രവും മികച്ച വരുമാനം സ്വന്തമാക്കി.^[5][6] 2010-ൽ രജനികാന്തിനെ നായകനാക്കിയുള്ള രണ്ടാമത്തെ ചലച്ചിത്രമായ എന്തിരൻ പുറത്തിറങ്ങി. നായിക ഐശ്വര്യ റായ് ആയിരുന്നു. മികച്ച സാങ്കേതികവിദ്യ ഉപയോഗിച്ചുനിർമ്മിച്ച ചിത്രത്തിന്റെ മുടക്കുമുതൽ 132 കോടി രൂപയായിരുന്നു. ഈ ചിത്രത്തിനും മികച്ച വരുമാനം ലഭിച്ചതായി പറയപ്പെടുന്നു.^[7][8] 2009-ൽ പുറത്തിറങ്ങിയ ത്രീ ഇടിയറ്റ്സ് എന്ന ഹിന്ദി ചലച്ചിത്രത്തിന്റെ തമിഴ് പതിപ്പായ നൻപൻ ഒരുക്കിയതും ഷങ്കറായിരുന്നു. വിജയ്, ശ്രീകാന്ത്, ജീവ എന്നിവർ മുഖ്യവേഷങ്ങളിൽ അഭിനയിച്ച ഈ ചിത്രം മികച്ച പ്രദർശനവിജയം നേടി.^[9]

അന്യൻ എന്ന വിജയചിത്രത്തിനുശേഷം വിക്രം-ഷങ്കർ കൂട്ടുകെട്ടിൽ പിറന്ന ചിത്രമാണ് ഐ. ഏതാണ്ട് രണ്ടുവർഷത്തെ ചിത്രീകരണത്തിനുശേഷം 2015 ജനുവരി 14-ന് പ്രദർശനത്തിനെത്തിയ ഈ ചിത്രം പത്തൊൻപതുദിവസം കൊണ്ട് 200 കോടി രൂപ വരുമാനം നേടി.^[10][11] 2018-ൽ ശങ്കർ തൻ്റെ ചിത്രമായ എന്തിരൻ്റെ രണ്ടാം ഭാഗം 2.0 സംവിധാനം ചെയ്തു.^[12] ചിത്രത്തിന് കൂടുതലും സമ്മിശ്ര അവലോകനങ്ങളാണ് ലഭിച്ചത്. എന്നിരുന്നാലും ഈ ചിത്രം എക്കാലത്തെയും ഏറ്റവും കൂടുതൽ കളക്ഷൻ നേടിയ തമിഴ് ചിത്രമായി മാറി.^[13]

പിന്നീട് കമൽഹാസനുമായി വീണ്ടും ഒന്നിക്കുന്ന ഇന്ത്യൻ എന്ന ചിത്രത്തിൻ്റെ തുടർച്ചയായ ഇന്ത്യൻ 2 ൻ്റെ ജോലികൾ ശങ്കർ ആരംഭിച്ചു. എന്നിരുന്നാലും, 2019 ലെ ഇന്ത്യൻ പൊതുതെരഞ്ഞെടുപ്പിൽ കമൽഹാസൻ മത്സരിക്കുന്നതും സെറ്റിൽ ഒരു അപകടവും കൊവിഡ് 19 പാൻഡെമിക് കാരണവും ഉത്പാദനം സ്തംഭിച്ചു. 2021 ഫെബ്രുവരിയിൽ, രാം ചരണും കിയാര അദ്വാനിയും അഭിനയിച്ച ഗെയിം ചേഞ്ചർ എന്ന തെലുങ്ക് സിനിമയിലെ തൻ്റെ അരങ്ങേറ്റം ശങ്കർ പ്രഖ്യാപിച്ചു.2021 ഏപ്രിലിൽ, അനിയൻ്റെ റീമേക്കായ രൺവീർ സിങ്ങിനൊപ്പം ഹിന്ദി സിനിമയിലേക്കുള്ള തൻ്റെ തിരിച്ചുവരവും അദ്ദേഹം പ്രഖ്യാപിച്ചു. പെൻ സ്റ്റുഡിയോസിന് കീഴിൽ ജയന്തിലാൽ ഗദയാണ് ചിത്രം നിർമ്മിക്കുന്നത്. എന്നിരുന്നാലും, ചിത്രത്തിൻ്റെ റീമേക്ക് അവകാശവുമായി ബന്ധപ്പെട്ട് ശങ്കറിന് നിയമപരമായ ബുദ്ധിമുട്ടുകൾ നേരിടേണ്ടിവന്നു, നിർമ്മാണം ഒരിക്കലും ആരംഭിച്ചില്ല. ഗെയിം ചേഞ്ചറിൻ്റെ നിർമ്മാണം ആരംഭിച്ചു, വിക്രമിൻ്റെ റിലീസിന് ശേഷം കമൽഹാസൻ ലഭ്യമായതിന് ശേഷം, ഗെയിം ചേഞ്ചറും ഇന്ത്യൻ 2 ലും ഒരേസമയം പ്രവർത്തിക്കുകയും സംവിധാനം ചെയ്യുകയും ചെയ്യുമെന്ന് ശങ്കർ പറഞ്ഞു. ഇന്ത്യൻ 2 വിൻ്റെ ചിത്രീകരണ വേളയിൽ, ചിത്രത്തിൻ്റെ ദൈർഘ്യം കണക്കിലെടുത്ത് ചിത്രം രണ്ട് ഭാഗങ്ങളായി വിഭജിക്കാൻ തീരുമാനിച്ചു. രണ്ട് ഭാഗങ്ങളും ഒരേ സമയം ചിത്രീകരിച്ചു.

