കിഴക്കൻ ടിമോർ

തെക്കുകിഴക്കേ ഏഷ്യയിലെ ഒരു രാജ്യമാണ് ഈസ്റ്റ് ടിമോർ. (ഔദ്യോഗിക നാമം: ഡെമോക്രാറ്റിക്ക് റിപ്പബ്ലിക്ക് ഓഫ് റ്റിമോർ-ലെസ്റ്റെ, അഥവാ റ്റിമോർ-ലെസ്റ്റെ). റ്റിമോർ ദ്വീപിന്റെ കിഴക്കേ പകുതി, അതൌറോ ദ്വീപ്, ജാക്കോ ദ്വീപ്, ഇന്തൊനേഷ്യൻ വെസ്റ്റ് ടിമോർ ദ്വീപിനുള്ളിൽ ഒറ്റപ്പെട്ട പ്രദേശമായ ഊക്കുസി-അംബേനോ എന്ന ഭാഗം എന്നിവ ചേർന്നതാണ് ഈസ്റ്റ് ടിമോർ. ആസ്ത്രേലിയയിലെ ഡാർ‌വ്വിൻ എന്ന വടക്കുപടിഞ്ഞാറൻ പ്രദേശത്തുനിന്നും ഏകദേശം 400 മൈൽ (640 കിലോമീറ്റർ‌‌) അകലെയാണ് ഈസ്റ്റ് ടിമോർ. 5,376 ച.മൈൽ (14,609 ച.കി.മീ) ആണ് ഈസ്റ്റ് റ്റിമോറിന്റെ വിസ്തീർണ്ണം.

Democratic Republic of Timor-Leste Repúblika Demokrátika Timór Lorosa'e República Democrática de Timor-Leste
Flag Coat of arms
ആപ്തവാക്യം: Unidade, Acção, Progresso (Portuguese: "Unity, Action, Progress")
ദേശീയഗാനം: Pátria
തലസ്ഥാനം	Dili
ഔദ്യോഗിക ഭാഷകൾ	Tetum and Portuguese1
Demonym(s)	East Timorese
സർക്കാർ	Parliamentary republic
• President	José Ramos-Horta
• Prime Minister	ഹൊസെ മരിയ വാസ്‌കോൺസലോസ്
Independence  from Portugal²
• Declared	November 28, 1975
• Recognized	May 20, 2002
വിസ്തീർണ്ണം
• മൊത്തം	15,410 കി.m2 (5,950 ച മൈ) (158th)
• ജലം (%)	negligible
ജനസംഖ്യ
• July 2005 estimate	1,115,000[അവലംബം ആവശ്യമാണ്] (155th)
• Density	64/കിമീ2 (165.8/ച മൈ) (132nd)
ജിഡിപി (പിപിപി)	2005 estimate
• Total	$2.18 billion (206)
• പ്രതിശീർഷ	$800 (188)
HDI (2007)	0.514 low (150th)
നാണയം	U.S. Dollar³ (USD)
സമയമേഖല	UTC+9
ടെലിഫോൺ കോഡ്	670
ISO 3166 കോഡ്	TL
ഇന്റർനെറ്റ് TLD	.tl4
Indonesian and English are recognised by the Constitution as "working languages". Indonesia invaded East Timor on December 7, 1975 and left in 1999. Centavo coins also used. .tp is being phased out.

പോർച്ചുഗൽ 16-ആം നൂറ്റാണ്ടിൽ കോളനിയാക്കിയ ഈസ്റ്റ് ടിമോർ നൂറ്റാണ്ടുകളോളം പോർച്ചുഗീസ് ടിമോർ എന്ന് അറിയപ്പെട്ടു. ഇന്തോനേഷ്യ 1975-ൽ ഈസ്റ്റ് ടിമോറിനെ ആക്രമിച്ച് കീഴടക്കി. 1976-ൽ ഇന്തോനേഷ്യ ഈസ്റ്റ് ടിമോറിനെ ഇന്തോനേഷ്യയുടെ 27-ആം പ്രവിശ്യ ആയി പ്രഖ്യാപിച്ചു. 1999-ൽ ഐക്യരാഷ്ട്രസഭയുടെ ആഭിമുഖ്യത്തിൽ നടത്തിയ സ്വയം നിർണ്ണയാവകാശ പ്രക്രിയയെ തുടർന്ന് ഇന്തോനേഷ്യ ഈസ്റ്റ് ടിമോറിന്റെ മുകളിലുള്ള നിയന്ത്രണം അവസാനിപ്പിച്ചു. 2002 മെയ് 20-നു ഈസ്റ്റ് ടിമോർ 21-ആം നൂറ്റാണ്ടിലെയും മൂന്നാം സഹസ്രാബ്ദത്തിലെയും ആദ്യത്തെ പുതിയ സ്വതന്ത്രരാജ്യമായി. ഫിലിപ്പീൻസും ഈസ്റ്റ് ടിമോറുമാണ് ജനസംഖ്യയുടെ ഭൂരിഭാഗവും റോമൻ കത്തോലിക്കർ ഉള്ള ഏഷ്യയിലെ രണ്ടു രാജ്യങ്ങൾ.

800$ മാത്രം പ്രതിശീർഷ ജി.ഡി.പി ഉള്ള ഈസ്റ്റ് റ്റിമോർ ലോകത്തെ തന്നെ ഏറ്റവും താഴ്ന്ന പ്രതിശീർഷ ജി.ഡി.പി (പി.പി.പി) ഉള്ള രാജ്യങ്ങളിൽ ഒന്നാണ്.^[1]. എങ്കിലും ഈസ്റ്റ് ടിമോറിന്റെ മാനവ വികസന സൂചിക (എച്ച്.ഡി.ഐ) താരതമ്യേന ശരാശരി മാനവ വികസനത്തെ സൂചിപ്പിക്കുന്നു. ലോകരാഷ്ട്രങ്ങളുടെ മാനവ വികസന സൂചിക അനുസരിച്ചുള്ള പട്ടികയിൽ ഈസ്റ്റ് ടിമോറിന്റെ സ്ഥാനം 142 ആണ്.