ബൊമൻ ഇറാനി

പ്രശസ്തനായ ‌ഇന്ത്യൻ ചലച്ചിത്ര താരമാണ് ബൊമൻ ഇറാനി (ജനനം - ഒക്ടോബർ 1 1962, മുംബൈ, മഹാരാഷ്ട്ര). ഹിന്ദി ചലച്ചിത്രങ്ങളിൽ ഒരു ഹാസ്യതാരമായും, സഹനടനായും, സ്വഭാവനടനായും അഭിനയിച്ച ഇറാനി ഒരു ഫോട്ടോഗ്രാഫറുംകൂടിയാണ്.

ബൊമൻ ഇറാനി
ജനനം	മുംബൈ, മഹാരാഷ്ട്ര, ഇന്ത്യ
തൊഴിൽ(s)	Film actor Voice actor
സജീവ കാലം	2000–present
ജീവിതപങ്കാളി	Zenobia Irani
കുട്ടികൾ	Danesh and Kayoze Irani (son)

ജീവിതരേഖ

ചലച്ചിത്രരംഗത്തേക്ക് പ്രവേശിക്കുന്നതിനു മുൻപ് ബൊമൻ ഇറാനി ഒരു കച്ചവടക്കാരനായിരുന്നു.^[1] ഒരു ഫോട്ടോഗ്രാഫറായാണ് ഇറാനി കലാരംഗത്തേക്ക് കടക്കുന്നത്. സിനിമയിൽ അഭിനയിക്കുന്നതിനു മുൻപ് ഇറാനി ‌നാടകങ്ങളിലും അഭിനയിച്ചിരുന്നു. പ്രശസ്ത നാടക സം‌വിധായകൻ ഫിറോസ് അബ്ബാസ് ഖാന്റെ മഹാത്മ വേഴ്സസ് ഗാന്ധി (Mahatma vs. Gandhi)എന്ന നാടകത്തിൽ മഹാത്മാഗാന്ധിയുടെ കഥാപാത്രം കൈകാര്യം ചെയതത് ബൊമൻ ഇറാനിയായിരുന്നു.^[2] പിന്നീട് അദ്ദേഹം ധാരാളം ടി വി പരസ്യങ്ങളിലും അഭിനയിക്കുകയുണ്ടായി സിയറ്റ്(CEAT) ടയറിന്റെ പരസ്യം അതിലൊന്നാണ്. ജോഷ് (2000) എന്ന ചിത്രമാണ് ബൊമൻ ഇറാനിയുടെ ആദ്യ ഹിന്ദി ചലച്ചിത്രം. മുന്നാഭായി എം.ബി.ബി.എസ്. (2003) എന്ന ചിത്രത്തിൽ ഡോ.ജെ.സി അസ്താന എന്ന കഥാപാത്രവും, ഈ സിനിമയുടെ രണ്ടാം ഭാഗമായി പുറത്തിറങ്ങിയ ലഗേ രഹോ മുന്നാഭായി (2006) എന്ന ചിത്രത്തിലെ ലക്കി സിംഗ് എന്ന കഥാപാത്രവും, ഖോസ്‌ലാ ക ഘോസ്‌ലഎന്ന ചിത്രത്തിലെ ഹാസ്യത്തിൽ ചാലിച്ച വില്ലൻ വേഷവും ബൊമൻ ഇറാനിയുടെ ശ്രദ്ധിക്കപ്പെട്ട വേഷങ്ങളാണ്. കൂടാതെ നിരവധി സിനിമകളിലും അദ്ദേഹം അഭിനയിച്ചിട്ടുണ്ട്.

അഭിനയിച്ച സിനിമകൾ

• 2000 ജോഷ്
• 2001 എവ്‌രി ബഡി സേയ്സ് അയാം ഫൈൻ
• 2002 ലെറ്റ്സ് ടോക്
• 2003 ഡർനാ മനാ ഹൈ
• 2003 മുന്നാഭായി എം.ബി.ബി.എസ്.
• 2004 മേം ഹൂം നാ
• 2005 പേജ് 3
• 2005 വക്ത്
• 2005 മൈ വൈഫ്സ് മർഡർ
• 2005 നോ എണ്ട്രി
• 2005 മേംനെ ഗാന്ദി കൊ നഹി മാരാ
• 2005 ഹോം ഡെലിവറി
• 2005 കൽ
• 2005 ബ്ലഫ് മാസ്റ്റർ
• 2006 ബീയിംഗ് സിറസ്
• 2006 ശാദി സെ പഹ്‌ലെ
• 2006 ഖോസ്‌ല ക ഘോസ്‌ല
• 2006 പ്യാരെ മോഹൻ
• 2006 യൂ ഹോത്ത തൊ ക്യാ ഹോത്ത
• 2006 ലഗേ രഹോ മുന്നാഭായി
• 2006 ഡോൺ
• 2007 ഏകലവ്യ
• 2007 ഹണിമൂൺ ട്രാവൽസ് പ്രൈവറ്റ് ലിമിറ്റഡ്
• 2007 ഹേ ബേബി
• 2007 ധൻ ധനാ ധൻ ഗോൾ
• 2008 ലവ് സ്റ്റോറി 2050
• 2008 കിസ്മത് കണക്ഷൻ
• 2009 3 ഇഡിയറ്റ്സ്