ലിജോ ജോസ് പെല്ലിശ്ശേരി

മലയാള സിനിമയിലെ ഒരു സംവിധായകനാണ് ലിജോ ജോസ് പെല്ലിശ്ശേരി. അന്തരിച്ച നടൻ ജോസ് പെല്ലിശ്ശേരിയുടെ മകനാണ് ഇദ്ദേഹം. 2010-ൽ പുറത്തിറങ്ങിയ നായകൻ എന്ന ചിത്രത്തിലൂടെ പെല്ലിശ്ശേരി അരങ്ങേറ്റം നടത്തി. പിന്നീട് സിറ്റി ഓഫ് ഗോഡ് (2011), ആമേൻ (2013) എന്നീ വിജയ ചിത്രങ്ങൾ ചെയ്തു. ആദ്യ രണ്ടു ചിത്രങ്ങളും നിരൂപകപ്രശംസ പിടിച്ചു പറ്റിയെങ്കിലും സാമ്പത്തിക പരാജയങ്ങളായിരുന്നു.^[1] 2013ൽ പുറത്തിറങ്ങിയ ആമേൻ നിരൂപകപ്രശംസ പിടിച്ചുപറ്റിയതോടൊപ്പം പ്രേക്ഷകശ്രദ്ധയും സാമ്പത്തിക വിജയവും നേടി.^[2]

ലിജോ ജോസ് പെല്ലിശ്ശേരി
2018- ൽ ഐഎഫ്എഫ്ഐയിൽ ലിജോ ജോസ് പെല്ലിശ്ശേരി
ജനനം	12 സെപ്റ്റംബർ 1979 ചാലക്കുടി , കേരളം , ഇന്ത്യ
കലാലയം	കാർമൽ ഹയർ സെക്കണ്ടറി സ്കൂൾ ചാലക്കുടി യൂണിയൻ ക്രിസ്ത്യൻ കോളേജ്, ആലുവ ഐഐപിഎം
തൊഴിൽ	ചലച്ചിത്ര സംവിധായകൻ
സജീവ കാലം	2010 മുതൽ
ജീവിതപങ്കാളി	ജാസ്മിൻ ജെയിംസ്
മാതാപിതാക്കൾ	ജോസ് പെല്ലിശ്ശേരി, ലില്ലി ജോസ്
അവാർഡുകൾ	2013 ഏഷ്യാനെറ്റ് ഫിലിം അവാർഡ് 2017 സിനിമാ പാരഡീസോ ക്ലബ് അവാർഡ് 2017 കേരള സംസ്ഥാന ചലച്ചിത്ര പുരസ്കാരം 2018 സിൽവർ ക്രോ ഫേസന്റ് ഇഫ്കെ 2019 രാജ്യാന്തര ചലച്ചിത്രമേളയിൽ(IFFI) രജതമയൂരം

അദ്ദേഹത്തിന്റെ നാലാമത്തെ ചിത്രമായ ഡബിൾ ബാരൽ എന്ന പരീക്ഷണ ചിത്രത്തിന് സമ്മിശ്ര പ്രതികരണമാണ് ലഭിച്ചത്. 86 പുതുമുഖങ്ങൾ അഭിനയിച്ച അങ്കമാലി ഡയറിസ് (2017) എന്ന സിനിമയാണ് അഞ്ചാമത്തെ ചിത്രം. ശേഷം ഈ.മ.യൗ 2018 ൽ പുറത്തിറങ്ങി. 2018 ലെ മികച്ച സംവിധായകനുള്ള സംസ്ഥാന അവാർഡ് ഈ.മ.യൗ എന്ന ചിത്രത്തിന് ലിജോ ജോസ് പെല്ലിശ്ശേരിക്ക് ലഭിച്ചു.^[3] 48-ാമത് കേരള സംസ്ഥാന ചലച്ചിത്ര പുരസ്കാരത്തിലെ മികച്ച സംവിധായകനുള്ള പുരസ്കാരവും, 49-ാമത് അന്താരാഷ്ട്ര ചലച്ചിത്രോത്സവത്തിൽ മികച്ച സംവിധായകനുള്ള സിൽവർ പിയാകിനും മികച്ച നടനുള്ള അവാർഡ് ലഭിച്ചിട്ടുണ്ട്. 2018 ലെ ഇന്റർനാഷണൽ ഫിലിം ഫെസ്റ്റിവലിലും സിൽവർ ക്രൗട്ട് ഫെസന്റ് അവാർഡ് ലഭിച്ചു. 2019ല് ഗോവയിൽ വെച്ച് നടന്ന 50-ാമത് രാജ്യാന്തര ചലച്ചിത്രമേളയിൽ(IFFI) രണ്ടാം വർഷവും തുടർച്ചയായി മികച്ച സംവിധായകനുള്ള രജതമയൂരം ജല്ലിക്കട്ട് എന്ന ചിത്രത്തിന് ലിജോ ജോസ് പെല്ലിശ്ശേരിക്ക് ലഭിച്ചു. ഇതേ ചിത്രത്തിലെ പ്രവർത്തനത്തിന് 2019-ലെ മികച്ച സംവിധായകനുള്ള കേരളസംസ്ഥാന ചലച്ചിത്രപുരസ്കാരവും ലഭിച്ചു. ^[4]

ജീവചരിത്രം

തൃശൂർ ജില്ലയിലെ ചാലക്കുടിയിൽ 1979 സെപ്റ്റംബർ 12 നാണ് ലിജോ ജോസ് പെല്ലിശ്ശേരി ജനിച്ചത്. സംസ്ഥാന നാടക അവർഡ് ജേതാവും നാടക നടനുമായ ജോസ് പെല്ലിശ്ശേരിയും ലില്ലിയുമാണ്‌ മാതാപിതാക്കൾ. ചാലക്കുടി കാർമ്മൽ ഹയർ സെക്കൻഡറി സ്കൂളിലായിരുന്നു സ്കൂൾ കാലഘട്ടം. ആലുവയിലെ യൂണിയൻ യൂത്ത് ക്രിസ്ത്യൻ കോളേജിൽ നിന്ന് ബിരുദവും ബാംഗ്ലൂരിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് പ്ലാന്റേഷൻ മാനേജ്മെൻറിൽ നിന്ന് ബിരുദാനന്തര ബിരുദവും നേടി.