ഇന്ത്യൻ 2 2024 ജൂലൈ 12-ന് പുറത്തിറങ്ങി.വളരെ മോശം പ്രതികരണമാണ് ലഭിച്ചത്, വിമർശകർ അത് കാലഹരണപ്പെട്ടതും ആദ്യ ഭാഗത്തെക്കാൾ താഴ്ന്നതുമാണെന്ന് കണ്ടെത്തി. ഗെയിം ചേഞ്ചർ 2025 ജനുവരി 10-ന് സംക്രാന്തിയോട് അനുബന്ധിച്ച് പുറത്തിറങ്ങി.^[14] സമ്മിശ്രവും പ്രതികൂലവുമായ അവലോകനങ്ങൾ ലഭിച്ചു. ശങ്കറിൻ്റെ മുൻ ചിത്രമായ ഇന്ത്യൻ 2 നേക്കാൾ മികച്ചതായി അഭിപ്രായങ്ങൾ ലഭിച്ചു. രണ്ട് ചിത്രങ്ങളും ബോക്സ് ഔഫീസിൽ പരാജയപ്പെട്ടു.^[15][16]

2025-ൽ റിലീസ് ചെയ്യാനിരിക്കുന്ന 'ഇന്ത്യൻ' എന്ന ചിത്രത്തിൻ്റെ മൂന്നാം ഭാഗമായ ഇന്ത്യൻ 3 ആണ് ശങ്കറിൻ്റെ അടുത്ത ചിത്രം.

ചിത്രങ്ങൾ

വർഷം	ചിത്രം	പ്രവർത്തനം			ഭാഷ	കുറിപ്പുകൾ
		സംവിധായകൻ	നിർമ്മാതാവ്	തിരക്കഥാകൃത്ത്
1993	ജെന്റിൽമാൻ	അതെ		അതെ	തമിഴ്	മികച്ച സംവിധായകനുള്ള ഫിലിംഫെയർ പുരസ്കാരം തമിഴ്നാട് സർക്കാരിന്റെ സംസ്ഥാനചലച്ചിത്രപുരസ്കാരം
1994	കാതലൻ	അതെ		അതെ	തമിഴ്	"കാതലിക്കും പെണ്ണിൻ.." എന്ന ഗാനരംഗത്ത് അതിഥി വേഷം. മികച്ച സംവിധായകനുള്ള ഫിലിംഫെയർ പുരസ്കാരം തമിഴ്നാട് സർക്കാരിന്റെ സംസ്ഥാനചലച്ചിത്രപുരസ്കാരം
	ജെന്റിൽമാൻ			അതെ	ഹിന്ദി	ജെന്റിൽമാന്റെ റീമേക്ക്
1996	ഇന്ത്യൻ	അതെ		അതെ	തമിഴ്
1998	ജീൻസ്	അതെ		അതെ	തമിഴ്
1999	മുതൽവൻ	അതെ	അതെ	അതെ	തമിഴ്
2001	നായക്	അതെ		അതെ	ഹിന്ദി	മുതൽവന്റെ റിമേക്ക്
2003	ബോയ്സ്	അതെ		അതെ	തമിഴ്
2004	കാതൽ		അതെ		തമിഴ്
2005	അന്യൻ	അതെ		അതെ	തമിഴ്	മികച്ച സംവിധായകനുള്ള ഫിലിംഫെയർ പുരസ്കാരം തമിഴ്നാട് സർക്കാരിന്റെ സംസ്ഥാനചലച്ചിത്രപുരസ്കാരം
2006	ഇംസൈ അരസൻ 23ആം പുലികേശി		അതെ		തമിഴ്
	വെയിൽ		അതെ		തമിഴ്	മികച്ച തമിഴ് ചലച്ചിത്രത്തിനുള്ള ദേശീയ ചലച്ചിത്രപുരസ്കാരം മികച്ച ചലച്ചിത്രത്തിനുള്ള ഫിലിംഫെയർ പുരസ്കാരം
2007	ശിവാജി	അതെ		അതെ	തമിഴ്	"ബല്ലെയ്‌ലക്ക.." എന്ന ഗാനത്തിൽ അതിഥിവേഷം. മികച്ച സംവിധായകനുള്ള ഫിലിംഫെയർ പുരസ്കാരം നാമനിർദ്ദേശം.
	കല്ലൂരി		അതെ		തമിഴ്
2008	അറൈ എൺ 305-ൽ കടവുൾ		അതെ		തമിഴ്
2009	ഈറം		അതെ		തമിഴ്
2010	റെട്ടസുഴി		അതെ		തമിഴ്
	അനന്തപുരത്തു വീട്		അതെ		തമിഴ്
	എന്തിരൻ	അതെ		അതെ	തമിഴ്	സംവിധാനത്തിനുള്ള വിജയ് അവാർഡ് ഫിലിംഫെയർ പുരസ്കാരം നാമനിർദ്ദേശം. പട്ടാളക്കാരനായി അതിഥിവേഷം
2012	നൻപൻ	അതെ			തമിഴ്	"അസ്ക ലസ്ക.." ഗാനത്തിൽ അതിഥിവേഷം
2014	കപ്പൽ		വിതരണം		തമിഴ്
2015	ഐ	അതെ		അതെ	തമിഴ്
2018	2.0	അതെ		അതെ	തമിഴ്
2023	അനീതി		വിതരണം		തമിഴ്
2024	ഇന്ത്യൻ 2	അതെ		അതെ	തമിഴ്
2025	ഗെയിം ചേഞ്ചർ	അതെ			തെലുങ്ക്	"രാ മച്ചാ മച്ചാ.." ഗാനത്തിൽ അതിഥിവേഷം
	ഇന്ത്യൻ 3	അതെ		അതെ	തമിഴ്	പൂർത്തിയായി

