വൈഗൈ അണക്കെട്ട്
From Wikipedia, the free encyclopedia
From Wikipedia, the free encyclopedia
തമിഴ്നാട്ടിലെ തേനി ജില്ലയിലെ ആണ്ടിപ്പട്ടിക്കടുത്ത് വൈഗൈ നദിക്കു കുറേകെ നിർമ്മിച്ചിരിക്കുന്ന അണക്കെട്ടാണ് വൈഗൈ അണക്കെട്ട്. മധുര, ആണ്ടിപ്പട്ടി എന്നീ നഗരങ്ങളിലേക്കു ശുദ്ധജലം നൽകുന്നതും ദിണ്ടിഗൽ, മധുര എന്നീ ജില്ലകളിൽ ജലസേചനം നടത്തുന്നതും ഈ അണക്കെട്ടിലെ ജലമുപയോഗിച്ചാണ്.[2]
വൈഗൈ അണക്കെട്ട് | |
---|---|
ഔദ്യോഗിക നാമം | வைகை அணை |
രാജ്യം | ഇന്ത്യ |
സ്ഥലം | ആണ്ടിപ്പട്ടി, തേനി ജില്ല, തമിഴ്നാട് |
നിർദ്ദേശാങ്കം | 10°03′12″N 77°35′23″E |
നിർമ്മാണം പൂർത്തിയായത് | 29 ജനുവരി 1959 |
അണക്കെട്ടും സ്പിൽവേയും | |
ഉയരം | 33.8 m (111 ft) |
നീളം | 3,560 m (11,680 ft) |
റിസർവോയർ | |
ആകെ സംഭരണശേഷി | 174,000,000 m3 (6.144752010×109 cu ft)[1] |
Power station | |
Operator(s) | Tamil Nadu Generation and Distribution Corporation Limited |
Commission date | 3 April 1990 |
Type | Gravity dam |
Turbines | 2 x 3 MW |
Installed capacity | 6 |
111 അടി ഉയരമുള്ള വൈഗൈ അണക്കെട്ടിന് 71 അടി ഉയരത്തിൽ വരെ വെള്ളം സംഭരിച്ചു നിർത്താനുള്ള ശേഷിയുണ്ട്. 6143 ദശലക്ഷം ക്യൂബിക് അടിയാണ് മൊത്തം സംഭരണശേഷി.
വൈഗൈ അണക്കെട്ട് ജലവൈദ്യുതപദ്ധതിയിൽ നിന്നും 6 മെഗാവാട്ട് വൈദ്യുതി ഉല്പാദിപ്പിക്കുന്നു. 3 മെഗാവാട്ടിന്റെ രണ്ട് യൂണിറ്റുകൾ ആണ് ഇവിടെയുള്ളത്. ആദ്യ യൂണിറ്റ് 1990-ൽ കമ്മീഷൻ ചെയ്തു. തമിഴ്നാട് ജനറേഷൻ ആൻഡ് ഡിസ്ട്രിബ്യൂഷൻ കോർപ്പറേഷന് (TANGEDCO) ആണ് ഇതിന്റെ പ്രവർത്തന ചുമതല.[3][4]
വാട്ടർ റിസോഴ്സസ് ഡിപ്പാർട്ട്മെന്റ് പരിപാലിക്കുന്ന ചെറുതും മനോഹരവുമായ ഒരു ഉദ്യാനം അണക്കെട്ടിന് ഇരുവശത്തുമായുണ്ട്. അണക്കെട്ടിനു മുൻവശത്തായി ഉദ്യാനത്തിന്റെ ഇരുവശങ്ങളെയും തമ്മിൽ ബന്ധിപ്പിക്കുന്ന ഒരു ചെറിയ പാലം ഉണ്ട്. കുട്ടികൾക്ക് ഉല്ലസിക്കാനുള്ള പ്രത്യേക സ്ഥലം ഈ പാർക്കിൽ ഉണ്ട്.
തമിഴ്നാട്ടിലെ 104 ഡാമുകളിലൊന്നായ വൈഗൈ അണക്കെട്ടിലെ പദ്ധതികൾ 'ഡാം റീഹാബിലിറ്റേഷൻ ആൻഡ് ഇംപ്രൂവ്മെന്റ് പ്രൊജക്റ്റി'ന് കീഴിൽ മെച്ചപ്പെടുത്താൻ തീരുമാനിച്ചിട്ടുണ്ട്.
റോഡ് വഴി: വൈഗൈ അണക്കെട്ട് ആണ്ടിപ്പട്ടിയിൽ നിന്നും ഏഴു കിലോമീറ്ററും, തേനിയിൽ നിന്നും 14 കിലോമീറ്ററും മധുരയിൽ നിന്ന് 70 കിലോമീറ്ററും ദൂരത്ത് സ്ഥിതി ചെയ്യുന്നു.
റെയിൽ വഴി: അണക്കെട്ടിൽ നിന്നും 61 കിലോമീറ്റർ ദൂരെ സ്ഥിതി ചെയ്യുന്ന ഡിണ്ടിഗൽ റെയിൽവേ സ്റ്റേഷൻ ആണ് ഏറ്റവും അടുത്ത പ്രധാന റെയിൽവേ സ്റ്റേഷൻ.
ആകാശമാർഗം: അണക്കെട്ടിൽ നിന്നും 80 കിലോമീറ്റർ ദൂരത്ത് സ്ഥിതിചെയ്യുന്ന മധുര എയർപോർട്ട് (IXM) ആണ് ഏറ്റവും അടുത്ത വിമാനത്താവളം.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.