ഇന്ത്യൻ ചലചിത്ര അഭിനേത്രി From Wikipedia, the free encyclopedia
സോനാക്ഷി സിൻഹ (ജനനം: ജൂൺ 2, 1987) ഒരു ഇന്ത്യൻ ചലച്ചിത്ര നടിയാണ്. ഹിന്ദി ചലച്ചിത്രനടൻ ശത്രുഘ്നൻ സിൻഹയുടേയും, പൂനം സിൻഹയുടേയും പുത്രിയാണ് സോനാക്ഷി. ആദ്യകാല ജീവിതം ഒരു കോസ്റ്റ്യൂം ഡിസൈനറെന്ന നിലയിൽ ആരംഭിച്ച സോനാക്ഷി സിൻഹ, 2010 ൽ പുറത്തിറങ്ങിയ ദബാംഗ് എന്ന ആക്ഷൻ നാടകീയ ചലച്ചിത്രത്തിലൂടെ അഭിനയരംഗത്ത് അരങ്ങേറ്റം കുറിക്കുകയും ഈ ചിത്രത്തിലെ അഭിനയത്തിന് ഏറ്റവും മികച്ച പുതുമുഖ നടിക്കുള്ള ഫിലിംഫെയർ അവാർഡ് കരസ്ഥമാക്കുകയുമുണ്ടായി.
1987 ജൂൺ 2 ന്[1] മുംബൈയിൽ പിതാവു വഴി ഒരു ബീഹാറി കായസ്താ പാരമ്പര്യത്തിലും മാതാവു വഴി ഒരു സിന്ധി പാരമ്പര്യത്തിലുമുള്ള കുടുംബത്തിലാണ് സോനാക്ഷി സിൻഹ ജനിച്ചത്.[2] പിതാവ് ശത്രുഘ്നൻ സിൻഹയും മാതാവ് പൂനം സിൻഹയും (മുമ്പ്, ചന്ദ്രിരമണി) ചലച്ചിത്രവേദിയിലെ അഭിനേതാക്കളായിരുന്നു. പിതാവ് ഇപ്പോൾ ഭാരതീയ ജനതാപാർട്ടിയിലെ അംഗമാണ്.[3][4] മാതാപിതാക്കളുടെ മൂന്ന് കുട്ടികളിൽ ഏറ്റവും ഇളയവളാണ് സോനാക്ഷി. രണ്ട് മൂത്ത സഹോദരന്മാരായ ലവ് സിൻഹ, കുഷ് സിൻഹ എന്നിവരാണ് ഇരട്ടകളാണ്. ആര്യ വിദ്യാ മന്ദിറിൽ സ്കൂൾ വിദ്യാഭ്യാസം പൂർത്തിയാക്കിയ സോനാക്ഷി, പിന്നീട് ശ്രീമതി നാത്തിബായ് ദാമോദർ താക്കർസേ വനിതാ സർവകലാശാലയുടെ കീഴിലുള്ള പ്രമീള വിതാൽദാസ് പോളിടെക്നിക്കിൽനിന്ന് ഫാഷൻ ഡിസൈനിംഗിൽ ബിരുദം നേടിയിരുന്നു.[5]
ഒരു കോസ്റ്റ്യൂം ഡിസൈനറായി ഔദ്യോഗിക ജീവിതമാരംഭിച്ച സോനാക്ഷി 2005 ൽ പുറത്തിറങ്ങിയ മേര ദിൽ ലേകേ ദേഖോ പോലെയുള്ള ചിത്രങ്ങൾക്കുവേണ്ടി വസ്ത്രങ്ങൾ രൂപകൽപ്പന ചെയ്തിരുന്നു.[6] 2010 ൽ പുറത്തിറങ്ങിയ ദബാംഗിൽ സൽമാൻ ഖാനോടൊപ്പം പ്രത്യക്ഷപ്പെട്ടുകൊണ്ടാണ് അഭിനയരംഗത്ത് അരങ്ങേറ്റം കുറിക്കുന്നത്. 2010-ൽ ഏറ്റവും കൂടുതൽ കളക്ഷൻ നേടിയ ഈ ചിത്രം ആത്യന്തികമായി ഒരു ബ്ലോക് ബസ്റ്റർ ആയി മാറി.[7][8] ഈ ചിത്രത്തിലെ ഗ്രാമീണ പെൺകുട്ടിയുടെ വേഷം ചെയ്യുന്നതിനായി സോനാക്ഷി സിൻഹ 3 കിലോ ഭാരം കുറച്ചിരുന്നു.[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
_(cropped).jpg)
