സി.എച്ച്. കുഞ്ഞമ്പു
From Wikipedia, the free encyclopedia
പന്ത്രണ്ടാം കേരളനിയമസഭയിൽ മഞ്ചേശ്വരത്തെ പ്രതിനിധീകരിക്കുകയും പതിനഞ്ചാം കേരളനിയമസഭയിൽ ഉദുമയെ പ്രതിനിധീകരിക്കുകയും ചെയ്യുന്ന സി. പി. ഐ(എം) പ്രവർത്തകനാണ് സി. എച്ച്. കുഞ്ഞമ്പു. [1]
2006-ലെ തിരഞ്ഞെടുപ്പ്
1987-മുതൽ നാലുതവണ തുടർച്ചയായി മഞ്ചേശ്വരം നിയമസഭാ മണ്ഡലത്തിൽനിന്നും വിജയിച്ച ചെർക്കുളം അബ്‌ദുള്ളയെ (IUML) മൂന്നാം സ്ഥാനത്തേക്ക് പിന്തള്ളിയാണ്‌ കുഞ്ഞമ്പു 2006-ൽ വിജയിച്ചത്. [2] ആകെ പോൾ ചെയ്ത വോട്ടുകളുടെ 35.71% വോട്ടുകൾ (39242) ലഭിച്ച കുഞ്ഞമ്പു, തൊട്ടടുത്ത സ്ഥാനാർത്ഥിയായ ബി.ജെ.പിയിലെ നാരായണ ഭട്ടിനെ (ലഭിച്ച വോട്ടുകൾ 34413) 4829 വോട്ടുകളുടെ ഭൂരിപക്ഷത്തിനാണ്‌ പരാജയപ്പെടുത്തിയത്. [3]
ജീവിതരേഖ
പിതാവ് അമ്പു കാരണവർ, മാതാവ് കുഞ്ഞമ്മാർ അമ്മ, കാസർഗോഡ് ജില്ലയിലെ ബേദടുക്കയിൽ 1959 ആഗസ്റ്റ് 20-നാണ്‌ ജനിച്ചത്. ഭാര്യ: എം. സുമതി. ബി.എ, എൽ.എൽ.ബി ബിരുദധാരിയായ ഇദ്ദേഹം കാസർഗോഡ് ബാറിലെ അഭിഭാഷകനായാണ്‌ ഔദ്യോഗികജീവിതം ആരംഭിച്ചത്. [4].
കണ്ണൂർ, കോഴിക്കോട് സർവകലാശാലകളുടെ സെനറ്റ് മെമ്പറായിരുന്ന അദ്ദേഹം ഇപ്പോൾ സി. പി. ഐ(എം) കാസർഗോഡ് ജില്ലാ സെക്രട്ടറി, കേരള കർഷകസംഘം പ്രസിഡണ്ട് എന്നീ സ്ഥാനങ്ങളും വഹിക്കുന്നു.
അവലംബം
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