വർഷം	സിനിമ	പ്രവർത്തനങ്ങൾ			കുറിപ്പുകൾ
		സംവിധായകൻ	നിർമ്മാതാവ്	അഭിനേതാവ്
2010	നായകൻ	അതെ	അല്ല	സ്റ്റീവ്
2011	സിറ്റി ഓഫ് ഗോ‍ഡ്	അതെ	അല്ല	അല്ല
2011	ബോംബെ മാർച്ച് 12	അല്ല	അല്ല	തീവ്രവാദി
2013	ആമേൻ	അതെ	അല്ല	അല്ല
2014	സപ്തമശ്രീ തസ്കരാഃ	അല്ല	അല്ല	പുരോഹിതൻ
2015	ഡബിൾ ബാരൽ	അതെ	സഹനിർമ്മാതാവ്	അല്ല	ഓഗസ്റ്റ് സിനിമയുമായി സഹകരിച്ച് നിർമ്മിച്ചത്; എഴുത്തുകാരൻ കൂടിയാണ്
2016	ആകാശവാണി	അല്ല	അല്ല	തോമസ് കുരുവിള
2016	ഡാർവിന്റെ പരിണാമം	അല്ല	അല്ല	സ്വയം
2017	അങ്കമാലി ഡയറീസ്	അതെ	അല്ല	അല്ല
2017	ഒരു സിനിമാക്കാരൻ	അല്ല	അല്ല	സ്വയം
2017	മായാനദി	അല്ല	അല്ല	സംവിധായകൻ ലെൻ പ്രസാദ്
2018	ഈ.മ.യൗ	അതെ	അല്ല	അല്ല
2018	സ്വാതന്ത്ര്യം അർദ്ധരാത്രിയിൽ	അല്ല	സഹനിർമ്മാതാവ്	അഭിഭാഷകൻ ടോണി മറ്റത്തിൽ	ബി സി ജോഷി, ചെമ്പൻ വിനോദ് ജോസ് എന്നിവരോടൊപ്പം നിർമ്മാണം
2018	പടയോട്ടം	അല്ല	അല്ല	ഗ്യാങ്സ്റ്റർ ബ്രിട്ടോ
2019	ജെല്ലിക്കെട്ട്	അതെ	സഹനിർമ്മാതാവ്	അല്ല	ഒ.തോമസ് പണിക്കർ, ചെമ്പൻ വിനോദ് ജോസ് എന്നിവർക്കൊപ്പമാണ് നിർമ്മാണം
2019	തമാശ	അല്ല	സഹനിർമ്മാതാവ്	അല്ല	സമീർ താഹിർ , ഷൈജു ഖാലിദ് , ചെമ്പൻ വിനോദ് ജോസ് എന്നിവർക്കൊപ്പം നിർമ്മാണം
2021	ചുരുളി	അതെ	സഹനിർമ്മാതാവ്	അല്ല	ഒ.തോമസ് പണിക്കർ, ചെമ്പൻ വിനോദ് ജോസ് എന്നിവർക്കൊപ്പമാണ് നിർമ്മാണം
2022	നൻപകൽ നേരത്ത് മയക്കം	അതെ	സഹനിർമ്മാതാവ്	അല്ല	മമ്മൂട്ടിയോടൊപ്പം ചേർന്ന് നിർമ്മിച്ചത്
2022	മലയ്ക്കോട്ടൈ വാലിബൻ	അതെ	സഹനിർമ്മാതാവ്	അല്ല	പ്രഖ്യാപിച്ചു

പുരസ്കാരങ്ങൾ

വർഷം	പുരസ്കാരം	വിഭാഗം	ഫിലിം
2013	ഏഷ്യാനെറ്റ് ഫിലിം അവാർഡ്	മികച്ച സംവിധായകൻ	ആമേൻ
2013	അറ്റ്ലസ് ഫിലിം ക്രിട്ടിക്സ് അവാർഡ്	മികച്ച ജനപ്രിയ ചിത്രം	ആമേൻ
2014	റോയൽ റീൽ അവാർഡ് - കാനഡ ഫിലിം ഫെസ്റ്റിവൽ	മികച്ച ചിത്രം	ആമേൻ
2017	സിപിസി സിനി അവാർഡ്	മികച്ച സംവിധായകൻ	അങ്കമാലി ഡയറീസ്
2017	കേരള സംസ്ഥാന ചലച്ചിത്ര പുരസ്കാരം	മികച്ച സംവിധായകൻ	ഈ.മ.യൗ
2018	സിൽവർ പീക്കോക്ക് ഐ എഫ് ഐ 2018	മികച്ച സംവിധായകൻ	ഈ.മ.യൗ
2018	ഗോൾഡൻ ക്രോ ഫെസന്റ് IFFK 2018	മികച്ച സംവിധായകൻ	ഈ.മ.യൗ
2019	രജതമയൂരം IFFI 2019	മികച്ച സംവിധായകൻ	ജല്ലിക്കട്ട്
2019	കേരളസംസ്ഥാന ചലച്ചിത്രപുരസ്കാരം 2019[4]	മികച്ച സംവിധായകൻ	ജല്ലിക്കട്ട്