പുരസ്കാരങ്ങൾ

Year	Awards	Category	For
1993	Filmfare Awards South	Filmfare Award for Best Director – Tamil	Gentleman
	Tamil Nadu State Film Awards	Tamil Nadu State Film Award for Best Director	Gentleman
1994	Filmfare Awards South	Filmfare Award for Best Director – Tamil	Kadhalan
	Tamil Nadu State Film Awards	Tamil Nadu State Film Award for Best Director	Kadhalan
2005	Filmfare Awards South	Filmfare Award for Best Director – Tamil	Anniyan
	Tamil Nadu State Film Awards	Tamil Nadu State Film Award for Best Director	Anniyan
2006	Filmfare Awards South	Filmfare Award for Best Film - Tamil	Veyil

അവലംബം

1. "Demystifying India's highest paid film-maker - the elusive S Shankar". Archived from the original on 2016-09-04. Retrieved 2016-04-05.
2. "Demystifying India's highest paid film-maker — the elusive S Shankar — Economic Times Retrieved Jan 20, 2015". Archived from the original on 2012-07-07. Retrieved 2016-04-05.
3. "Director Shankar — Director, Producer, Writer, picture, biography, profile, info and favourites". Nilacharal.com. 17 August 1963. Archived from the original on 2015-03-24. Retrieved 9 November 2011.
4. "Director Shankar's Interview". Behindwoods. 20 January 2005. Retrieved 9 November 2011.
5. "Sivaji – The Boss (Now Playing)". Indiatimes. 18 June 2007. Archived from the original on 2010-01-04. Retrieved 2016-04-05. Made on a budget of about Rs 75 Crores...
6. Business Standard (13 July 2007). "Eros buys Tamil film distributor". Business-standard.com. Retrieved 9 November 2011. {{cite web}}: |author= has generic name (help)
7. "Rajinikanth's 'Robot' biggest grosser of all time". IBN Live. Archived from the original on 2011-10-13. Retrieved 2016-04-05.
8. "Rajinikanth adds 30% to Kalanithi Maran's Sun TV Network revenue". The Economic Times. 31 January 2011.
9. "Vijay — Tamil Movie News — Vijay's next titled Rascal? - Vijay | Shankar | 3 Idiots | Rascal | Kaavalan". Behindwoods.com. 2 September 2010. Retrieved 9 November 2011.
10. "'I' will be produced on a mega scale". The Times of India. 26 June 2012. Archived from the original on 2013-12-03. Retrieved 2016-04-05.
11. http://m.ibtimes.co.in/i-box-office-collection-vikram-starrer-grosses-200-crore-worldwide-19-days-622335
12. http://m.ibtimes.co.in/endhiran-2-update-pre-production-works-rajinikanth-starrer-full-swing-637340
13. Kumar, Karthik. "Bigil beats Enthiran to emerge as 5th highest grossing south Indian film".
14. "Dil Raju announces Game Changer release plans | Latest Telugu cinema news | Movie reviews | OTT Updates, OTT". 123telugu.com (in ഇംഗ്ലീഷ്). 2024-07-21. Retrieved 2024-07-22.
15. Singh, Jatinder (13 August 2024). "Indian 2 worldwide closing box office collections: Kamal Haasan, Shankar film is a colossal DISASTER". Pinkvilla.
16. "Game Changer Box Office Collections: Ram Charan, Shankar film gross 158cr worldwide in six days". PINKVILLA (in ഇംഗ്ലീഷ്). 2025-01-16. Retrieved 2025-01-16.

പുറംകണ്ണികൾ

• ഔദ്യോഗിക വെബ്സൈറ്റ്
• ഇന്റർനെറ്റ് മൂവി ഡാറ്റാബേസിൽ നിന്ന് എസ്. ഷങ്കർ